إبيـات من ذهـب .. ( إبيـات حفظت لتاريخ وتستحـق الحفـظ من قبلك )

[بنت الهيــــلا]

من لاينال الطيـب فـى أول شبابـه
ماظن يظفر به ليا عارضـه شـاب

ومن لايميز فـي خطـاه وصوابـه
لوصاب مره عشر مرات ماصـاب

ومن لاعلى جسمـه يفصـل ثيابـه
والله ليوضع فوق ضرس وتحت ناب

ومن لايعرف القيـظ يتبـع سرابـه
ويصبر على لفح السمايم والاتعـاب
.
.
ضاوي العصيمي

[بنت الهيــــلا]

كل شي يفنى ياكود الـردى والا الجميـل
هذي الثنتين تبقى علـى طـول الحيـاه

الخطا والصح ماهوب حبـر لـه مزيـل
ينطبع بالقلب واليا انطبـع مـاشٍ محـاه

والتماني ماهيـب تشفـي القلـب العليـل
والسراب لظامي القيـظ مايـروي ظمـاه

والنصايح ماهيـب تنفـع القلـب الهبيـل
والهبيل اللي يوصـي الموصـى بالوصـاه

.
.

مناحي ابو شعرتين

[بنت الهيــــلا]

يابنت خلي واحد مايصــــــــــلي .. تارك عمود الدين مالك ومـــــالــه

خلي ملعــــن والدينـــــك يـــــولي.. تلقين في نجد المســــــمى بدالـــه

حتى أيش لويفرش لك البيت زلي ..من لايخاف الله حرام حـــــــلالـــــه


بندر بن سرور

[هناء الشهري]

واللي يفكـّـر يعشق / يحبّ .. بــ الهون
.. أنا .. مأمنكم .. و خوذوا .. الأمــــآنه ........!!

لآ جآ / يحب إنسان .. لآ يتركه يمون ..
.. مــآ والله (.. يبهذلك ..) .. غير .. الميـــآنه ..!!

[وضووح]

ان كان إنعقد حبل الوصل في يمينك..
من يسقي الضامي وهو ناشف الريق..

عذرك معك وإن شنت الشين ما يشينك..
وإن زنت فإنت الزين من دون تعليق..

[بنت الهيــــلا]

اليـوم يـا عينـي علامـك ترفيـن .. ولا نتي على العادة بنثر الدموعـي
أما يبي يلفيك علمـن مـا هوزيـن .. وإلا اتذكر ما غدى مـن اربوعـي
يا كثر ما نذكر من النـاس غاليـن.. حدر الثرى ما عد فيهـم رجوعـي
راحو مراحن منه مـا هـم ملفيـن .. صارت منازلهم عذابـن للشوعـي
الله على وقتن مضي مثـل هالحيـن .. ابعد علي اليوم مـن حـب كوعـي
إليـا ذكرتـه والمخاليـق غافـيـن .. جريت ما يفتـح مفالـج اضلوعـي

(صقر النصافي)

[بنت الهيــــلا]

حبّه جذب روحي على الشرق محدار..وامسيت دار اللي له الروح ماسـور
أرجي وأراجي واترجّـا هـل الـدار..رجوا يهـود المانيـا وعـد بلفـور
لو المدى بعـد المسافـه والاقطـار..جيته لو انه مـن ورا شـط لاهـور
.
.
فلاح بن مبرد

[بنت الهيــــلا]

رجلٍ ما يحوش المرجله في حينه.. آخر الدنيا يدورها ولا يلقاها


للمرحوم مرشد البذال

[جان دارك]

يا بوي أنت الفرح حزة الضيق .. وأنت الذي يغني عن الناس ضله
الطيب يرفع من مقام المخاليق .. وأنت بمقامك ترفع الطيب كله

[بنت الهيــــلا]

اعرف ناس ما تنقاد بالدنيا ولا تنساق
ولو تعطيك عـهد الله وامانه لا تصدقهـا

تشوف ازوالهم مثل العرب مير الله الرزاق
متـى مـاهب نسناس الهوى يظهـر حقايقهـا