بــــــــدويــــــــــــــــه

[طلال العتيبي]

هذه البدوية أتت لتصافح ذائقتكم وترسم ملامح عطرها هنا تلبية لدعوة الانقياء في هذا الصرح المضيء :





احتوتني مثــــل جــفنٍ يــــحتوي عــــين وخـــــــذتني

00000000 بنت بـــــدوٍ مـــا تــعدت نـــجد مشــــرقه ومغيبــه


جــــــت تبعثرني بفجـــــر عــــيونها بـــــس احـــــتوتني

00000000مــثل مـــا يجمـع زجـــاج الـــعطر نفحـــاته وطيبــه


فـــي نخـــــــــيل أهدابهـــــا جــــيت اتفيـــــا وازرعتني

0000000وحـــصدت لي كـــل ظلٍ خـــــصب وغـــــصونٍ رطيبــه


شعرهــــــا حــــفلــــه وشـــمع نجومهــا يرقص بمتني

00000000لا رحـــــم لــــيلٍ تعرى حــيل مـــا غطى حبيبــه


فــــــي شــفاهـــا جـــمرتينٍ صّرفتني ثم دعتنــي

00000000يــــوم قــــال الثلــــج عيب يروح مــــا حـــصّل نصيبـه


والـــتفت ولاح خــنجــر جــدها قــلت : طعنتنــي

0000000وأثرهـــا مـــن رمــح بــوح الــقاف فالخـافق صويبـــه


ارقــبتهــا عـــلقتني فــي فضــــا الـعشق ونستني

0000000مــا حــلا النسيـــان مــن غيمـــه لريضــانٍ خصيبــه


قــلــت : كيف اوصــل نهايتهــا وهــي تو ابتدتني

0000000000وقــدمت تـــفاحتين بسلــــة الــرحمـــه ضريبـــــه


مـــن سنــــــابل كـفهـا الـمورق بسرعه شرّهتني

0000000000كـــــــنها شيــخٍ يــحط بـجيبك اللي وسط جيــــبه


مــن تــظامــيت بثغــر مــعسولــهــا حتـــى ســـقتني

0000000000كــنت اقـــول : الله نكــهــة سكر الصحــرا رهيبـــه


واعــرف ان الخصر اميــر الجوع لو يشبع بفتني

0000000000مــــــا ترك سرجوفهـــا الناحل نجايبه العريبـــه


مــــا سألت الــغيم هو يمشي كــذا لين امطرتني

00000000000بالحنــــــــان اللي جـــــفاف سنين مـا درّج شعيبـــه


واستحيت أســـأل زوايــــا صمتها كيف عرفتني ؟

0000000000قـــلــت : لازم صوتهــا الــــــبري يوديني واجيبـــه


قـلــت : ويــن القى الـــقلوب المـــــعشبه ما جاوبتني

0000000000غير بـــــــالضحكــــه ودعوتهــا عــليّه بالمصيبـــه


قـــلــت : والله دعوتك غنوه وبالحــيل اعـجبتني

0000000000صــــــــافيه مثــل الــغدير الـعذب ممزوجه بريبــه


قــالت : ( أبك ) وطاح نصف السر من يوم اسألتني

0000000000وش ( تبــــا ) بالسر خل السر يبقى في قليبه ؟


قــلــــت : أنــا فدوة فرايد نــجد لكن قاطــعتني

0000000000ليــش مــا قــلـــت : ارتعاشة برق في مزنة عتيبــــه ؟


لـــــيه مــــــا قـلت بدوية جـــد والصحــرا غــزتني ؟

0000000000والــــمطر يغســل قــلوب اهلي وتزهر منه طيبــه


بــــي فــصاحة نــورسٍ بــحري مــواويله ســرتني

0000000000بس نــــجـد اللي رعى حبي شربت أحلى حليبــــه


قــلت : والله عارفك يــــا بنت نبت ارضٍ ربتني

000000000000ابدويـــه ساسهـــــا فـي نـجـد مشرقـه ومغيبــه



----------------------------------------- طلال صالح العتيبي -------------

[سمران القثامي]

الأخ الغالي والشاعر الرااائع / طلال صالح العتيبي الله يحييك في منتداك وبين ربعك واخوانك وصح لسانك مليووووووووووووووووون شاعر غني عن التعريف وحضور مشرف


أخوك/ سمران القثامي

[مجدي الشناوي]

أبو صالح

شاعرنا الكبير

صح الله لسانك على هالشامخه يالشامخ

شهادتي فيك وفالقصيده مجروحه طال عمرك

حضرت أسلم وأرحب بك فالمنتدى. ولا الاعجاب قديم طال عمرك

تقبل تحياتي


مجدي الشناوي

[العود الازرق]

صح لسانك


طلال صالح العتيبي

مكسب آخر للمنتدى




تقبل تحياتي

[@ عتيـبـي نجــد @]

[ALIGN=CENTER]

طلال العتيبي
اولاًً هلا ومرحبابك
يسعدنا وجودك انت ومن مثلك
مكسب لنا وتكفي اشادة اخوي/ سمران القثامي
وثانياً : بيض الله وجهك مامدحدت ولا شجعت
من اللي ....... على الشاشات الهابطه ...........
تغنيت من يستحق
ولا اقول الا صح لسانك وعلمك غانم
تحياتي[/ALIGN]

[إبن ثعلي]

صح السانك ياطلال العتيبي ورغم اني من الرعيل الاول الذين قد لايدركون بعض معاني مفردات الحداثه مثل مفردة( النورس)وماشابههاواظن البدو يسمونه الغرنوق غير ان القصيده اعجبتني وارشحها لمنتدى المميزه اذا وافق غالبية الاعضاء على ذلك وصح السانك ولك تحيات
اخوك ين ثعلي

[دمـــعة غـــريق]

[ALIGN=CENTER]لـــــيه مــــــا قـلت بدوية جـــد والصحــرا غــزتني ؟

0000000000والــــمطر يغســل قــلوب اهلي وتزهر منه طيبــه


اخ طلال العتيبي

صح لســــــــانك والله

ويعطيك ربي العافيه على هالابيات العذبه

موووفق يارب

تحياتي لك

اختك
,,,,,,,,,,,,,,,,,,,,دمـــــــــــــعة غــــــــــــريق,,,,,,,,,,,,,,,,,,

.[/ALIGN]

[طلال الثعلي]

طلال صالح العتيبي
والله ومليون نعم....
شاعر له مكانته...
عساك تحيا وتدوم...
وصح لسانك مليارات
والله يحييك في منتداك...
تحياتي

[بنت الهيلا..]

اللــــــــــــــــــــــــــــــــــــــــه...


صح لسانك يابو صالح....

وهذا مو غريب على ابناء"" قبيلة هــــــــــــوازن""....



الفصاحه منها وفيها...

[عبد ربّه العازمي]

شاعرنا طلال صالح..


هلا بك وغلا


وصح كلك


شهادتي فيك مجروحه


فقط مررت للسلام والإعجاب


عبدربه