بيت القصيد

[الصهد]

[youtube]http://www.youtube.com/watch?v=YiFvT87Nodc&feature=youtu.be[/youtube]

[الصهد]

[youtube]http://www.youtube.com/watch?v=WW9dc_9rD60&feature=youtu.be[/youtube]

[الصهد]

مرزوق الثبيتي يتهجم على الحمده شيوخ شمل قبيلة عتيبه في قصيدة بمناسبة عتق رقبة أحد أبناء الثبتان ويزعم أن الرباعين شيوخ عتيبه
والاسقاطات في قصيدة مرزوق على الحمده واضحه وليست بالأولى من مروزق كما ينتقد المؤرخ خير الزركلي لأنه صاحب مصداقية
ومما قال الزركلي عن الشيخ محمد بن هندي بن حميد في كتابه شبه الجزيره في عهد الملك عبدالعزيز الجزء 2 صفحه 468)
كان من برقا أشجع فرسان العرب ايام ظهور الملك عبدالعزيز : محمد ابن هندي ابن حميد , انفرد بزعامة عتيبه ... )
علماً أن الحمده ليس بحاجة لشهادته فشهود أفعالهم وزعامتهم مشائخ شبه الجزيرة
وكما قال الشيخ تركي بن حميد
يشهد لنا وادي الرشا بأفعالنا
وتشهد لنا نجد وحصا ضلعانها


وهذي جزء قصيدة مرزوق الثبيتي التي تحتوي اسقاطات بحق شيوخ عتيبه الحمده
شيوخنا هم الشيوخ المسمين
شيخة عرب ما فيه شيخه تزنها

سبعة قرونً ماضيه ما هو قرنين
تاريخ خير الدين الزركلي ما مكنها

الله لا يقطع شجرة الرباعين
شطرً لحن بيتي يوافق لحنها

ذخاير محصن على العسر واللين
الله لا يخلي ذوي ثبيت منها

مقادم عتيبه منول وهالحين
شيخة عتيبه كلها تحتضنها



وهذا رد الشاعر فهد العصيمي على مرزوق علماً أننا لا نتهجم على الرباعين كما فعل مرزوق بل نخص من تجاوز حدوده

علموا مرزوق لا تكثر علومه
مقدم عتيبه وشيخ القوم منّا

شيخة ً منها اكثر الناس امحرومه
وان جحد شحاذ قومً ما شحنّا

شيخنا ابن حميد تشهد له خصومه
ذخرنا زيزومنا حامي ضعنّا

يخلف اشيوخ القبايل من عزومه
ولا تراكى يردع القومان عنّا

من قشع عن نجد ابن هادي وقومه
وحدّر عتيبه وحقق ما تمنّا

لا احتما الميقاف قيل اليوم يومه
جابه شيوخ العرب منّا ومنّا

ذي حمد من خلقة الدنيا حكومه
صيتهم واصل ليا خارج وطنّا

فعلهم في نجد ما تمحى رسومه
وخصمهم والله ليبطي ما تهنّا

والصويفي من قديم الوقت بومه
كل ما طب المزاين قال حنّا

يفتخر با فعال برقا طول يومه
غن يا مهنا نبي نشحذ وغنّا

المزاين لا قرب قلّب هدومه
يستغيث ويشحذ ودايم معنّا

لا لقا له تاجرً نفذ كمومه
وخاشره طقاقة عتيبه مهنا

وجهه اسود والخطيه من سلومه
وان لقا فرصة شحاذه ما تونّا

خاب مرزوق الثبيتي من علومه
كيف يشتمنا وياكل في صحنّا

اصدقة خزّام تفرج له همومه
وارفدوه عيال عايض يوم غنّا

وسب ابن عشوان والعاقل يلومه
ويمدح ابناخيه وعلومه لفنّا

باردً وجهه ويمناه امحزومه
عن علوم الطيب من ماضي زمنّا

[الصهد]

يـاللـه يا اللي تعلم أسرار القلوب
جيتك وأنا همي على قلبي سطا

همّ الحياة اللي مضت مثل الهبوب
أعمالها جمعتها صح وخطأ

أتوب وأرجع للخطأ وأرجع وأتوب
وأعيش من رحمتك في ستر وغطا

مازلت تسترني وأنا كلي عيوب
عجزت أغير وضعها رغم البطا

أهيم وأسرح فالشمال وفالجنوب
مرة على القمة ومـرة في الوطا

عيني على البراق في غر النصوب
من يوم أشوف البرق حثيت الخطا

كل الدروب أحلام وأوهام وهروب
إلا طريق رضاك ياجزل العطا

يارب تهدينا على خير الدروب
يامن هديت النحل وأسراب القطا

وارزقـنا التوبة وغـفران الذنوب
وشفاعة أفضل من على البيدا وطا

[الصهد]

