((أبيات يتيمه لمنتديات عتيبه))

[عبدالله المرشدي]

[poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم اقبلت تمشي تجر الخطاوي=مابين خوف ولين تقصر خطاها
تمشي شوي شوي تقول تاوي=لقدامها لحظه مصافح ثراها
مامثلها في لابسات الغطاوي =محدن سحر عقلي وقلبي سواها
معتدلة بالطول والعود راوي=كنه غصين البان للي يراها
في عينها النجلا عذاب الهواوي=من ناظرت له قام يشكي هواها
الوجه كنه بدر بالليل ضاوي=وسود الجدايل فوق متنه رماها
أليا اقبلت من حسنها طحت ثاوي =ولاقفت طلبت الله يستر علاها
وصالها من كايدات المناوي =لكنها جابت لنفسي مناها
من بعدها ماني علي الصد ناوي =بقضي حياتي كلها في رجاها
صعبه حياتي دونها وش تساوي =عزي لحالي كان مالله هداها
من شفتها عيني عليها غشاوي =ماعاد الد الطرف للي عداها
هي سبة جروحي هي اللي تداوي=يالله عساني منحرم من دواها
في وصفها لو قلت ماني بقاوي=قيفان شعري بيح الله خفاها [/poem]

[عبدالله المرشدي]

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتحسبني ميتٍ فيك ياهن =واللي خلقني ماتلفت يمك
اشوف لي غربان فوقك يحومن=وريحك يفوح وكل من جا يشمك
تطير من وكرٍ لوكرٍ مزين=وتلقا طيورٍ في كنفها تضمك
حتيش لو راحن بيوتي ولوجن=تخطيك لامن صار غيري يخمك[/poem]

[! ولد الشيوخ !]

صح لسانك يا حنين

انشهد انك هيضتي خاطري

[عبدالله المرشدي]

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسرج خيول الفكر واصحا واحلم=في واقعٍ مرٍ لذيذٍ شرابه
اشيل ماينطاق واصبر ولااهتم=واعيش جوي لو تطاير ترابه
اقالب الافكار من يم لايم=واميز الحاصل ولو به تشابه
اصد كني بعض الاحيان مافهم=لو بالتفت من جد صارت طلابه
اشوف لي خلجٍ ترازم على الجم=في صحصحٍ مافيه غير الذيابه
تعطلت فيه المفاهيم والتم=المنحس واللي يخيب الرجابه
سود النوايا كثرها يجلب الهم=وبيض النوايا طب مرضى الكآبه
تخالف الهقوات بالكيف والكم=وتضيق بك دنياك عقب الرحابه
دنيا العنا فيها من الهم والغم=مايودع الرجال يرمي ثيابه
والاخره اخير وابقى وانعم=للي يميز في خطاه وصوابه
الخبل مايقنع ولو قلت له تم=تبلش معه حتى بشرح الاجابه
ماهوب مثل الحر لاقلت له سم=قدر وخاف ان الخبول تحكابه[/poem]

[عبدالله المرشدي]

[poem= font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الفكره اللي براسي عنك اغيرها=وابرمج الفكر لين تراجع حسابك
الغلطه أللي تجيني منك امررها=مره وثنتين علك تثني ركابك
اعطيك فرصه وحذرا لاتكررها=ماودي اني اعزر فيك وابلابك
الثالثه لوتجي ماقدر اطمرها =اردها وافيه من غير لاشقابك
ماظن تجهل فعولي وانت خابرها=لكن تجريت بالرفقه ولاثابك
الخوه اللي تضيع بوجه ناكرها=ماتنومن لا غزاك الوقت والوابك
والخوه اللي تبين بوجه شاكرها=احرص عليها وكن الود لاصحابك
ماني عليك انت لاقفيت حاكرها=افلها وان رجعت اقول وش جابك
رفقة هل المصلحه ماكثر مخاسرها= حتى ولوكان راعيها من اقرابك
[/poem]

[ناصر بن سعدي]

طالبك مافي خاطرك والسموحه...
قصرت في حقك وغبت وتماديت..
مالي عذر بس البنادم طموحه..
يكسب رضاء اللي جالهم بالوطن صيت..
كسابة الأمداح جيه وروحه..
شرواك ياللي في حقوقك ترديت..
حرٍ على العلياء يواصل جموحه...
له في صميم القلب بيتٍ ورى بيت..
يانكهة الشعر وحلاته وروحه..
يامصدر إلهامه إليا أصبحت وأمسيت..


ناصر بن سعدي

[ذيب الينوفي]

المشاركة الأصلية كتبت بواسطة ناصر بن سعدي طالبك مافي خاطرك والسموحه... قصرت في حقك وغبت وتماديت.. مالي عذر بس البنادم طموحه.. يكسب رضاء اللي جالهم بالوطن صيت.. كسابة الأمداح جيه وروحه.. شرواك ياللي في حقوقك ترديت.. حرٍ على العلياء يواصل جموحه... له في صميم القلب بيتٍ ورى بيت.. يانكهة الشعر وحلاته وروحه.. يامصدر إلهامه إليا أصبحت وأمسيت.. ناصر بن سعدي

ابن سعدي مؤكد ان الممدوح شخص بالغ الاهميه

والدليل ان مارد الشعر انفلت في رمضان لتجود علينا بهذه الدرر

تقبل تحياتي وكل عام وانت بخير

[حنين الماضي]

[poem= font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمشي على دربي وأحدد مداري =وأحمل همومي دقها والجليله

وأسير في دربي بطوعي إختياري =محدٍ يحدد موقفي وأنحني له

ومن لا عرف قيمة وقدر إعتذاري =لالا تلومونه وخلو سبيله[/poem]

[align=center]تحيتي لمن يستحقها

حنين الماضي [/align]

[عبدالله المرشدي]

[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هات القلم يابدر مع بيض الاوراق=ودي اسلي خاطر فيه ضيقه
اكتب ونبع الشعر بالجزل دفاق=عساك تاخذ زبدته يوم احيقه
مثايل ماهي بتلفيق لفاق=من شاعر ماقال غير الحقيقه[/poem]

[ذيب الينوفي]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ماتدري انك داخل القلب حليت=وفتحت بيبانه وولعت نوره
ومن طاقته يم العذولين طليت= وقلت اسكتو هذا حبيبي وازوره
وماتدري انك بالاحاسيس اقفيت= والقلب مع غيرك تبلدشعوره
وماتدري اني بعد فرقاك عانيت=امشي مع العالم وانا بس صوره
حاولت ابدل حبكم لكن ازريت=القلب ماله غير (ف)الحب دوره
وماتدري اني عدت من عقب مااقفيت= القلب مانقدر نعارض لشوره [/poem]