☺طفـــــــــــولة عضـــــــو / عضــــــــوهـ ☺

[اصايل]

ياوجودك خوف الملامه والا مداني جبت شي اعبر

بس اشوى اني قدرت امسك نفسي خخخخخخخ

يعافيك ربي يابطل

نتمنى يجي دورك ونشوف عضلاتك ايام الطفوله :)

[تباريح الروقي]

ههههههههههههههههههههههه>>اصوله والله منتي هيينه هههههههههههههههههاي

>>انا زي وجودك قلت امش البنت تهورت وتشرب الدخان<<ههههههههههههه

طفووله..عشتيها بكل مافيها.. يعطيك الف عافيه
.................................................. .................................................. ...................................


مهرتنا>> يعطيك الف عافيه.. موضووووع شيق وحمييل وتستاهلين الا تقييم يالغلا..

تحياتي..

[اصايل]

هههههههههههههههههههه

تباريح لا كنت حريصه لاتخافين خخخ

يعافيج ربي

واكيد لنا معك ميعاااد :)

[مهـرة مـطير]

"

وجودك ، أصايل ، الادميرال ، آخر رجل ، تباريح

الله يعافيكم شاكره تواجدكم وشكرآ لـ التقييم

/

أصايل أمتعتينا بسوالف طفولتج ماشاء الله عليج

ماينخاف عليج جيّده يعطيج العافيه


بإنتظار الفتى النقي التقي الألمو ينوّر الموضوع بسوالف طفولته من خلال الأسئله



****

[الأدميرال]

ايام الطفوله ما احلاها من ايام ويصعب تكرارها

1) نشيد كنت تحبه أيام الطفوله ؟؟
ماكنت اعرف اناشيد ولا ادانيها

2) شخصيه كرتونيه كنت تحبها ؟؟
الليث الابيض/ ببيرو/ فلونه
جونكر تأثرة كثير يوم مات وخنقتني العبره هههههههههههههه

3) كيف كنت ايام طفولتك شيطاني ولامؤدب ؟؟
انواع القراده كنت مزعج للبيت والحاره والحي كله
4) ماهي المواقف التي عرضت فيها اهلك للاحراج؟؟
المواقف كثيره بس كان اقوى شي
كان الوالد الله يرحمه مسوي غداء للامير سلطان بن محمد الكبير
وكان ايامها توي طايح بالنبيلات
وكنت وقتها فاالشارع انبط على حمامه واقفه على سلك
فوق البيت
على طلعت ابوي والامير والريجيل معه
سبحانه اختارته النبطه من بينهم كلهم وهي توقع في راسه
اللي اذكره ذيك اللحظه انها قامت عجه عند الباب
وانا انحاش لى بيت لخوالي اخذ عندهم اسبوع
وطلع سليم منها ما جته الارضه ولا طلع دم
سلم منها
5) هل كنت ذو شخصيه قويه أم مغلوب عليه ؟؟
كنت عنيد والشي اللي مايجوزلي اخربه

6)موقف حصل في طفولتك كان له دور في تغيير مجرى حياتك؟؟
مافيه موقف حصل في طفولتي وغير مجرى حياتي
كانت حياه لها مذاق خاص

7) اكبر مغامره
قمت فيها وانت صغير..؟؟؟

اكبر مغامره كانت سرقه وكانت اول مره واخر مره كان عمري 8 سنوات
قمت مره الصباح بدري وجاء في بالي اروح الدكان/ ذاك الوقت اقول دكان معرف اسم البقاله
وانا بطريقي لدكان واشوف باب جيرانا مفتوح والوبر فالحوش يناقز
وانااقرب من الباب ودخل راسي معه وطالع يمين يسار مافيه احد كلهم رقود
وشوف اللعشه حقت الوبر يسار فالحوش وانا ادخل وخذ ثنتين وروح للبيت وحطها ورجع مره ثانيه
واخذ ثنتين ورجع وفالمره الاخيره على دخلتي فالحوش لاهاك البنت واقفه عند باب المدخل تناظر في
توها صاحيه من النوم وهي صغيره وانا ابتسم ورجع مع دربي وكفخ للبيت
يوم جاء العصر فيه ملعب دايم نلعب فيه فالحاره المهم وحنا نلعب وهي تطلعلي مثل ابليس قدام وجهي
وتقول هذا هو اللي سرق الوبر حقنا واخوانها يلعبون معي بس اشوى محد سمعها وانا انسحب بكل هدووء
من الملعب وعلى البيت
يوم جاء المغرب ويجينا ابوهم يشتكي على ابوي
واخذ تكفيخ هاك اليوم لين اذنت
يوم جاء من بكره وشوف الولد واخته جاين من البقاله وانا اجيهم وامسك اخوها
وانا اضربه وخته تقعد تبكي واخذ اغراضهم اللي هم شارينها وكبها
بس الي الان كل ماذكرتها تندمت وش ابي فيهم

