(( .. احلى القصيد .. ))

[ابن مسلم]

[align=center] ايها الأخوه الاعزاء اليكم هذه الألماسه الفريده

والثمينه لشاعرنا القدير / سعود حلمي


وهي بعنوان( طعووون وخناجر)[/align]

http://www.otaiby.com/vb/showthread.php?t=22311



[poem=font="Simplified Arabic,6,deeppink,normal,normal" bkcolor="purple" bkimage="" border="double,4,deeppink" type=2 line=0 align=center use=ex num="0,black"]

نام الغرام وهاجس الشعر ما نـام=لا نام شعر ولارقـد قلـب شاعـر

ما طاب نوم وغفوة النـوم قـدام=النوم من دونه طعـون وخناجـر

وجيتك وانا كلي متاهـات وحطـام=جرح الغلا فيني واضمـه واكابـر

طال السكوت وراعي الحب ما قـام=هيكل غلا والقلب جبـروت فاجـر

سارت قدم رجلي على درب الاعدام=أدري ولكنـي بروحـي مخـاطـر

ياظالمـي هـذي مداهيلـك العـام=وانا على درب الغلا وانـت خابـر

الحب نظرة عطف وأحساس وألهام=ومشاعرً يقطن بها قلـب شاطـر

وفي داخلـي دائـم معانـاة وإلام=والفها بالجرح من شـأن خاطـر

ياللي قريتي كتب تفسيـر الاحـلام=ياقارئه وش صار تحـت النواظـر

وش صار دام الحب صاحي ولا نام=نام الغرام ولا قـرد قلـب شاعـر [/poem]

[ابن مسلم]

[align=center] يسرني ان اضع هذه الجوهره بين يديكم وهي لشاعرنا المبدع/حامد الجذع أمل ان تنال استحسانكم [/align]
[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

علـى الله ابتدينـا واتكلـنـا=عليه يدلنا الـراي المصيبـي

هـو الهـادي ليامنـا جهلنـا=وأبا اوضـح جهلنـا للبيبـي

حدث في سالف عصورخلنـا=زمان زل به نهـب ونهيبـي

جهلنابالسنيـن اللـي مضنـا=نرد القوم عن جا ل القليبـي

ولا يقطن على الماء غير حنا=ولايشرب من العد الغريبـي

ياكم من مستجير فـي ضعنـا=مشى ويحل ماهمـه طليبـي

نجيـره مـن عـدوه لازبنـا=ويمشي بالحمى حـر مهيبـي

وياكم واحـد يخشـى زعلنـا=يموت وجرح وتره مايطيبـي

وياكم واحد امسـى ممتحنـا=ويصبح عشقته تنحب نحيبـي

وياكم عاصيا عاصـر زمنـا=اصابه سوط روق وسار اديبي

وياكـم مـن حريـب ماتهنـا=لياجوا برقا العدو ضنه يخيبي

عسفنا نجد واحكمنـا رسنـا=حمينا الضلع فيها والشعيبـي

حميناهـا بعـد سقنـا جملنـا=نزلنا ها وغادرهـا الحريبـي

هل العزم وهل الطالات منـا=وهل القالات والراي الصليبي

ياشعري اسأل التاريـخ عنـا=وهل يخفى على الكون العتيبي [/poem]



[align=center]وسلامتكم ................................


الشاعر/ حامد الجذع[/align]

[ابن مسلم]

[align=center] اليكم هذه الفلسفه للشاعره / آهات الوله


كل عام وانتم بخير
لاستغني عن نقدكم وتوجيهاتكم والقصيده لها مناسبه تعبر عنها الابيات [/align]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فلسفه او شعر مدري وش تكون=المهم اني على قافي سريت
مايهم اللي بشعري يضحكون=اغلق سموعي وكني مادريت
شاعره واعرف وش اللي يطلبون=بس اجننهم ليا مني حكيت
دام بعض الناس قصدي يفهمون=لو ثلاثه بس فيهم اكتفيت
اكتب الابيات في صمت وسكون=وكل بيت يجر في تاليه بيت
كان عندي بيت في قافه شجون=كل ماجيت اكتب افكاره نسيت
قلت في نفسي وانا اغني لحون=ابدعي يابنت غيره كمبليت
اكتبي في حال ضحكات السنون=او كلام الناس في حيٍٍ وميت
أي بيتٍ باي شكل وباي لون=المهم انك تقولي كيت كيت
لاح قافي في طرف غر المزون= وانهمر ودان شعري وارتويت
اغتنمت الفكر في غمضة عيون=قلت هذا اللي على كيفي بغيت
علميهم كيف شعري لو يبون=علميهم كيف قافي لابنيت
قولي ان الشعر في راسي جنون=خص لامن صحت للقاف ونخيت
لاسلمت من اللقافه والظنون=اكتبه محبوك حبك اليا اشتهيت
والحقيقه ماهتوي كل الفنون=بالمزاج اكتب واسج اليا انعميت
علموني عاد ياللي تعرفون=هو صحيح اني على الشعر ابتليت
او عشاني بنت بي مايقنعون=ودهم تنزيل قافي لاعليت
مايصير الراس من غير المتون=ولايقوم المجتمع من غير بيت
الصراحه كل ماقلته يهون=لو قريتوا ماكتبته ثم محيت[/poem]