الراي يبغاله رجل والحمل يبغاله جمل
والطيب يبغاله رجالٍ ماتصر فلوسها
والدرب يبغاله خوي لو طال دربك مايمل
واليا حصل شد الحزام الكايدات يدوسها
والسر يبغاله ثقه والآخره تبغا عمل
وانا تعلمت الحياة لين حفظت دروسها
ياكثر كرهي للعفون اللي مثل شغل النمل
اللي تجمّع للوريث ولا تسر انفوسها
وياكثر حبي للرجال اللي يلمون الشمل
اللي يصادمها الزمان ولا يليّن روسها

[الصهد]

ســر ياقـلـم واكـتـب كـــلامٍ مـوثــق
علـى الـورق خـط لــي الـحـق كـلـه
بـصــدر بـيــانٍ بالحـقـايـق مــصــدق
فيـه الوقـايـع واضـحـه فــي سجـلـه
والحـق مـن بـيـن المخالـيـق يـفـرق
مـثـل القـمـر بـيـن النـجـوم المطـلـه
احـوف قولـي عـن الهـزايـل وادقــق
ومــامــل لــــوٍ الـطــرايــق مـمــلــه
انـــا لـيــا كـثــرت عـلــوم السـمـلـق
مـاتـاهـت افـكــاري ودربـــي ادلــــه
والـيـا بغـيـت اقــوم واثـبــت الـحــق
عنـدي عـلـى قـولـي جمـيـع الادلــه
لايمـكـن انــي عــن الـــزوم اتـــدرق
ولــي مـوقـعٍ مـعـروف بـيـن الاهـلـه
اصــول فالـمـيـدان واحـــم الـبـيـارق
وسيفـي ينومسنـي ليـا حـان سـلـه
الروس تبقى روس والفعـل الامحـق
عــنّــه تــرفــع والـمـعــادي تــذلـــه
قالـوا اللحـام يفـك مـن كثـرة الـطـق
والـرجـل مـايـرضـى حـيــاة الـمـذلـه
واقــول مـادامـه تعـرضـنـي احـمــق
وبـانـت علـيـه مــن المواقـيـف خـلـه
لـــزوم مـافـلـج حـجـتــك يالـمـلـفـق
حـتـى لسـانـك عــن جنـابـي تـزلــه
لاكــاربٍ مـحـزم ولا اشتـلـت بـنــدق
والـحـق غطيـتـه ولانــت بـهــلٍ لـــه
ما الومك ان شبت في صدرك حرايق
والـيـا قـطـن صــدرك ثمانـيـن عـلــه
تشوفـنـي بــراس الطويـلـه مـوايـق
وامــــد لـضـرمــان فـنــجــال دلـــــه
ولانــت لــك مـــده تـحــاول تـسـلـق
راسـك مابـان ولابـه اللـي فطـن لــه
مـرفـوع راســي ولاّ راســك مـدنــق
وقـامـت تورسـلـك الغـبـون الـمـذلـه
يــومٍ مـتـنـك مـثــل الاسـفـنـج وارق
متـنـي قلطـبـي فالـحـلال المـظـلـه
تشعـب ركابـك وانــت منـتـه مـوفـق
والشـعـر ماتمـيـز فــي دقــه وجـلـه
وبـشـتٍ تماريـبـه عـلـيـك متـشـقـق
مـاســرك وشـاحــك ودربـــك تـزلــه
تومـي بيديـك وكـل شـعـرك خـثـارق
وتبـغـى الـقـنـاه تلـمـعـك والمـجـلـه
مابـيـنـك وبـيــن القـصـايـد تــوافــق
لاتبلـش المـوروث مـنـت فــي حـلـه
الشـعـر لــه قــومٍ تـصـون المـواثـق
للـي تحفظـه يـا اصـدع الـراس خلـه
الـبـوم مـاجـاكـر صـقــر فالمـسـابـق
ولاهوب في روس الشواهـق محلـه
وان كان صدرك مـن قصيـدي تضايـق
يـامــل صـــدرك لا مـمـاتــك يـامـلــه
يكفينـي لاخيلـت مـن صوبـي بــارق
قـمـت اتشـفـق لــه وفالكـبـد غـلــه
والشعـر جانـي ورث وانـت متحـقـق
هـاك السنـه واللـغـز معطـيـك حـلـه
كـم مــرةٍ لـوحـيـت شـعـري تصـفـق
وتـــردده لـنــاس فـــي كـــل حـلــه
وكـم مــرةٍ شفـتـك للافـكـار تـسـرق
واقــــول يـالـيـتـه واظــــن ولـعــلــه
صرت اتعاطف معـك ياخـوك واشفـق
واخــــاف فــيـــك الله واقـــــول يالله
الهاجـس اللـي دق ضلـع الصـدر دق
وفـيـض قصـيـدٍ ضـامـي الكـبـد بـلـه
تقصـر عنـه ياملفـق الـقـول وتفـهـق
الـفــضــل لله مــالـــك افــضـــال لله
هــو لـيــه يـومــك لنـشـامـا تـلـحـق
وتنسـب لـك الافضـال مـن غيـر ملـه
تطمـع ولا لـك حيـل ولانـتـه بـصـادق
تبغـى الثنـا مـن فــوق متـنـي تتـلـه
ان كــان بـيـن الـنــاس ودك تـنـافـق
دوّر مـــن رخـــوم الريـاجـيـل شـلــه
تلقـى علـى شكلـك جماعـة مطفـق
لكـن علـى اهـل الطيـب لاتـزل زلــه
حـاول علـى روحــك تــروف وتـرفـق
الـنــاس تحكـمـهـا طــبــوع وجـبـلــه
اكـبـر مصيـبـه بــور مــن فـيـه تـاثـق
اليـا اختـلـف مشـهـاه وفـكـره ودلــه
مــاودي ال بـعـض الامـــور اتـطــرق
مـيـر انتـبـه للـقـول والـفـرض صـلــه
القربـه ماتملـى وفـي قاعـهـا شــق
والحـبـل لا عـقّـد لـقـى مـــن يـحـلـه
السـن فيـه السـن والشـرع منـطـق
والبـادي اظـلـم والخـطـا مــن يجـلـه
وان كـان طـال المـاد عـنـدي وثـايـق
حـــذراك تنبـشـهـا ونـجـيـب الادلـــه

