سجل حضورك اليومي ببيت شعر او حكمه

[الصهد]

[frame="7 80"]

ياصاحبي درب العلا عسر بالحيل
ودونه مسافـة جرهديـه وجـرداء

وقدمك لعطران الشـوارب مداهيـل
قطّاعة الفرجه على كـل سـرداء

وان كان ماتقدر دروب الرياجيـل
عوّد وتلقى واحدٍ منك واردى
[/frame]

[أتعبني فراقك]

لاتشتكي من جور الايام للناس
وادفن همومك في ثرى الصمت كله

اسرار عمرك خلها تحت الانفاس
لا صار هراج القفى فاطن ٍ لـــه

هذاك يفرح لا لمس جرح الاحساس
وهذا منادي لا لقى فيك علــه

[حنين الروح]

ماعاد فيها حيا وإنعدمت الخوّه
الناس جاها بلا ونفوسها شانت

وانا على فطرتي وإن جيت ابموّه ؟
ملامح الوجه لو خفيتها "بانت"

والكلمه إللي بـ صدري باقيه جوّه
اقول هانت وهي والله ما هانت

[وجدان عتيبيه]

ابشرك حنـا بخيـر وسلامـه
لا ينشغل بالك يابو متعب ارتاح
شايل هموم الدار حب وكرامـه
ماهمك اوجاع ولا همك جـراح
يا من رفع قدر النسا في كلامـه
في شدتك مؤمن وطيب ومـزاح
الليل يسري ما نحـس بظلامـه
دامك تشوف النور فالنور وضاح

[وجدان عتيبيه]

اليا احتدى الموقف وصدوا وخلوك
وضاقت بك الدنيا ولا فيه فـزاع
ابشر بعزك لعنبـو مـن تبلـوك
تامر على روحي وانا اجيك بياع
لاتشتكي الدنيا وانا حـي ياخـوك
يفداك راس اللي لشرواك مطواع

[الأدميرال]

لا الدنيا [ دنيا ] ولا الأحباب أحبابي
الناس واجد .. ولكن ، وين أوفاهم ؟

[بنت الهيــــلا]

إذا كانت الروح تعمل فإن الجسد لايتعب

وإذا كان العمل لله فإن القليل سيصبح نهرا لاينضب

وإذا كانت القلوب سليمة فإن العطاء لن يتوقف

وإذا كان هدي المصطفى هو الطريق فإن الجنة هي الثمن

[امير الغلا]

صباح الورد والعنبر وريح العود والريحان

صباح احلا من الدنيا ليا طابت لياليها

[الصهد]

يا لحون العود ولا يامجارير الربابه
اختلف معنى القصيد وضيع الفنان فنه

[الصهد]

أضحك و اقول إن المخاليق يبكون
و ابكي و اقول الكون كله سعادة

متناقض ما أبغى المخاليق يدرون
حتى الدهر ياناس طوّل عنـــــاده