قصيده مطـير وعتيـبه وشاعر المـليون <<< مطيـري ويبيكم بكلمه راس يا عتيبه

[الحلوة]

اخوي ابن معزي انت بحق رااااااااااائع جدا

[ابرااهيم الشريف]

قال الله تعالى : {مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

[شفاء3]

والله انك صادق ياولد الخالة وبيض رالله وجهك
والله يقلع التفرقة والسب الي مدري منين جيبينها
والله يهدي الجميع

[أبو سعد الدلبحي]

ابن معزي


لاهنت على الموضوع الطيب وانت الاطيب

[أبو سعد الدلبحي]

ابن معزي


لاهنت على الموضوع الطيب وانت الاطيب

[كلاشنكوف]

ابن معزي مرحبا مليون ترحيبه




وصح لسانك ولسان قائل القصيده وبيض الله وجهك وجهه

[دحمي00]

اخوي بن معزي انت كبرت الموضوع

الجدل الي صاير هنا

هو اختلاف عند نقطة هي (الشاعرية)

هناك من يقول ذاك الشاعر افضل00 وذاك الشاعر هو 00

علية ان يحترم عقول الناس فالناس كلها مدركة وواعية

فالعتب هنا في هذا المنتدى وربما في غيره

على كلام ما من شخص ما في برنامج ما

وليس على مطير حتى وان كان القائل منهم

ونحن هنا ليس لدينا اي ضغينة على احد

سواء من المطران اوغيرهم

انت مثلالو قابلك احد من العتبان تعتقد انه سيصتدم بك كلامياً اوحتى جسدياً

بالطبع لا

وهنا عندما نعلق على احد فلا تعتقد انا نقصد قبيلته لكن نقصده هو فقط

قد تكون هناك هفوات ولكن طبعاً غير مقصودة

وانا عند متابعتي شاعر المليون كان شاعري المفضل

محمد السرور مع ان معه اثنين عتبان

وكنت اتمنى ان التصويت الي حصل كان لصالحه0

واطمئن لن تشاهد اي رد غير لائق لان ليس لك علاقة

في اي موضوع بل على الرحب والسعة0

ابيك في النهاية

ان تعي ان كل المواضيع التي كتبت هنا

لاتقصد مطير كقبيلة لكن تقصد اشخاص بعينهم0

تحياتي00000000

[** راس حربه **]

ابن معزي مرحبا مليون ولاتكفي

وانورت واسفرت واستهلت وامطرت ..

(( يُعجبُني مالا يُعجبُني ))

دمت كما تحب اخي الفاظل

[محمد بن دغيم السميري]

[frame="8 80"][align=center]يا اداره اتمنى قرائه الموضوع بالكامل وليس حذفه من عنوانه








اول شي مساكم الله بالخير يا عتيبه

ثاني شي كلنا عرفنا برنامج شاعر المليون وعرفنا وش اللي سبب بين القبايل

لكن الغريب والمستغرب مطير وعتيبه

هالقبيلتين الاكثر ترابطاً

هتيبن القبيلتين التي يربط بينهما أكثر من صله رحم

طبعا ما احد منا ينكر كثره المعارك والمناخات بين هالقبيلتين

وان كان في قبيلتين يشتهرون بالشجاعه فهم مطير وعتيبه ومهو والله قصور (ن) بالقبايل الثانيه

ولو سألت اي واحد من الشيبان وقلتله وشهي اكثر قبيلتين تحاربوا مع بعض قالك مطير وعتيبه

واذا قلتله وش اقرب قبيله لمطير قالك عتيبه

وان قلتله وش اقرب قبيله لعتيبه قالك مطير

ابي أسألكم يا عتيبه

كم عتيبي خواله مطير

وكم مطيري خواله عتيبه

يا عتيبه المطيري منا يدور على العتيبي لا راح مكان غريب والعتيبي يدور على المطيري إذا راح مكان غريب
^
^
^
^
^
ابفسرلكم وش اقصد

نقول مثلا مطيري يشتغل بالجيش وانقلوه لديره مهي بديرته

اول ما يجي لمكان دوامه بالديره اللي هو رايحلها ينشد ويقول (( فيه مطيري إهنيّه ولا لا )) إن قالوله لا رد وقال (( طيب في عتيبي بهالمركز ولا لا ))

وهالكلام ما اقوله من عندي لا والله الا شي (ن) صاير وكلنا نعرف هالشي

ما أحد كان يتوقع ان بيوم من الأيام مطير وعتيبه راح يوصلون لدرجه الكره اللي صاير (ن) الحين

لكن نبي نوقف ونسأل نفسنا وش السبب

شاعر المليون ؟؟؟؟؟؟؟

هل تعتقدون ان القائمين على شاعر المليون فكروا وش اللي يبي يصير بين مطير وعتيبه

هل المحاوره (( القلطه )) هي السبب الرئيسي لهذه المشاكل ؟؟؟

كلنا نعرف ان اقوى المحاورات في الوقت الراهن بين تركي 2000 وملفي المورقي

ولكن الذي نجهله مدى قرب هذين الشخصين من بعضهما

ام هناك سبباً اخر ؟؟؟؟؟؟؟؟؟؟؟؟؟؟

هل اصبحت قبائل الشمال والجنوب الاقرب لعتيبه من مطير

هل اصبحت قبائل الشمال والجنوب الاقرب لمطير من عتيبه

لماذا وكيف ومنذ متى ؟؟؟؟؟؟؟

أسأله كثيره لم نجد لها جوابا يقنع اصحاب العقول الرزينه

^
^
^
^
^
كل اللي طاف كلامي أنا يا عتيبه (( كلام ابن معزي المطيري ))

