سجل حضورك اليومي ببيت شعر أو حكمه ..

[عبدالله المرشدي]

حبك بلاني واشهـد انـي بليتـك
عسى الولي باللي بلا القلب يبلاك
في كل بيتٍ مـن قصيـدي لقيتـك
بعتاب والا وصف نـادر حلايـاك
بالحب والشعر المجـزل جزيتـك
دايم قصيدي باعذب القيل يجـزاك
بعت العـذارا كلهـن واشتريتـك
صارن جميع البيض فدوه لماطـاك
المرشدي

[الأدميرال]

درر يابو بدر


وزير يسرق وعربجي الّف كتاب
ومع مجلس الشورى تبي تعشق النوم

تبي تعالج؟ يلزمك تكتب خطاب
تبي توظف؟ كلم الشيخ مرحوم

[الأدميرال]

وليا ذكرت الموت مع نشوة الذنب
يفز [قلبي] لا تخيّلت قبري

[اصايل]

يآ رب يآ مرسل طيور الـأبابيل ,
يوم أبرهه لـأشرم سعى ضد بيتك ,
أرسل أبابيلك جنودٍ غرآبيل ,
واقصف بهآ بشآر ربي رجيتك ,

[عبدالله المرشدي]

تسلم يالادميرال لاهنت هذا من ذوقك

[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهاجس اللي بالخفا موتلجني=يطري عليه كل ماعسعس الليل
لازل نص الليل همي رهجني=واصبحت من زود العنا فاقد الحيل
[/poem]
المرشدي

[الجوهرة]

فل الحجاج وخل عنك الهواجيس
كلن يموت وحاجته ما قضاها

[عبدالله المرشدي]

مصيبة الشعار في عرش بلقيس=يبنون من طوب المشاعر دكاكين
القاف خاوي والمعاني مفاليـس=ماتنقري لو جمعت في دواويـن
راحت قصايدهم بوسط القراطيس=ولا قراها ربع روضـه وداريـن
وانا قصيدي في وصوفك نواميس=لجل ان حسنك للقوافي نياشيـن
استغفر الله واتعوذ مـن ابليـس =اظن لاشفتك تغيـب الشياطيـن

المرشدي

[اصايل]

شيّ هنآ : بين الضلوع النحآيف !
يسهر معي لآ غدو الخلق نيآم ,

[انجود السبيعي]

المشاركة الأصلية كتبت بواسطة عبدالله المرشدي مصيبة الشعار في عرش بلقيس=يبنون من طوب المشاعر دكاكين القاف خاوي والمعاني مفاليـس=ماتنقري لو جمعت في دواويـن راحت قصايدهم بوسط القراطيس=ولا قراها ربع روضـه وداريـن وانا قصيدي في وصوفك نواميس=لجل ان حسنك للقوافي نياشيـن استغفر الله واتعوذ مـن ابليـس =اظن لاشفتك تغيـب الشياطيـن المرشدي

صح السانك روعه

[انجود السبيعي]

أنا صعب في مزاجي / وأنت صعب المنال
من يوم عرفتك / تسامرت السهر والعنـا

غيرك يحاول ولكـن ماعطيتـه مجـال
لو كان يجني ثمر / منـي أنـا ماجنـا

القلب فيه أنت بالحالك جنـوب وشمـال
القلب لك أنت ( لو أنّه بصـدري أنـا )