[الصهد]

حاولت فالمجلس امجدك وامدحك
وأيد افعالك .. وابرر,, وارقع

واحرجتني معهم عسى الله يسامحك
شي يترقع ,, وشي مايٍترقع

ومن الحميا جيت فازع ابا انصحك
سمعتك من ذم العرب ,, لاتنقع

تبغى النهايه تصير دايم لصالحك
دايم توقع اللي,,,, ماتٍتوقع

خلك مصحصح قدم وقتك يصحصحك
وقدام خبط الصدر طعني ,, توقع

,,,تحمد المعبود ,,دامه مريحك
الرجل مايجمله وشاحٍ ,,مرقع

[الصهد]

قبيلة الدواسر لهامفردات باللهجة وقبيلة عتيبه لها مفردات باللهجة ايضاً

وهذه قصيدة الشاعر عبدالله بن عون العتيبي : ( ما عينتناه ) وتعني لم نجده ولم نراه ويقصد بها الدواسر

يقول الشاعر بن عون:

بارك الله في نهار غدا فيه البعير

أثر بعض المال تظهر بركته في شقاه

أشهد انه عقب ضاع سوى فيّ خير

بارك الله فيه ليته تقدم بمغداه

كان متعب طاعني عن دورته يستخير

بصر دوار البعير إن لقاه أو مالقاه

عقب ضاع مدرمح العين خير الله كثير

عاضنا الله فيه بمشاهد الوضحا الفتاه

يا صباح الخير والعيد واليوم المطير

يا مشاهد واحد ردّ فالرّوح الحياه

يوم واجهني على موترٍ دوبه يسير

قلت يا سبحان من صوّره وأكمل حلاه

كنّ عينه عين حرٍ تنهّض للمطير

وعاتق آدمي تذيّر بعد شاف الرّماه

يوم جينا راعي البلّ ونيتنا تحير

ماعرفنا وش نسوّي ولله السّواه

بسّ أناظر به وادير الفكاير واستدير

في نتال بقلبي وفي كبدي لواه

قلت يا راعي البل عسى دربك سفير

ما ذهبت النا جمل ؟ قال (ماعينتناه)

