[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من عز نومي صحيت وشفت في عيني = دمع تهادى على جفني وانا غافي
سترت دمعي بكمي قبل يغريني = واخذت هذا الجسد من باقي لحافي
وسريت تايه ورا خطوات رجليني = لا الوجه وجهي ولا الاوصاف اوصافي
امشي واقول لطريقي لا توديني = لعيون ناس تبي تدري عن الخافي
ماودي الناس تدري وش يبكيني = كرامة النفس ورث ابوي واسلافي
امشي واحس الخناجر في شراييني = والبرد يمشي وراي وينهش اطرافي
الين ما اوحيت صوت اللي يناديني = صوت اعرفه مثل ما اعرف اولافي
قمت اتلفت وانادي لا تخليني = ماغيه الصوت هذا صوتك الدافي
ولمحت زولك من اقصى الدري لافيني = مدري وش اقول لكن:حي هاللافي
تعال شف غيبتك كيف اثرت فيني = تعال شفني وانا اغرق عقب مجدافي
تعال واقطف بصوتك زهرة سنيني = كل المداين ببعدك شمعها طافي
تعال وشفيك خايف؟ انت ناسيني! = قطعت صوتي عليك وطال ميقافي
حتى بديت اشعر ان الحب معميني = وان انت حلم عثى فيني وانا غافي
بصدق الحلم واحذر لا تصحيني = في خاطري كلمتين ان قلتها كافي
مع كل (دمعه) تذكر رعشة ايديني = ومع كل (ضحكه) تذكر قلبي الوافي
امانة الله عليك ان غبت عن عيني = لايكون قلبك مثل قلب الزمن جافي[/poem]
| 
|
08-22-2008, 07:28 AM
.gif "SnipeR (2)")
العرض العادي
