راع الوفاء

[إبراهيم الصيخان]

راع الوفاء

للشاعر: ابراهيم علي الصيخان

الليل مسرى والمواقف تجاريب
............والشمس نوره مايقدي لعميان


والسيف حدبه مايجيله عذاريب
............والرمح نصله حامل الموت بسنان


الراي شور ٍ والتجارب تهاذيب
............والعقل حكمه والشدايد له اركان


للعين شوفه دون سمعك مقاضيب
............والقول دون الشوف ماهو بوكدان


الضن عصمه والبغي له محاريب
............والخوف واضح للفتى فيه حقران


النفس روض ٍ والكرم له مكاريب
............الطيب وبله والبخل فيه نقصان


الجود صهوه واللزز له معازيب
............بـالمد عــند الــعسر للرجل برهان


الحر طير ٍ للحباري مناديب
............ومندوب نفسه للجيف دوم غربان


القول دون الفعل ماله مهاريب
............والفعل دون الهرج عزه بنيشان


الطيب حصن ٍ والردى له تواليب
............لاجاد فيه الرجل عيبه لمنان


الوقت عسره والرخى له دواليب
............والبيت رفعه بالوطى فوق سيسان


الخيل ماهي للحرابه مهاذيب
............يوم الجحش لاطاب ركضه بخذلان


راع الوفاء بالكون زبن المحاديب
............ولا الردي حفاظ مال ٍ مع الظان


وصلاة ربي عد شمس ومغاريب
............على النبي الهاشمي خير من كان

[مرزوق أبـورقبه]

صح لسانك

قصيده رائعه ووافيه وجزله

[رشة قلم]

صح لسانك يالشاعر ابراهيم
بالفعل قصيده متشعبه وتطرق أكثر من باب سلم القصيده ودرجته رائعه سلم القلم وصاحبه ..
دمت على الخير

[إبراهيم الصيخان]

المشاركة الأصلية كتبت بواسطة مرزوق أبـورقبه صح لسانك قصيده رائعه ووافيه وجزله

لاهنت اخوي على المرور


تحيتي

[إبراهيم الصيخان]

المشاركة الأصلية كتبت بواسطة رشة قلم صح لسانك يالشاعر ابراهيم بالفعل قصيده متشعبه وتطرق أكثر من باب سلم القصيده ودرجته رائعه سلم القلم وصاحبه .. دمت على الخير

لاهنت على المرور الرائع والرد الاروع

تقبل تحياتي

[شويهينة الهيلا]

الله الله ابدعت بها
صح لسانك حتى ترضى
راقت لي جدا

[إبن ثعلي]

صح السانك ياابراهيم ولاهنت قصيدة جزله لايعلى عليها

[نايف تراحيب]

صح لسسآنك يا ابراهيم


ولا هنت على هالأيرآد


ودي



/



،

[{ أبوفيصل }]

صح لسانك وسلم بنانك على روعة أبياتك

جميله جداً تلك القصائد التي يتطرّق فيها الشاعر طبيعة

أحوال الناس في مختلف أجناسها وتعاملاتها

بخلاف هذا الابداع الذي لم يفقد رونقه رغم تنوعّه بأثراء عدّة مواضيع

ولم يفتقر للحكم والأمثال كما تكونت فكرته بأحترافيّة وانتقاليّة ذكيّه من خلال ابواب معنْوَنَه

وكأنّ لكل باب عنوان متبوع بدليل كما لو شاهدت بداية كل بيت موضوع مستقل بحد ذاته

عافاك الله ياشاعر ابيض وجه .


تقبل مروري . . خليجي نت . . لا ناقد ولا بـ شاعر حضر فقط ليسجل اعجابه

تحيتي لك تحية احترام وتقدير

[{ أبوفيصل }]

صح لسانك وسلم بنانك على روعة أبياتك

جميله جداً تلك القصائد التي يتطرّق فيها الشاعر عدة ابواب

بخلاف هذا الابداع أراها لم تفقد رونقها الشعري ولم تفتقر للمعنى

رغم التنقل على نفس الوتيره أتت بأحترافيّة وانتقاليّة ذكيّه من خلال ابواب معنْوَنَه

وكأنّ لكل باب عنوان متبوع بدليل كما لو شاهدت بداية كل بيت موضوع مستقل بحد ذاته

عافاك الله ياابراهيم ابيض وجه .


تقبل مروري . . خليجي نت . . لا ناقد ولا أنا بـ شاعر حضرت فقط لأسجل اعجابي

تحيتي لك تحية احترام وتقدير