استشيركم بموضوع يخص اختي

[ރالزيــاديރ]

أخوي عابر الأطلسي

من رأيي المتواضع

أنك تخبر أختك بما حصل وتقول لها أبي أسال شيخ وأعطيك خبر..

وبعدين تروح لشيخ يفهم في أمور الدين والدنيا أكثر من مرتادي المنتديات

ويعطيك العلم اليقين..

واهم شئ تسأله من أحق بالمبلغ اختي ولا امها..

وفي حالة أنه قال لك ترجع المبلغ لأختك او امها وأنت لاتملك هذا المبلغ..

أساله مره أخرى قله(ياشيخ لو كلمت أختي/او ام البنت وسامحتني بالمبلغ؟؟

اذا قال لك((أذن مسموح بالمبلغ))

اذهب لأختك/او امها قلها المبلغ ذا كله ماهو معي ولكن بعطيك اللي اقدره عليه وسامحيني بالمبلغ الباقي..

لو اني مكانك راح اتصرف كذا..

ولاابي افتيك في شئ يكون في ذمتي يوم القيامه


وتحياتي لك

[الحايلى]

والله لو هو قبل عشرين سنه وش يحله لك والمهر من حق البنت وهو دين فى ذمتك وهل اخذت موافقة البنت والخاله انا اقول لاتدخل فى ذمتك شى واسأل اهل العلم افضل لك هذا الموضوع فيه حقوق ويجب تبرى ذمتك يامال الغنيمه وماهى حجتك عندما تواجه رب العالمين قل الحق ولو على نفسك قل الحق ولو كان مرا وفى الختام الله يسنعلك

[ރالزيــاديރ]

المشاركة الأصلية كتبت بواسطة الحايلى والله لو هو قبل عشرين سنه وش يحله لك والمهر من حق البنت وهو دين فى ذمتك وهل اخذت موافقة البنت والخاله انا اقول لاتدخل فى ذمتك شى واسأل اهل العلم افضل لك هذا الموضوع فيه حقوق ويجب تبرى ذمتك يامال الغنيمه وماهى حجتك عندما تواجه رب العالمين قل الحق ولو على نفسك قل الحق ولو كان مرا وفى الختام الله يسنعلك

اخوي الحايلي

الرجل معترف بالذنب ويبي حل

لأنه مو محتاج للنصيحة الان لانه أدرك ان ماقام به غلط..:)

ويمكن مايكون غلط يمكن الشيخ يبيحه ..

لانعلم..

تحياتي

[الحايلى]

المواضيع التى تطرح كلها اراء وليست حل جذرى للموضوع فالحل بيده الان لابد ان يقول الحقيقه امام البنت والخاله ويصارحهم بالمبلغ ربما انه اذا علمو بسر المبلغ قديتسبب فى يوما من الايام مشاكل بين العائله بشأن هذه الطفسه اهم شى يرد المبلغ باسلوبه الذى يعجبه قبل فوات الاوان

[ރالزيــاديރ]

المشاركة الأصلية كتبت بواسطة الحايلى المواضيع التى تطرح كلها اراء وليست حل جذرى للموضوع فالحل بيده الان لابد ان يقول الحقيقه امام البنت والخاله ويصارحهم بالمبلغ ربما انه اذا علمو بسر المبلغ قديتسبب فى يوما من الايام مشاكل بين العائله بشأن هذه الطفسه اهم شى يرد المبلغ باسلوبه الذى يعجبه قبل فوات الاوان

كلامك سليم جدآ..

ولكن بعد مايسأل الشيخ..:)

[نجم سهيـل]

قال الله تعالى: {وَمَا أَرْسَلْنَا قَبْلَكَ إِلَّا رِجَالًا نُوحِي إِلَيْهِمْ فَاسْأَلُوا أَهْلَ الذِّكْرِ إِنْ كُنتُمْ لا تَعْلَمُونَ }

هذه مسألة حقوقية لا بد أن يكون لطرفي الحق الدائن والمدين من تفاهم عليها 0

وليست مجرد أراء ووجهات نظر فلــ صاحب الحق المطالبة بحقهِ أو التنازل

وعليك مصارحتها بذلك 0 وفقنا الله وإياك لما يحب ويرضى

[عابر الاطلسي]

اخواني الاعزاء اعضاء هذا المنتدى الرائع بارك الله فيكم وكثر من امثالكم وبصراحة اخجلني تواضعكم واهتمامكم بالموضوع وابداء رائيكم

يااخوان انا لم اخبي على عائلتي في انني قلت للخاطب اخصم المبلغ اللي تطلبني وهو 25 الف ريال

ام البنت والبنت نفسها واخواني كلهم يعلمون بذالك ولم يعترض احد في ساعتها وتم الزواج ولم يتحدث احد اطلاقاً

لكن بعدين يعني بعد الزواج بفتره حسيت ان بعض الانفس كانت ماهي مرتاحه وخصوصاً من احد اخواني وكذالك من ام البنت يعني جاني طرف كلام فأجتمعت بخالتي اللي هي ام البنت واخي اللي جاني منه الكلام وقلت لهم لو ماخصمت المبلغ من الطلب اللي طلبته خالتي ام البنت كان الخاطب توسط بكبار اقاربنا وتم تنزيل المبلغ اللي طلبته واللي هو الـ 50 الف وقلت لهم ان الخمسين الف اللي طلبته ام البنت مبالغ فيه ولن يدفعه الخاطب ولو اصريتو عليه فسوف يلتف عليكم من خلال فلان وفلان وهم كبار سن من اقاربنا ورايح تنزلون من المبلغ غصباً عنكم لانكم تستحون منهم وماريح ترفضون لهم طلب وقلت لهم انكم لاتنسون ان اهل الديره محددين المهور بستين الف ريال بمافي ذالك السوق النقدي والذهب وام البنت طالبه لحالها خمسين وهذا مو مقعول بعد هالكلام سكتوا نهائياً والى الان

ولكن بما اني الان منعم الله علي ومرتاح مادياً فأقول لماذا لاارتاح من هالمبلغ واعطيه لصاحبه الحقيقي اذا كان له صاحب وابري ذمتي

اكرر شكري لكل من شارك واقول جزاك الله خير وادري اني صدعت روسكم بمشكلتي لكن الله يجعل كل ماتكتبون بموازين حسناتكم

[khalid"AL:mokaty]

يارجال ما صدعت روسنا ولاشي
هذا وااجب ونا اخوووك

ابشر بأي خدمه حنا تحت امررررك

[كحيلان]

اسال اهل العلم ان كان الموضوع يهمك تجد الاجابه الشافيه

[ç£àSsْIç]

[align=left]

http://www.otaiby.com/vb/showthread.php?t=17700


كل شي متيسر وأنا أخوك . أدخل الرابط وبتلقى إجابة سؤالك " [/align]