\\
:D حظي حلووو داشه ابي اقول ياعتيبه تفكون تفكون ابي قصيدة راشد النفيعي صوتيه وحصلتها بصوت والصوره..,,..
الرايق يعطيك العافيه على هيك رابط حصري^_^
ياخوي جيتك خطايه قدح وارضـي زنـاد = والقلب جمرة غضى والوقت نـار وفتيـل
اشهق نفس من لهب وازفر نفس في رماد = وليــالي السود حبلى والمغاتير حيــل
حـالي ويعلم به الله والبـقاء للســهاد = والحيـل مهدود حيل الله على كل حيــل
والحر لولا سبوقه ما انكسـر عـن هداد = والذيب لو سد جوعه ماعوى كـل ليـل
ياخوي من غيرك ان ضاقت علي البـلاد = يحـط عنـي غرابيـل الزمـان ويشيـل
سقوى سنين الجــهاله قبل سن الرشاد = ايام كنّا نعد الأرض مضـــمار خيــل
ان طــحت قدام عيـني قلت:كبوة جواد = وان طحت قدام عينك جيت تصـهل صهيل
واليـوم ما طـحت لا والله يابو زيــاد = لو شفت في محجري دمعة وعيت تسيـل
من يوم ما صرت لـحلوق المقادير زاد = وانا اتوجد على صبـري واخاوي سهيـل
اسج رجلي خـلا واهيـم فـي كـل واد = اسجها من كثيـر ولا حصـل لـي قليـل
القلب بســـتان طيـبة والعواذل جراد = تغانموا كل حاجـة غير رروس النخيــل
اخـلاقي اللي عن دروب المـذلّه قيـاد = وسلوم جداني ومبداء عــلو الأصيــل
فـ ان عرضوا لي سموم الهرج سقت البراد = وان وجهوا لي سهوم اللوم راسي طويـل
لكنــهم روجوا حكي , وتمادوا سـواد = (حسبي على حكـيهم ربي ونعم الوكـيل)
ياما علشانهم ليـنت رووس الشــداد = ابغى الجمــاله ولا دورت رد الجمـيل
زرعت فصدورهم طيبي ,, ويوم الحصاد - = مابان فوجيههم من زرع طيبـي دليـل
ما اقسى من انه يطولك ظلم بعض العباد = الا ان من يظلمك له في عيـونك مقيـل
واصعب من العيش فالغربه و جور البعاد = مرار عيشتك فـ وجيه الليالي دخيــل
ياخوي لا شفتني ســجيت بالله نــاد = اخاف تبطي بي السـجّه ولا به حصيــل
\\
| 
|
11-10-2008, 12:17 AM
العرض العادي
