قصاصات قصائد

[فـهـد العتيبي]

المشاركة الأصلية كتبت بواسطة otaebi اسمح لي ابدي اعجابي بقلمك وتميزك واسلوبك الراقي وتالقك

سلمت وانا اخوك

تقديري

[فـهـد العتيبي]

تغنى يا شعر واعزف ولحِّن عزفتك باتقان
أبي شِعرٍ يواكب زين من بالزين فتَّاني

حلا الي لو تقول انه بزينه ماحلت اوطان
أقول انك على وصفك جنيت آثام بهتاني

جماله يكتسي منه محيط ارضه بلا استئذان
وانا اشهد له بانه ملْح أيامي وحَــلاني

واذا للزين تقسيمٍ منازل حسنهِ السلطان
وغيره كل ما نعـــــرفه غدا شعبٍ ورِعْياني

هذاك الي من اوصافه لقينا للحلا عنوان
واعذر الشعر لا قصَّر على وصفه وخَلاني

عذرته فيه لانه تمِّ ما زاره ولا نقصان
ولا أقدر على الكامل وحتى لو تحداني

اقوله والشعر فني وشعري يخرس العدوان
لكِني أنصفه لاجله وزينه كان شي ثاني

وانا بعده أبي مثله بأي اثمان مهما كان
لعل العمر يكتب له حياةٍ بعد حرماني

وحب الزين من طبعي ولااحْلى من حلا الانسان
يسدك عن نعيم الكون ما غيره مِنَ اغناني

أبي زينٍ يخليني جَشِع في ملكه و طمعان
واحب اتملكه كله من أقصى شي للداني

وعينه حاء محبوكة ونون العين ليلٍ بان
عليها الرمش ماشا الله تسدل فوق الاجفاني

وله فمٍ على بسمه اتوق اشوفه الفرحان
عشان استبشر بعيدي وعيدي لاابتسم جاني

وبه شفه لحمرتها هويت الحمر فالالوان
تشوف اللون بس اللون سحره وين وداني

وخدينه تأكد لي بأني قبله بحرمان
ولا شفت الربيع ولا عرفت لزهر ألواني

وله جيدٍ بطول الكف راهي منورٍ مليان
يحلي ما نلبس حوله ولو هو عقد مرجاني

وله كفين لا ضمت يديني امتلي إيمان
يمكني أحقق ذات وجداني بإيماني

وله ساقٍ مثل أوسط غصون البان واليا بان
دعيت ان الوجود اعمى وبالخص حسد الاعياني

وهذي هي وصوف الي لو انه كان له عنوان
طلبته لو اعرف اني أبخسر فيه أزماني

[فـهـد العتيبي]

جيتك على ميعاد بينك وبيني
في ليلة الجمعة وفي ساحة البرج
*



جيتك وانا كلي امل تلتقيني
واسكر بعطرٍ منك يا زهرة المرج
*


جيتك وانا مشتاق لك تقرايني
اوراق مشتاق اشتكت حبسة الدرج
**

[فـهـد العتيبي]

قصاصاتي في ليلتي الاخيرة هنا

[فـهـد العتيبي]

**اتخيل الدنيا بلياك**
*

اتخيل الدنيـــــــــــــــا بليا صورتك
ماشفتني فالشعر اغازل وامتدح

واتخيل الدنيـــــــــــــــــا بليا نظرتك
ماكنت باعرف وش تفاسير الصبح

واتخيل الدنيــــــــــــــــا بليا غيبتك
ما كنت باذرف دمع عيني وانفضح

واتخيل الدنـــــــيا بليا بسمتك
ما كان نفسي للمحبه تنفتح

واتخيل الدنيـــــــــا بليا مزحتك
ما كان صدري بالرحابه ينشرح

اتخيل الدنـــــــــــيا بلا غمازتك
ما قلت لابينتــــــــها رحنا ملح

واتخيل الدنيــــــــــــــا بليا وجنتك
هل كلمتي بانك زهر كانت تصح!

واتخيل الدنيــــــــــــا بليا شفتك
ما كنت باتحدى النحل واقول رح

لا انته ولا أطعم رحيق بزهرتك
تسوون سكر فمها مير استرح







**

[فـهـد العتيبي]

يا شارع الستين وش بك عليه
ما امرك الا والتقي فيك مزيون

ياكيف اوصِّفْ لا نظرتك عشيه
والجو عطره يسكر الي يمرون

كنك بغيدك صايرٍ مزهريه
ليت الزهر ينباع ياشيخ بتهون

مير البلا مازدت غير الشهيه
والحال قبلك جايعٍ جوع ملعون

لك زايراتٍ غير كل البريه
تنافس بالزين وين الي يحكمون

إن قلت هذي صح وان قلت ذيه
ما قلت غيرالحق شكلٍ ومضمون

آهٍ على اجمل شارعٍ فالحويهْ
اغليك لا شكٍ عليها ولاظنون

لولا الغلا ماكنت كل ضحويه
اول ضيوفك واخر اللي يروحون

[فـهـد العتيبي]

**انا والنحل**

انتي قبـــــــــــــــل بدءً وثم وبعدين
يعني الخـــــلاصه كلِّ مستلزماتي
*
اغليك من لحظات الاعجاب للحين
غرقان فـــي حبك ولا ابغى نجاتي
*
في موعدك كلٍ غمز لي على وين
قلــــــــــــت لحبيبه حبها منجزاتي
*
يالله عســـــاها تدوم جمعاتنا لين
تشيــب دنيانا وانا امسك عصاتي
*
تكفــــــين لا تبـدين زينك ولا لعين
ما اخاف حســـــد ودونك معوذاتي
*
اخاف من زينك على حــب قلبين
لا تعـــــــــاف عينٍ خلها يا غناتي
*
خليــــــــــــتي الفتّان قدَّامكِ زْوين
واسرفتِ في صدي على معجباتي
*
مزيونتي يا قياس تصنيــــفة الزين
عن شفــــتي فالخد قالت شفاتي
*
تدرين خدك مايبوسه عــــدا اثنين
امــــــــــــــا انا ولا النحل يا حياتي


***
**
*

[فـهـد العتيبي]

شفت في كل الحويه مافتني غير بنت
بنت لو هي لي حبيبه ماشتكيت من الحظوظ

اسمها لا رسمها لا جسمها كان قلت
مااقول الاتكامل ماترك اية غموض

لو ابيع الروح فيها لاتقلي هل جننت
ملكها والله حرب تستحق اني اخوض

لا تفوتك كانكَ لمعنايَ يا قلبي فطنت
لو خسرت البنت هذي ما تعوضك القروض











**

[فـهـد العتيبي]

ياساحة اللقيا عشقتك لانك

داستك رِجلٍ طاهره في حبيبي


**

[فـهـد العتيبي]

**


أنا تشد لشوفتي رَكْب ورحال
وانتي تجافيني على انك قريبه!!!!
*



***