[جراح العتيبي]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هب البراد وبشر الوقت بالخير = والغيم في جوه تزبر سحابه
نسمع على رفحا وبلقان وعشير = غثاء سيلن كل طايف حكابه
يالله من المنشى على عليه يسير = زفول نون إيتقارع ضبابه
يهل وبله مثل ضرب المسامير = يقطع على الشعبان بأعلى هضابه
لحيث ماتعرف عسوس ومداوير = حزم صدين يزبن الي وزابه
وانشوف زفق العشب فيها مزابير = أتقول داخل في دهاليس غابه
خلاص مايحتاج للوضع تأخير = يا لعنبو رجلن ما يغنم شبابه
قررت اشيل العفش فالحال واغير = جاهز ولا يحتاج عندي حزابه
والجيب ربعن من الامارات تصدير = يحرم عليه ماحدن قد مشابه
وخوت نشاما طيبين مناعير = أما من اقصى الناس ولا قرابه
يازين لا شفنا الجوازي مدابير = مايسلم الي راح ينقل صوابه
بمضلعن مسلوب والمخمس قصير = اتجمل القانص وبالي غزابه
انزل وشب النار في حزة عصير = في مدركن كن الزوالي ترابه
والنجر يصقع والغواري مناحير = تقطع وازل الفصل وأشخل سرابه
انحلق ونشرب من قناد المباهير= فنجالها يدرج ونثني شرابه
وسوالفن يبدابها شيخنا الزير = ثم القصايد ثم جر الربابه
والعشا من صيد حر الصقاقير = اضغط وشو واحنذ ولا به غرابه
انا أشهدن للعمره لذه وذي غير= اغنم شبابك قبل يطوى كتابه
ما يسعدك جمع الذهب والدنانير= المال ينفد ..لا تحسب حسابه
[/poem]

[align=center]
لشاعر المبدع/ جبل بن زيد القحطاني[/align]

[جراح العتيبي]

.
..
..



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

فرقتنا الليالي غصب من غير طوع = والليالي على مثلي دوامٍ عسيره
كم عشيق شكى لوعه تهزّ الضلوع = لا أقبل الليل جض وكن ساقه كسيره
غيبتك عن سمايه وسط قلبي تروع = مونسٍ في حنايا القلب مثل السعيره
لنتصف ليل خلق الله وزان الهجوع = قمت أجاوب عوى ذيبٍ برأس الزبيره
وأنحدر من عيوني دم أحمر يفوع = من جروحٍ سطت بين الضماير خطيره
أشهد إني عشقتك ياحسين الطبوع = عشق عنتر لعبلى في عصور المغيره
ما أختلف صدق حبي لك بكل الشروع = وشرع حب القداما غارقٍ في غزيره
ياحسين الوصوف البعد صعبٍ يلوع = كم عشيرٍ تلوّع من غياب العشيره
مااقدر البعد أنا لوطال قلبي جزوع = ما أحتمل غيبتك ياهاجر ارض الجزيره
جعل دار نزلت ابها بروقٍ شعوع = يسقي الغيث دارك لين توحي هديره
مزنةٍ في مثان الوسم عندك تموع = لجل يبقى حيا دارك ورودٍ زهيره
ياابن عمي تولع قلبي ابها ولوع = طفلةٍ في ربيع العمر توا صغيره
والله إني على لاماه أهل الدموع = وأرتجي يوم قربه بالهجر والسريره[/poem]

[align=center]
وسلامتكم [/align]

[align=center]ابن روق
الشاعر / بدر سفر الغبيوي[/align]

[جراح العتيبي]

