مراسله

[محمد بن دغيم السميري]

مراسله بيني وبين الشاعر الكبير:غازي بن دخيل الله بن عون



[poem=font="simplified arabic,4,black,bold,normal" bkcolor="transparent" bkimage="" border="double,10,blue" type=0 line=0 align=center use=ex num="0,black""] يالله ياللي من مخاليقك قريب=ياتائباً تفرح بتوبة من يتوب

اغفر لي ذنوبي ولا غيرك مجيب=ارجيك واشكي لك من انواع الخطوب

مهموم واستوحشت من شيء يشيب=منه الرضيع ويعتري جسمه شحوب

اعيش بين اهلي مثل عيش الغريب=عيش الغريب اللي على البعد مغصوب

واسرح مع الهاجوس عن صحبي واغيب=اروح لي في صوب واصحابي بصوب

ياصل بي الهاجس ليا وادي طريب=وآصل ليا عرعر واعّود للجنوب

هالتني الاحداث والامر المريب=واجداث ربعٍ شالت اعلاها الهبوب

اذكر منادمنا على جال القليب=اللي يرودونه على خمس العزوب

واذكر مداهلنا ليا رحنا عزيب=على المطايا قبل لا نشر الجيوب

واذكر معشانا بنهبورٍ عشيب=وليا شعمنا نارنا وقت الغروب

نارٍ عليها الكيف وسحال الحليب=اللي رغاته كنّها غرّ النصوب

يوم العلوم إجداد مافيها غبيب=والناس أحبّا والدهر كان محبوب

واذكر مجالس ربعي إنحاز الحريب=اللي ليا قاموا يسدون النبوب

وانا بعدهم كن في صدري لهيب=لهيب نارٍ زادها الغربي شبوب

آقف على الاطلال واجيب الحضيب=وارتاح نوب وتنشط الاحزان نوب

واحسّب ذنوبي وقدامي حسيب=مسجلٍ مسعاي كلّه ومحسوب

وابكي على ذنبي ومن حق اللبيب=يبكي بدمع العين من خوف الذنوب

مافالبكا من خوف رب الكون عيب=وانا بكايه خوف علاّم الغيوب

اعرف الاخطاء واعرف الامر المصيب=واعرف نقيض العيب واعرف العيوب

يامن يوصل قولي الشهم الاديب=غازي عقال الصدق نبّاذ الكذوب

الزاهد اللي لي مناجاته تطيب=والشاعر اللي ينتقي عزل الكسوب

بنات فكره مايذبن الشعيب=دلايلٍ للي يدلّون الدروب

يطاوع المعنى معه لوهو صعيب=واسلوبه المرموق مامثله إسلوب

ابن دخيل الله نجيبٍ من نجيب=من عزوةٍ مايكربون من الكروب

يكفي ليا قلت العونه ولاتجيب=تعريف ماله لالزوم ولا وجوب

والختم صلى الله على الهاد الحبيب=والله علينا يابوعبدالله يتوب[/poem]



محمد بن دغيـــــم السميري العتيبي





مرد الشاعر الكبير::غازي بن دخيل الله بن عون





[poem=font="simplified arabic,4,black,bold,normal" bkcolor="transparent" bkimage="" border="double,10,blue" type=0 line=0 align=center use=ex num="0,black""]

يامن نبشت الجرح بأسلوبٍ عجيب=وذكرت قلبٍ من غثاءالوقت معطوب

اسلوب مايثر على الغصن الرطيب=مايثر الاّ في مجاريح القلوب

اهل الاحساس المرهف الشهم العريب=واهل قلوبٍ كم لها تمشي دبوب

وعيونهم حلو الكرى إلها مايطيب=لاطاب لكبار الشواكل والعصوب

اللي لهم مرباع فالدار الخصيب=والهم بجم البير مياحة غروب

اللي تحدوا فعل شباب وشبيب=بعد الامن ساد المناطق والشعوب

ابطال لا عرضوا على فديو كليب=وان كان عرضوا حدر مجهر بلسكوب

يبين بعد الفحص كم عيبٍ معيب=ويسهج حماهم عقب ماكان مهيوب

كم واحدٍ منهم يمثل عندليب=وان مسته شمس الضحى زبده يذوب

لكن ظني فالنشامى مايخيب=اهل الفعايل لضرمت نار الحروب

اللي ليا جاء الجد فاليوم العصيب=رجالهم يزحم ويدحم بالجنوب

شروى رفيقٍ ضاف لي رتبة نقيب=والقول يامحمد على الرجل محسوب

حطّيتني جهبذ ودكتور وخطيب=وشاعر نخضرم لا يناب ولا ينوب

وانا بشر واخطي مثل غيري واصيب=واطمح لبنت الفكر ناقشت الكعوب

فرعا القوام اللي لها قدٍ خضيب=ميّاسةٍ يطرب لها القلب الطروب

ولعلّ فالتقوى لنا حض ونصيب=ومن الورع يكتب لنا زاد وشروب

[/poem]

[نواف الشيباني]

صح الله السانك والسان بن عون ولا قصرتوا قصيد ورد طيب من رجال أطيب ... تقبل مروري ...

[ابوسـعد]

والنعم بالاثنين...ومراسلة طيبة مبارك..صح لسانكما...وياهلاوغلا

[أبو عرب]

ونعم فيكم وصح لسان كل واحد

[فهيد مقعد الرويس]

حجز

لترحيب

ولي عوده بأذن الله

[شيخ الشيوخـ]

مرحبا يابوعمر والله يحييك ويحيي ماجبت

هالمره بحجز ولي رجعة

[نايف تراحيب]

حيآك الله يا محمد بن دغيم السميري


وعز الله انها كايفه من راسن كايف صح لسسآنك ولسان بن عون

استمتعت جداً بما قرائته في هذا المتصفح


لاهنت يالقرم


احترامي وتقديري



/



،

[محمد بن دغيم السميري]

نواف الشيباني صح بدنكــــــــــــ

[محمد بن دغيم السميري]

ابو سعد ماعليك زود ومشكور

[محمد بن دغيم السميري]

الاخ ابو عرب لاهنت