قاطع اخته 20 عام .. فقال هذه القصيده :(

[م ا ج د]

السلام عليكم ورحمة الله وبركاته

هذي القصيده للشاعر : حمود الشمري الذي وصلته رساله من اخته بعدانقطاع 20 عام تعاتبه وتنخاه فيها فقال هذه القصيده المؤثره والتي بألقاء شاعرها المعبر والمؤثر ..

. ياخوان هالله هالله بخواتكم والله اختك تفرح لو بمكالمه.. بالذات اللي خواته متزوجات تراها تفتخر فيك قدام زوجها لو انه ابو عيالها انت عندها غير .. وتباهى فيك فلا تكسر خاطرها بانقطاعك عنها ..

الله يجعلنا ممن يصلون الارحام


كلمات القصيده : ويليها المقطع للاستماع


جتني رسالة من صدى خافق الروح

وقريتها بإحساس قلبـي وروحـي

قريتها وانهدّت قصـور وصـروح

وأنا من أول عالياتـن صروحـي

تشكي تقول القلب يا حمود مجروح

ا تدري انـي غايراتـن جروحـي

تهلّ دمع وترفع الصـوت بالنـوح

واللـي فقـد غاليـه لازم ينوحـي

ما كلّمتني يمكن الصـوت مبحـوح

من النوح وإلا ما استطاعت تبوحي

جتني رسالتها بها دموع وجـروح

وانهَد باسباب الرسالـة طموحـي

تقول ياحمود الزمن صار مفضـوح

والشيب فيني لو تشوفـه يلوحـي

يا بو علي مالي بالأغراب مصلوح

مادام قلب اللـي نحبـه شحوحـي

ودّي بشوفك دام الأعمار بفسـوح

قبل الرحم يا خوي منـا يروحـي

زلّ الزمان اللي به أفراح ومـزوح

أنخـاك تكفـى لا تظنّـه مزوحـي

وبعد الرسالة صار بالقلب ذابـوح

طار المنام وصار فكـري يشوحـي

أختي رسالتها لها القلـب مفتـوح

كلّي لها والقلب ينصـت ويوحـي

أقولها ودموع عينـي لهـا فـوح

وسط المحاجر دمع عيني يفوحـي

أجاوب الورقا على عالـي الـدّوح

وأنوح من فرقا الرفيق السموحـي

والله لو إني وسط الأطباق مذبـوح

لأظهر كما خطو الحصان الجموحي

وأقول يا عين المها ما بها شروح

لو تطلبين الروح تفـداك روحـي


http://www.youtube.com/watch?v=UUQ2nCPqsck

تحياتي لكم جميعا

[بنت عمي]

. ياخوان هالله هالله بخواتكم والله اختك تفرح لو بمكالمه.. بالذات اللي خواته متزوجات تراها تفتخر فيك قدام زوجها لو انه ابو عيالها انت عندها غير .. وتباهى فيك فلا تكسر خاطرها بانقطاعك عنها ..



صدقت يا آخـووي ...^^


القصيده تعــور القلب ...


سلمت عآلطــرح ..


يعطيك العاافيهـ ..

[غـلا سبيع ..{~]

رووووووووعه

الله يخلي لي اخواني

لاهنت يا م ا ج ا د

[م ا ج د]

المشاركة الأصلية كتبت بواسطة بنت عمي . ياخوان هالله هالله بخواتكم والله اختك تفرح لو بمكالمه.. بالذات اللي خواته متزوجات تراها تفتخر فيك قدام زوجها لو انه ابو عيالها انت عندها غير .. وتباهى فيك فلا تكسر خاطرها بانقطاعك عنها .. صدقت يا آخـووي ...^^ القصيده تعــور القلب ... سلمت عآلطــرح .. يعطيك العاافيهـ ..

ياهلا بك والله .. ربي يسلمك ويعافيك ..

جعلنا الله ممن نعتبر... لاشك اخواتنا لهم حق علينا ..

شاكر لك مرورك

[م ا ج د]

المشاركة الأصلية كتبت بواسطة غـلا سبيع ..{~ رووووووووعه الله يخلي لي اخواني لاهنت يا م ا ج ا د

اللهم آمين .. الله يجعلهم سند لك يالغاليه..

شكرا لك على المرور الاروع ..

ارق واجمل تحية

[نايف تراحيب]

قصيده مؤثره وفيها موعظه


لاهنت يا ناقل القصيده


احترامي وتقديري


/



،

[م ا ج د]

المشاركة الأصلية كتبت بواسطة نايف تراحيب قصيده مؤثره وفيها موعظه لاهنت يا ناقل القصيده احترامي وتقديري / ،

ولاانت يالذيب ..

ياهلا بك والله اخوي نايف ..

فعلا شرفني مرورك ..

الشكر موصول لك اخوي ..

تحياتي وتقديري لك ..