واتمنى ان اجد منكم الاجابه الشافيه

ولكن سبب تنزيلي لهالموضوع

هي قصيده للشاعر تركي الديحاني المطيري

والتي تتحدث عن حال مطير وعتيبه

وتتحدث عن اللي يجب ان يحصل بين هتين القبيلتين الكريمتين العريقتين المتقارتين

والحين بخليكم مع القصيده يا عتيبه[/align]





[poem= font="Simplified Arabic,5,black,bold,normal" bkcolor="transparent" bkimage="../backgrounds/14.gif" border="double,10,red" type=2 line=0 align=center use=ex num="0,black"]
ياشاعر المليون حطمت الامـال=منت الطموح اللي نبيه ونريـده
سببت لك فتنه على روس الاقذال=وراحت ضحياها القلوب البليـده
ناسٍ تحسب المسأله ساحة قتـال=وكلٍ على الثاني يحد الحديـده !!
ياناس ياعالم هذا الحكـي بطـال=والمسأله مغيـر ذوق وقصيـده
الشاعر اللي يعجبك كـل ماقـال=ارسل على شانه رساله وحيده !!
فزعاتنا ماهي بتصويـت جـوال=فزعاتنا حطّت حكومه رشيده !!
حنا قبايل نجد ذربيـن الافعـال=اصغر ورع فينا عن امية وليـده
وياعتيبه الهيلا صناديد الابطـال=حنا مطير اهل العلـوم الفريـده
حنا سما عالي كما الغيث همـال=وانتو الجبال الراسيات الشديـده
وانتو فعايلكم تـدرّس للأجيـال=وحنا وصلنـا للنجـوم البعيـده
رجالكم على العدو سيف سـلال=ورجالنـا دايـم عـدوّه فقـيـده
انتم وحنّا كالبناخي مـع الخـال=الطبع واحـد والعلاقـه وطيـده
مطير وعتيبه تقل نسـل رجـال=كل البدايـد تعتبرنـا بديـده !!
وان عودت شعر وقوافي وموال=انتم عواميـده وحنـا رصيـده
شعاركم اهل الجزالـه والامثـال=وشعارنا الشعـر نفسـه تزيـده
فيكم حبيّب والفحل ابـن هـذال=وفينا سعد سلطان وتركي الوليده
شعار صح وابياتهم كلها اجـزال=وقصيدهم يزيد سعـر الجريـده
نبقى على روس النوايف والاقذال=وياشاعر المليون ماهـي جديـده
مطير والعتبان حطّووك بالعـال=ومن دوننا رصيدكم عالحديده ؟! [/poem]

[align=center]
واتمنى من اداره منتدى عتيبه حذف اي رد غير لائق

ولا تنسون يا عتيبه تراني ضيف عندكم

واللي اعرفه من يوم اني صغير ان عتيبه ومطير تكرم الضيف ولا ترضى له بالمهانه

وانا ضيفكم يا عتيبه وبشوف انتم تكرمون الضيف ولا تهينونه بالردود

^
^
^
^
واسمحولي على اخر سطر كتبته وتراه مهو قصور (ن) فيكم لكن كتبته عشان ما أحد يجي ويتلفظ وعشان يحط قدام عينه عتيبه واكرام الضيف


واتمنى اني ما طولت عليكم يا عتيبه

اخوكم ابن معزي المطيري


ونعم يابن معزي كفيت ووفيت ولم تدع لي شيءٍ اقوله

وابشر بمن يكرمك ويكرم القبيله اللي انت منها وجميع القبايل بلا استثناء وحنّا عند حسن الظن يابن معزي

مع اني كانت تراودني فكرة الكتابه عن هالموضوع الذي افرزته لنا تداعيات برنامج شاعر المليون وياليت كل البشر يفكرون بعقليتك التي تفكر بها ويكتبون مثل ماتكتب وينبذون المهاترات التي لاجدى منها ومثل ماقلت عتيبه ومطير عينين في راس متبادلين الحسب والنسب فيما بينهم البين

ونادراً مانجد عتيبي لاتربطه بمطير علاقه قرابه ونسب وكذلك العكس


والله يابن معزي ان كل حرفٍ كتبته انت انني اتمنى انني انا من كتبه والدليل على ذلك نسخي لموضوعك المميّز

وصح لسانك و لسان الشاعر تركي الديحاني المطيري

تحياتي لك ولقلمك الواعد والواعي معاً


اخوك/محمد بن دغيم السميري[/align][/frame]

[ابن شجعان1]

ابن معزي
والله أنك كفيت و وفيت و بيض الله وجهك وما قصرت

كلاااااااااام من ذهب