[poem=font="Simplified Arabic,5,black,bold,normal" bkcolor="transparent" bkimage="" border="double,4,black" type=1 line=0 align=center use=ex num="0,black"]
المعذره يازمن والناس خداعه=ارجوك تقبل عذر وتشوف تفصيله
ادري نشوف الخطا والوقت شماعه= بعض( ن) يقول الزمن قلوا رجاجيله
والي يسب الزمن ويسب اوضاعه=مايدري ان الخطا والعيب في جيله
جيل(ن) يغير مع التطوير بأطباعه=ويقول هذا الزمن كثرة عراقيله
والحب الاول عفيف ويشكي اوجاعه=يعيش في خافق العاشق ويشكيله
والجود اشوفه شديد ويرفض الطاعه=موروث ثابت ويزهى في حلاحيله
والدين بين ولا ندري متى الساعه=والموت قرب ولا نقوى بتأجيله
والمجد شخص(ن) يخلد ذكر صناعه=مالي طمع في حياتي دون تحصيله
والذل يسحب ضعيف النفس بكراعه=وانا كريم النسب وارفض مواصيله
اكتب قصيدي واعرف الشعر بأنواعه=واعشق بحور الشعر واعرف مداخيله
والرجل يطمح يعيش بظل ابداعه=والي يحب العلا يتعب رواحيله
والفخر للي يجيب العز بذراعه=ماهو لمن يحصي لجده مفاعيله
الجاهل الي بكذبه تكثر اتباعه=ماعنده الا حديث (ن) زاد تظليله
والفقر ند الكريم وند اطماعه=واصعب ظروفي كريم ومامعي حيله
المعذره يازمن والنفس ملتاعه=عذري كتبته وعذري صعب تحليله[/poem]
[align=center]
وسلامتكم


جراح العتيبي[/align]

[جراح العتيبي]

[align=center]ا لــــحـُـــر يـَّـــه
بسم الله الرحمن الرحيم
لقلوبكم
الطاهره
[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray"
type=2 line=0 align=center use=ex num="0,black"]
بلاغـة حـروف اللغـه والثقافـه=ما تنفعك يابنت من دون الاخـلاق
تاريخنا يابنـت بيـض ٍ صحافـه=وافكارنا ما لوّثـت كلهـا اشـراق
حريّـة ٍ فيهـا مجـون وسخافـه=في طبعنا يابنت ماهـي بـتنطـاق
حريتـي يـا بنـت فيهـا نيـافـه=فيها سمو الـذات وانـواع الاذواق
حريتـي أسجـد لربـي واخـافـه=وارجيه عفوه يوم تقسيـم الارزاق
وحريتـي بالسعـي بعـد الطوافـه=وأعل من زمـزم وتبتـل الاريـاق
وحريتي صوم الشهـر واعتكافـه=وأفطّر الصايم واسـارع للانفـاق
وحريتـي بالوالـديـن الريـافـه=حق ٍ علـيّ ابرهـم مانـي بعـاق
وحريتـي تقديـم حـق الضيافـه=للضيف لا منه لفا ضـان ونيـاق
وحريتـي بيـت ٍ وسـاع ٍ رِفافـه=والباب مفتوح ٍ وممنوع الاغـلاق
والنـار مشبوبـه ولابـه كـلافـه=معها تراحيب وهلا لكـل مشتـاق
ودلال مصبوبـه ونبـل وظـرافـه=وخواطر ٍ تضحك ولا بينهـا نفـاق
في مجلس ٍ مافيـه هـذر ولقافـه=ولا كـلام الفلسفـه والتتـريـاق
وحريتـي للجـار نضفـي لحافـه=وتضيق خطّرّنا اذا خاطـره ضـاق
وحريتي لحق الخـوي واعترافـه=خوينـا يأمـن ولا هـو بـينعـاق
وحريتي لاجا للصفـوف اصطفافـه=نثني لها الركبه ونركزلهـا السـاق
خصيمنـا منّـا تجيـه ارتجـافـه=ما عندنا رحمه ولا عندنا اشفـاق
نضرب بحـد اللـي حـدادٍ رهافـه=ما ياكل إلا من لحم قوع الاعنـاق
وحريتي طبـع الوفـاء واحترافـه=عاده شربناها على الريـق تريـاق
وحريتـي درب النـذالـه نعـافـه=مانعترف باسلوب لاحـس ولعّـاق
يابنـت لا يغـرك كـلام الصحافـه=مجرد حـروف ٍ تُبيّـع بـالاوراق
عليـك بـأهـل الشيـم والعفافـه=وتلبسي بثوب الحياء وسط الاسواق
ترى الثمر لا فات موعـد قطافـه=يذبل ويصبح مر مـا عـاد ينـذاق
أقولهـا ناصـح ولا بـه مخـافـه=نصيحة ٍ منّي إلى نـوف واشـواق [/poem]
مع
اجمل المنى
شامل
محمد بن عبد الله بن رافد الحبردي
[/align]

[عبدالله المرشدي]

من هنا نكتفي بالروابط وهذا رابط

مصافحه اولى (رسمتك للهوى )

http://www.otaiby.com/vb/showthread.php?t=13047


الشاعره/ حنين الماضي

[عبدالله المرشدي]

ولاكل شخصن لو ضحك لي يصير صحيب


http://www.otaiby.com/vb/showthread.php?t=61



لشاعر الكبير /جهز الهرس

[ابن مسلم]

[align=center]وهذه القصيده للشاعر / عبدالحكيم بن سعود الثعلي العتيبي ( شاعر روق)
من منبر التوجيه اوجه ارساله[/align]
http://www.otaiby.com/vb/showthread.php?t=13564