عاجل لمواجهه الغلاء الفاحش من التجار

[ولد الأحرار]

اخوي اشقر السيف

الملك مايقدر يجبر التاجر انه يحدد سعر السلعه .

وكلنا نعرف اننا دوله مستهلكه يعني فيه تكاليف علي المورد يجيب

البضاعه الين السعوديه تزيد مع الوقت وتنقص منها البترول ومنها سعر

الدولار انخاضه وارتفاعه يؤثر علي سعر الصرف ومنها الموانيء

واشياء ثانيه , وبالنسبه للغنم اتوقع كلنا ندري ماعاد يجي من سوريا

صارو يجيبون من هالصينيات تقول نعيم , وبالنسبه للخضار قبل فتره

قصيرة مرجعين من الحدود تريلات الي سوريا لااسباب نجهلها , وشي

معروف( اذا قلت السلعه زاد السعر )

انا اتكلم عن السلع المستورة فقط ولا يمنع في هذي الظروف ان فيه تجار

جشعين يستغلون الوضع , وكلنا متضررين وان شاء الله تهون .


لازم نربط الاحداث مع بعض حتي وان طالت المدة

[ديم]

دوكم هالخبر المنقول





الرياض (سبق) عبدالله الذيب :
أقام العديد من تجار الأرز في السعودي مبادرات تحت مسمى المبادرة الوطنية لتخفيض اسعار الأرز وقد صرح بعضهم في الصحف المحلية أن تكلفة الأرز تصل إلى 950 دولارا للطن الواحد والعجيب أن سعر الأرز الهندي البنجابي يتم تداوله في البورصات العالمية بين سعر 350 دولار و 300 دولار للطن وبالأمس تم الأقفال على سعر 300 دولار للطن ومن الممكن زيارة أحد المواقع العالمية لتداول السلع والنظر في سعر الأرز البنجابي الهندي الذي لا يتجاوز سعره 300 دولار للطن ..


بمعنى أخر فأن سعر الطن يساوي بالريال 1125 ريالا وبعنى أخر فأن سعر الكيلو من المفترض أن يكون سعره 1.12 ريال فلو تكسب التاجر فيه ريال واحد فسوف يكون سعره ريالان بمعنى أخر 45 كيلو×2 = 90 ريالا ولو قلنا أفخر أنواع الأرز فسيكون سعره مع الربح المضاعف 120 ريالا ومع الأسف أن من يدعون المبادرة الوطنية يبيعونه بأقل تقدير بـ 180 ريالاَ للكيس 45 كيلو .



















بعباره أخرى يلعبون علينا التجار

ومعذورين يبون يملون جيوبهم مثل غيرهم في هالمعمعه

[اشقر السيف]

ابن مكرز حدث العقل بما يعقل


ترى التاجر مواطن مثلك مثله يعني مأمور وليس آمر !!!

وزارة التجاره تطالبة بتحديد السعر لا اكثر التاجر يمشي عليه كلام اي مندوب للدوله فما بالك بأمر من ملك الدوله الملك لايأمر التاجر لكن يأمر الوزاره تجبر التاجر الجشع بتحديد ثمن السلعه وتراقبه ليش نهول من الموضوع ونعقده وحله بسيط جداً ياخي اطلع برى السعوديه تحصل قائمة الاسعار معلقه بمصر وسوريا والاردن واي مخالفه بالسعر تثبت على التاجر يحاسب عليها

شف رد اختنا ديم بالله تستوعب مدى جشع التجار ياخي حنا مواطنين وهذا بلدنا وهم حكومتنا من نطالب على كلامك ؟؟

يعني مالنا مرجع نلجئ له مو معقول هالكلام التاجر يقول الغلاء من الخارج عندك كلام ديم تعرف انهم كذابين بالنسبه للموانئ اعرف انهم خفظوا الجمارك على التجار ولو كان لي صوت فلجتهم بالوثائق وبكل سهوله لكن يحق للتجار يسوون كذا ويحق للحكومه ماتدري عن شي لان مافيه اللي يوصل لهم اذا انا وانت اثنين ما اتفقنا و شدينا حيلنا على بعض
كيف بـ 22 مليون نسمه ؟؟
اتفق العرب على ألآ يتفقوا والله من عينة الجناطه متفقين انهم مايتفقون



اعتذر ان كثرت كلام

احترامي

[الفراهدي]