----------------------

وهذا رد الشاعر الدوسري
فردّ عليه الشّاعر : حسين بن ضيف الله الدّوسري ( ما نــبــاه )

هيه ياللي بالمضامي تعرّض للصّدير

لا تعرّض مومنٍ حافظٍ فرض الصّلاه

الذّهب والماس يفرق على سلك الحرير

شوف ضلع ( النّير ) دوّر ذهيبك في حصاه

يا مدوّر لا تحطّ المنافق لك شوير

المنافق جنّبه كان ربّك ما هداه

اللّغه بين القبايل لها شانٍ كبير

ليه ما قالت كلام المدوّر مانباه

انت ابن عون ولد من يفكّون القصير

والسّوالف بيننا لا يجي فيها اشتباه

الرّجل يعرف وبعض السّوالف ماتصير

والفلك دوّار والنّجم خلّه في سماه

ياستاذ الشّعر قبلك سمع صوت النّذير

والمها محمي وحكم الشّريعه من وراه

ماخبرنا هذيل تاسم مثل وسم الظّفير

والمعاني واضحة والدّهر يطحن رحاه

والحكم من حدّ الأردن إلى ديرة عسير

ومن يخالف شرعنا قطّ راسه فالصّفاه

والسّلام ختام والسّالفة بير غزير

والقصير ليا نزل عندنا ناسم عصاه


رجع له ابن عون ورد عليه :

ما نزلنا الهضب يا حسين معكم بالقصيـر
ولا وسمت عصينا مثل من تاسم عصـاه
فيك سرعه مير يا حسين حاسب لا تطيـر
كيف تتهم لك بـريٍ بشـيءٍ مـا نـواه
ما حصل منا زلل مـع كبيـر ولا صغيـر
ولا درقنا جارنا مـن تحـت ردن العبـاه
سلمنـا وسلـوم أهلنـا بنـوره نستنيـر
ما يلـد الرجـل منـا بشوفـات قصـراه
ما نطيـع بسلمنـا لا صغيـر ولا كبيـر
يوم بعض الناس طبعـه يبيـن لـك رداه
من مجاراتك مللـت المشاعـر والشعيـر
الشعيـر أغلـوه والشعـر صابـه رزاه
أنت مثل الوادي اللي يجي سيلـه عويـر
ما تشوفه لين تاطـا برجلـك فـوق مـاه
يا حسيـن السالفـه خلهـا بيـرٍ حفيـر
رد ما بينت في قاعتـه واقضـب رشـاه
لا تخليهـا توسـع لعـمـر ولا عمـيـر
لين يكبر حجمهـا مـع منقلـة الوشـاه


رد الشاعر/ حسين بن ضيف الله الدوسري


طير ياللي فيك لا مواس والباقـي نجيـر
لا تنهض وانت في كفـك اليمنـى حفـاه
لا تلفت فالجـدي وأنـت قدامـه غثيـر
مثل من جاله لـزوم وعـود مـا قضـاه
يا أبو نايف لا تحسب العرب كسب العقير
الرجـل مثلـك نعـزه ولا نقبـل خطـاه
سلمنا ما سالفت به سميـره مـع سميـر
تعقل العيـال منـا علـى طـول الحيـاه
والله أني ما لبست البشت في بيت الفقير
يوم بعض الناس قام يتكبـر فـي خـلاه
مـا تعرضنـا لربعـك علامـك تستثيـر
لا تعكس العلم وتحـط وجهـه فـي قفـاه
أنت مثل اللي على الدبـك فالعجـه يغيـر
كل مـا قلنـا تراجـع تقـدم فـي عمـاه
أقرد العربان منهو يجـي مالـه ضميـر
كل ما شاف المشاكل ذبـح للشـر شـاه
المنافـق باكـر منزلـه فـي زمهـريـر
قصدي الشيطان واللي يصير من خويـاه
أنت خصمي فالقضيه ولا غيـرك خشيـر
كـل رجـلٍ بالمعانـي يبيـن مسـتـواه

[الصهد]

الاد عاصم يوم زوغات الاذهان
يوم احمر البارود يعمي عجاجه
الهم على لطم المعادين برهان
ومواقفن عضمى نهار المواجه ):

[الصهد]

ياسعود شاش الراس من بعض الالحان
يومنها حرب وجموع انتواجه
ربعي وربعك مرجحه كل ميزان
وتاريخهم ناصاع سوات الزجاجه(: