ماهيب توخذ هكذا مجاني

[محمد بن هلال]

ارجو المعذره عن طول الغياب واليكم هذه الابيات عسى ان تنال استحسانكم

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشيخ والله ياسر القحطاني=ان كان ابه شيخٍ لقوم الكوره

حرٍ ولد حرٍ يعان العاني=ماهيب شيخة نور ياجمهوره

خبلٍ تشيّخ في الزمان الواني=لوكان ماله شيخةٍ مذخوره

قصده بشيخ يغطي النقصاني=وغيره كثير وخلها مستوره

ومن حط كلمة شيخ وهو إهداني=ودك يصلب له على ماصوره

ويكتب على راس الخبل خبلاني=حتى يهوّد لعنبو هالصوره

وتصير كنية شيخ للشيخاني=اللي لهم وزنٍ بهالمعموره

شيخان نجد القاده الشجعاني=ذرى الوطن عن السموم وسوره

مكرمين الضيف والجيراني=عن غيرهم ممنوعةٍ محضوره

ماهيب توخذ هكذا مجاني=إبدون لا ا حم ولا دستوره

وأرجو السموحه كان انا غلطاني=وصلوا على اللي سنته ماثوره[/poem]

[ساحر الكلمه]

صح السانك

ويعطيك العافيه

الساااااحر

[نايف تراحيب]

هلا وغلا بمحمد بن هلال

والمشيخه هالحين في كل مكآن

كل من لحقه ثنين صآر شيخ :)


ولاهنت على هالوافيه والجزله وصح لسآنكـ


سجل اعجابي


/


،


ودي

[رشة قلم]

صح لسانك
ويستاهل ياسر
دمت على الخير

[فهيد مقعد الرويس]

ماهيـب توخـذ هكـذا مجانـي

منحه هههه

صح لسانك

يابوسعود

اي والله ياكثرهم

تحيتي وتقديري

[رغدالشيباني]

محمد ابن هلال صح لسانك قمة الروعه أبدعت لاهنت

[اصايل]

المشيخه قول وفعل ومكانه مو لعب كوره *_*



صح لسانك ابن هلال ..

[النجم الأصيل]

المشيخة زمان اول اليوم مجاني

وياليت احد يهدينا قصيدة الشاعر فيصل الرياحي في المشيخة

ابن هلال شكرا لك

[عبدالله المرشدي]

صح لسانك وعلى شانك

مبدع لاهنت

تحيتي لك

[بنتـ الشيخ ..]

يا محمد ابن هلال .. مشكور مشكور ..
ـ:ــ مشكــور من قلب يكره الكوره ..
أقولها .. وقبري لابد .. محفور ..
ـ: ــ يبقى النصر دايم هو سيد الكوره