شف ذا كلام احد تجار الارز في الشرقيه


المهيدب: نملك احتياطيا يكفي الأسواق السعودية لعامين. محصول الأرز الهندي في أكتوبر المقبل سيحدد اتجاه الأسعار . تبدأ الدول المنتجة خصوصا الهند عرض محصولها من الأرز اعتبارا من شهر أكتوبر المقبل الذي يعتبر نهاية العام بالنسبة للمنتجين وبناء على كميات تلك المحاصيل ستتحدد ملامح الأسعار للعام المقبل.وأوضح مدير المبيعات في شركة المهيدب للأغذية بالمنطقة الشرقية أحمد المهيدب لـ "الوطن" أن جميع التجار المحليين يترقبون نتائج محصول الأرز الهندي حيث لا يمكن التكهن بالأسعار لأن سوق الأرز عالمي ويشهد منافسة حادة محليا وعالميا.ولفت أن كميات الأرز الموجودة لدى شركته تكفي استهلاك السوق المحلي لعامين مقبلين.وذكر المهيدب أنهم كتجار يتعاملون وفق المتوسطات السعرية بين القديم والحديث في مخازنهم بعد ارتفاع الأسعار مؤخرا، مشيرا إلى أن أسعار المخزون لديه تتراوح بين 800 دولار للطن للكميات المشتراة العام الماضي و1250 دولار للطن للكميات المشتراة مؤخرا.وأبدى استعداده لتغيير التعامل من المنتج الهندي لآخر وفق رغبة المستهلكين السعوديين.وتوقع مدير المبيعات بشركة العيسائي للأغذية عبد اللطيف قطب استمرار ارتفاع الأسعار حتى بوجود محصول شهر أكتوبر لأنه يمثل آخر العام وسيشهد تنافسا بين التجار مدفوعين برغبة السيطرة على أكبر كمية ممكنة من الأرز بعد تناقص المخزونات مستبعدا قدرة أية شركة على التخزين لأنها تحتاج لمستودعات كبيرة وسيولة ضخمة.وقال إن اتجاه المستهلكين لمنتجات أخرى ليس الخيار الصحيح بالضرورة لأنه سيرفع الأسعار لتلك البدائل كالتايلندي والأمريكيوالباكستاني التي سجلت نسباً عالية من الارتفاع.وأوضح قطب أن أرقام استهلاك السوق السعودي غير دقيقة بسبب الهدر في المناسبات الاجتماعية كالزواجات والمطاعم أيضا.وقال مدير شركة بلشرف للأغذية وليد بلشرف إن إنتاج أكتوبر المقبل سيحدد اتجاهات الأسعار مستقبلا مطالبا التجار السعوديين بالمساهمة في تكوين تحالف تحت مسمى اتحاد تجار الأرز السعوديين قبل أن يبدأ المحصول لمواجهة تصرفات المنتجين والتفاهم مع الوزارات المعنية بالسعودية وبالدول المنتجة لأن المستهلك السعودي يعتبر من أهم المستهلكين في العالم.

[الدعجاني99]

[glint]مكشور على هذا .
.
.
النقل[/glint]

[ولد الأحرار]

هههههههههههههه

هد اعصابك اخوي عبدالله والله مشتاقلك

اقرا وش كتبت زين, قبل كل شي هههههههههه حلوه الملك بنسفه يقول

للتجار .

قبل فتره تم استدعاء وزير التجارة لمناقشه الغلا .

وقد طلعنا برا السعودية وشفنا اللي تقول وصدقت لكن تدري ان الامارات

يشتكون من ارتفاع الاسعار زينا ولو بنسبه طفيفه .

وحمايه المستهلك هي اتوقع لحمايه المواطن من تلاعب المحلات بالاسعار

يعني محل يبع الشي با1000 والمحل الثاني 500 لكن هم اللي يحددون

السعر لا ماتوقع واذا كلامي غلط ممكن احد يصحح لي .

والحل مع هالغلا اشتر من هالرخيص يعني الرز مو هوب لازم تشتري

الهندي او الباكستاني عليك بالامريكي مثال , الين ربك يفرجها

[اشقر السيف]

تشتاق لك العافيه يابعدي ترى ماني معصب عليك بس اعصابي شده من الوضع المأساوي :(
ايه سمعته يا ابن مكرز و ماني واصف طريقة حواره العقيمه

لكن والله ماهو حل اني استخدم على سبيل المثال الرز الرخيص واكل شي مايعجبني ليش طيب ماني مجبوررر والله اللي مجبورين فيه وواجب علينا مانسكت وهم ينهبوننا عينك عينك ابي هالشعب يشوف الشعوب كيف تواجه مشاكلها ويحيى والله حال الشعب السعودي مثل النعامه تدس راسها بالارض خلونا نتكلم وش مسكتكم وانتم تعانون المشكله ماهي بالرز لحاله كل شي ارتفع ضعف الضعف

لكن الله يعين



مودتي