|
|
المشاركة الأصلية كتبت بواسطة قوت القلوب
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
استمع في قوت لحظه وش تقول=كان ودك تفتهم قرّب تعال
لا تعجب منه ويصيبك ذهول=وانت توك فالبدايه لاتزال
للرجال اقول ولبنت الزحول=اسمعوني زين لاخرة المقال
مايفيد الهرج من غير الفعول=لو يطول الشرح ويطول الجدال
قول ثابت عند راعين الاصول=مايقوم البيت من ساسٍ هيال
لو ضربت اطوالها عرضٍ وطول=النتيجه صفر ماتبغى سوال
شي من لاشي ماهوب معقول=في حدود العقل تصديقه محال
عبر دورات الليالي والفصول=يطلع المستور لك في كل حال
مد شوفك للصحاري والسهول=ولارقيت ارق الطويل من الجبال
انفض غبار الكسل كب الخمول=لاتكاسل عن مخاوات الرجال
الكسل والنوم ماسر الكسول=مامعه للمجد والعليا مجال
وكل بنتٍ شدها هرج معسول=تعرف ان السم في هرجه زلال
لو تحشم ماعليها من الخبول=ترتقي وتصير صعبه بالمنال
الحيا والدين للريم الجفول=ميزة تطلع بها فوق التلال
الآوادم طبعهم حب الفظول=دوم فيهم نقص لله الكمال
شكلهم واحد ويفرق بالعقول=واحدٍ عاقل وواحد به خبال
ابن ادم دايما طبعه عجول=خصلة به ثابته ضمن الخصال
عادت الجهال مع طق الطبول=كنها بالعقل صايبها هبال
لاتعجل مع سريعات الحلول=اصبر اصبر لو تشوف الصبر طال
كل شيٍ في نهاياته يزول=غير رب البيت جل عن الزوال
هي كذا الدنيا طلوعٍ في نزول=لاتفكرها كما لعبة عيال
وانت فيما شفت قلي وش تقول=هي حقيقه جد والا من خيال
زبدة افكاري عسى تلقى قبول=عند من يفرق حرامٍ من حلال [/poem]
|
[align=center]الشاعره العذبه
قوت القلوب
لله درك من مبدعه .. لله درك مبدعه
اردت انا اقتبس عدة ابيات ولكن احترت فوجدت القصيده بكاملها تستحق الاقتباس .
ابدااااااااااااااااااع حتى الثماله !!
صح لسا11111111نك مليوووون ولايسدون
عذراً سأترك بعضي هنا!!!!
دمتي بهذا الابداع والجمال بحرفك
تقبلي جل التقدير والاحترام
رشيد الكسر[/align]
| 
|
02-15-2008, 10:17 AM
العرض العادي
