إبيـات من ذهـب .. ( إبيـات حفظت لتاريخ وتستحـق الحفـظ من قبلك )

[جان دارك]

يا واردين العد .. كفّـوا المغاريـف
اللـي بقـى دمـعٍ همـاجٍٍ ذريفـه
والله لـو دمّـي يغيـث الملاهيـف
قطعت عرقي ليـن يصفـى نزيفـه
ويا حظ من لا عرف منهو ولا شيف
إن طاب ..يحمد وإن تردّى .. بكيفه
وحنا ورثنا العز عظم وغضاريـف
لا ما ورثنـا العـز تـاج وقطيفـة

[بنت الهيــــلا]

دنياك ماهي دايم سهود ومهود ...ان جاك منها خير ياتيك ضده
اصبر على الشده ترى الصبر محمود ... ولابدها ما تنفرج كل شده

[بنت الهيــــلا]

تــرى بنت الرجــــال المنــــاعير .. من خلقتي ما جبت درب المعيـبه
أبوي وصــــاني على العــــز والخير .. مهره أصيله والطهــــر له نصيبه
رعبوبتن لا أقبلت مثــــل التبــــاشير.. ولا أقفيت شيهــــانه بــــراس الرقيبة

[بنت الهيــــلا]

لاحظت بالدنيا غيارات وثلوم
وازريت لاعرف وجهها من قفاها

دنيا كفانا الله شرها دايم الدوم
ماتنعرف ضحكاتها من بكاها

[بنت الهيــــلا]

ياقلب ياللي شيّب الراس حدّه .//. بالك تكون لمن جفاك ارقبيــا
ياقلب من قاضى جميلك بصدّه .//. لاتقبله لوكان حسن التزيــا
عن ذاك باب الوصل ياقلب سـدّه .//. شم للعلا واشمخ لنجم الثريــاا

[بنت الهيــــلا]

سر يا قلم واكتب ثلاثٍ من الخمس .. اكتب جوابي فوق بيض القراطيس
اكتب على مالاق بخاطري ينحمس حمس .. حمسة هشيم البن فوق المحاميس
نسعى ورا الدنيا قريبٍ من اللمس .. ورجوعنا منها بالايادي مفاليس

[بنت الهيــــلا]

بالدين والعلم تعلو راية الأمم .... ويرتقي شأنها في عالم القيم
فالدين نص إذا طبقته خضعت .... لك البرية من عرب ومن عجم
كل الضلالات أقدام ومنهجنا .... رأس، فكيف نسوّي الرأس بالقدم

[بنت الهيــــلا]

يامشتري حظ جزى منه راعيه ... ياسايم حظي تراني سموحي‏
ارخص عليك البيع ماني بمغليه ... واشرط عليك انه سدوح لدوحي‏

[واقع من الخيال]

علمتني في لحظة الضِعف ما أبكيْ ..!
وكآبرت بـ فرآقك مع إنّي {تألمت}

وعلّمتني في سآعة الضيق ما آشكيْ .. !
واليُوووم ضآقَت .. بَسّ أنا مآ تِكلّمت

لآ دَمع فيْ غِيآبك .. ولآ لِسَآن يَحكيْ !
بَعدِكْ .. إذآ ضَآقت عَلَيْ دِنيتيْ { نِـمْـتْ }

[بنت الهيــــلا]

ان كان بي عذروب حبي لاهل نجد ... احبها واحب شمة هواها
احبها يوم انها ديرة المجد .... دار تمكن بالضماير غلاها

محمد السديري