سجل حضورك اليومي ببيت شعر أو حكمه ..

[بنت امير]

غيابنا في بعض الاياام رآآآحة
....... وحضورنا في بعض الاوقات زحمـــــة

وانا مااحب أحضر ولا القى مسآحة!!
ولااحب أسبب فالمسآحآت زحمة

[اصايل]

وقفت والريح تلعب في طرف ثوبي
وقلت وعيوني تخيل الغيم..سبحــانك!

يا مالك الكون أنا تخجلني ذنوبي
أسألك عفوك على عبدك و غفرانــــك

[اصايل]

يا شيمتي عن هروج الـدون شيليني
ترفّعي بــي عــن الجهال لا اسمعهــا

الرفقة اللــي يــجــي منتوجها شيني
الله يــعــجــّل بـ فرقاها .. و يقطعهــا

[عبدالله المرشدي]

استلمنـي فـي جبروتـه اشـر استـلام
ليـن طيّـح معنويـات راس المعـنـوي
الغرام ليابطـش فيـك ملعـون الرسـام
مايعرف هـذا قبيلـي .. وهـذاك خلـوي
يكبر الرجـال امـام المهمـات الجسـام
ويصغر الرجـال امـام الجمـال الانثـوي
مايتحمل نظرة العين .. وارخـاي اللثـام
لو باسه باس رحمة حيـاة بـن جلـوي


المبدع لافي الغيداني

[اصايل]

دخيل الهوى قلبي إذا جيت وألا غبت
وأنا ملتجي بالله من الضيق والدمعه

يوم إنك تعذبني بحبك / وأنا ماتبت
ولو رأس مالي كله الصيت والسمعه

تجيني وشايل ضيقتي مثل ليلة سبت
وتقفي بضيقه مثل عصرية الجمعه !!


,,

[عبدالله المرشدي]

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لاتعجل بالثقيل مع الخفيف=كل حاجه خلها في حلها
من بغى المرباع يحسب للمصيف=مايقدم دقها مع جلها
من ربيع العمر لحلول الخريف=لحظة تفرق مع اللي فلها
وخدمة الجندي تحت رتبة عريف=ماترقع زلته لازلها
والقوي لو ياكل حقوق الضعيف=مايناظر حرمها من حلها
مانت بالاول والانته بالوصيف=واجد اللي تشتكي من غلها
وان بغيت العلم تاليها مخيف=احسن الله خاتمتنا كلها
من رغيف اليوم قدم لك رغيف=كان ودك بالعلا تاصلها
اذكر الله واعبده كمٍ وكيف=وركعتين الفجر وض وصلها
[/poem][/quote]
المرشدي

[الأدميرال]

يا ما أستدرج أشواقي لليـل العتـب والتيـه
بثـغـر ٍ تنّـفـس ريـقـه الشـهـد؛ وأغـرانــي

[هيـ ملكـ بـة]

من غيبت الشمس لين الشمس بانتلي
وانا عيوني تخيل روعة عيونه

[الطرف الحنون]

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

[عبدالله المرشدي]

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مادام انك تشوف الفار حولك=تحرى لطيحتك ياسد ماراب
[/poem]
دسمان السبيعي