سجل حضورك اليومي ببيت شعر او حكمه

[فوفو الطنايا]

العبره اللي لها سنين تخنقني ***خذيت منهاعلى مر الزمن عبره

[اخر رجل]

لوعرفتـي وش بقلبـي والنوايـا

ماتعجلتـي قـرار البعـد عنـي

لوصبرتي تعرفي ويش الخفايـا

غير موتك ماقدر ياخـذك منـي

جيت أنور في نواحيـك الزوايـا

واستردك من زمن حزنك واهني

[سمو الاحساس]

لحظه انت تبي الصمت بيني وبينك
طيب اشتقت لك كيف تنقال بالصمت

[اخر رجل]

مر الزمان وراحت أيـام وأيـام

بيني وبينك في غياب وقطيعـه

ومريت أطالع مابنينا من أحـلام

لقيتها في حال صارت مريعـه

فيها الأمل متحول كلـه أوهـام

وفيها الغلى ميت وهو في ربيعه

وفيها زهر ذابل وأثرموضع أقدام

وقلوب مرسومه وأماني صريعه

ياقسينا باصدارنا بعض الاحكام

على الغلى اللي لجل غلطه نبيعه

مدري على اللوم والا أنت تنلام

بس الوكاد أن الخسارة فضيعـه

[اخر رجل]

اعذريني لو على الفرقا قويـت

ماتركتي باختياري حـل ثانـي

كل شي فيه ضحيت ورضيـت

وللاسف قلبك باحاسيسه أنانـي

عشتك أيـام وحقيقـه مالقيـت

في مشاعرك المحبه والحنانـي

جيت لك غيمه من الحب وهقيت

اني القى بوسط قلبك لي مكاني

[واقع من الخيال]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

نافق تعيش وجامـل النـاس تنحـب=وبيع الضمير تشوف كلن يجي لك
هذا هو الدستور في وقتنا الصعـب=اما تزيـل الصـدق والا يزيلـك
صار الصدق منبوذ في عالم الكـذب=وان كنت صادق قلت ياعزتــي لــك[/poem]

[مآتبآدلنآ آلعطآ]

ما تتصل إلا عقب وقت الامساك
كذا لعانه .. تدري بوقت نومي

أقول بسكْر وهي تقول : مـ أقساك
يا لعنبو غيرش نبي نصوم ..( صومي ) !

[نسمة غلا]

[poem=font="simplified arabic,6,purple,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
علمتني ياخوي اتعب على الطيب=ومن زود طيبك صار طيبي طبيعه
مانسى علومك لو غدا الراس به شيب= ومحبتك تبقى بخفوقي وديعه
[/poem]

[مآتبآدلنآ آلعطآ]

بشر نحب الحكي والخاطر مروا
وكم من خطا في صحيفة حكينا زالق

فلان سوى كذا وفلان ماسوى
وفلان دايم في طرف لساننا عالق

انا اشهد انا سلالة ادم وحوا
مانترك علوم خلق الله على الخالق

[GHS]

صعبه آعيش بدآخلي حلم مكٌسسسٍور
وصعبه آكٌون آنسسٍآإن جدٍآ مثآإلـي