۩‗°¨_‗ـ اهدي بيت شعر للي بعدكـ ـ‗_¨°‗۩‗

[همس]

إذا جف الفرات من أرض بابل
..............وجف النيل من عالي مصبه !
وذبل صوت الشجن عند البلابل
..............هذاك الوقت اقول اني ما أحبه

[أم فيصل]

هـــذي سـنــة عـــدت ولا لاح بــرقــا
رجيت طيب الحظ والحظ منحاس

[فيصل بن جامع]

الجادل اللي صمتها يخفـي حديـث وثرثـره
.......... كن السكوت اللي تجيده بعض من كلماتهـا

مرت ولا التفت مهو لا جـل انهـا متكبـره
.......... لكن تخاف نروح فيها مـن سبـب لفتاتهـا

فاخر عناقيد الطفوله واول غصـون المـره
.......... فـاول انوثتهـا وطفلـه فاخـر نهاياتهـا

جنه بربوه صابها وابـل وصـارت مثمـره
.......... طابت واتت اكلهـا ضعفيـن فـي اوقاتهـا

من تينها تفاحاهـا يغتـاض ويفـج نحـره
.......... وتغار شجرة تينها مـن غيـض تفاحاتهـا

مالت سنابلها الخضر واغرت عصافير الذره
.......... لو كان ما عصفور اخذ له شي من حباتهـا

ان جيتها من ميمنه وان جيتها من ميسـره
.......... كل الجهات الاربعه من وين رحت جهاتهـا

مملوحة ومن شاف قبلي ملح داخل سكـره
.......... الملـح فيهـا كلهـا والسكـرة بشفاتهـا

[بنت الهيــــلا]

السوالف كلها شرهه ولوم
والنواظر في رجا وجه مليح
والرفاقه وقتها عنداللزوم
ينعرف فيها الكريم من الشحيح

[وضووح]

لا تاخذ الدنيا على محمل الجـد
اضحك لها لو تبكي الناس منهـا

[فيصل بن جامع]

البآرحَه . . و آنآ عَلَى / شَبَّة النآر
........ كنِّي تحرّيتك . . . . و كنّي لقيتك !

صورتك بالدخآن ومن بين الآفكآر
........ حتى آدمعت عيني و غصبن بكيتك

[أم فيصل]

بكره ليا وآدعت قلبك .. على خير
وقفّيت عنك .. وعاد لك خاطرٍ في

وايقنت باني غير .. واقفايتـي غيـر
وما عاد باقي من دموعك .. ولا شي

يكفي ان لك قيمه وحشمه وتقديـر
ومعزةٍ في خافقي .. ماهب شـوي!

[فيصل بن جامع]

تصبح على خير يآنبضي وعنوآني!!
....... يآآللي على عرْش قلبي جآلس لحآلك

[أم فيصل]

للغيآب أعذآر وأولهآ هروب من الجروح !
..............لآغفى حظك وضآقت في مساآعيك ، الدروب
دثر أنفآسك : وصك أبوآب يأسك /لآتبوح
...............غير للي صان وجه الشمس ولبّسهآ الغروب

[فيصل بن جامع]

جيت اتسلى بس فيها تغنيت
**روحن على وصل الحبايب حنونه

لو مالقيتك فى عيونى تمنيت
**انى عيون اللى تشوفه عيونه