8) من هو الشخص اللي يقع دائمأ في شر اذيتك..؟؟؟

ههههههههههههههههه
ازقور التركي
كان يعملون عندنا ابوه وامه وكان حياة ابوي الله يرحمه ماخذلهم بيت قدام بيتنا
عشرة عمر بينا وبينهم
وكان هو الضحيه دايما
كانت ام ازقور تطبخ طبخ وكنت اجيهم على حزة غداء اوعشاء يعنني ادور ازقور بس عشان اكل معهم
بطاطس وسمك وسلطات>>>> كان فيه خير ونعمه عندنا بس ليه احب اكلهم مدري
والمعلم ازقور الان فاتح حلاق بالعليا وهو حلاقي المفضل

9) يوم كنت صغير كنت تترأس عصابه ام انك كنت عضو فيها فقط؟؟
مستحيل كان احد يتراسني كنت انا المدبر في كل شي

10) من كـان يدلعك أكثر
ما اذكر كان فيه دلع
كنت اذا اخطيت انطق وكان الوالد الله يرحمه مهتم فيني كثير اي مكان يروحله ياخذني معه
والوالده الله يطول بعمرها ويعطيها الصحه والعافيه كانت تعطف علي كثير
11) اســم دلعك بالطفوله لحد الان ينادونك فيـه ؟؟
وماهو ؟؟
مافيه اسم دلع بس كانت الوالده لاشفت وجهي متغير وحست اني جايب مصيبه كانت تقول/ وش عندك ياسمين العلوم
12) بطفولتك كنت تبجي إذا ماجلست بالاول بالطابور اوالفصل ؟؟
ماكان همي اول الطابور او اخره كثر ما افكر اني اهرب من المدرسه

13) هـل كـنت تـعانـي مـن اخـطاء
فـي مخـارج الحـروف ..؟

مرذوق اذرم هههههههههه
لا الحمدالله النطق كان عندي كويس ولا كان فيه اخطاء

14) يوم كنتي صغير/ هـ
وش هي تسريحتك المفضلة ؟؟
قصة الاسد كانت مشهوره ذاك الوقت هههههههههه
وتوليت

15)أشياء ودك تذكرها عن طفولتك؟

السفر والكشتات في وادي (ليه) والبهيته

وكنت احب اجمع السيارات
وكان حلمي اسوق تريله
وبس هذي بعض من ايام طفولة
التقي النقي الألمو

مهرة مطير تقبلي تحياتي وننتظر القادم من ابداعاتك

اختار ولد ثابت

[سُقياْ جُنونْ]

جميِل جميِل جميِل

[مهـرة مـطير]

الله على الطفولة البريئه ي الادميرال


بس ينخاف منك حتى الأمير ماسلم منك

وشنو ذنب البنت واخوها كسروا خاطري

يعطيك العافيه يالادميرال أمتعتنا بسردك لـ طفولتك الغير

[مهـرة مـطير]

المشاركة الأصلية كتبت بواسطة سُقياْ جُنونْ جميِل جميِل جميِل

الجـميل تواجدج حبيبتي سقيآ

شاكره مرورج وأكيد الدور جايك

[مهـرة مـطير]

بـإنتظار ولد ثابت

[تباريح الروقي]

الله يذكر<<بطاطس ام ازقوور بالخير ههههههههههههههههههههههههههههه>والله خطيرين,,الادميرال ينبط خلق الله واصايل تكسر دخان هههههههه

:)) بشوق لولد ثابت >>تحس انه زعيم..


مهررة(تراني متربعه فيذا)