مرثية الشاعر / بندر محمد النفيعي في مساعد بن مانع آل عجلان " رحمه الله "

[أبو فارس]

السلام عليكم ورحمة الله وبركاته

كأول مشاركه لي معكم في هذا المنتدى ، حبيت أطرح لكم هذا الموضوع والذي من خلاله أقدم لكم قصيدة وصلتني برساله نصيه وصوتيه على الجوال من أحد الزملاء وهي لللشاعر / بندر بن محمد النفيعي

والتي قالها في رثاء زميله / مساعد بن مانع آل عجلان رحمه الله الذي توفي قبل عشرة أيام تقريباً عندما كان لوحده في رحلة صيد جنوب منطقة حلبان.

وتعود تفاصيل الوفاة حسب ماسمعنا بأن مساعد آل عجلان عثر عليه بعد ستة أيام تقريباً من وفاته داخل سيارته متوفي وطيره بجانبه على قيد الحياه وكانت وفاته تأثراً بإصابته من بندقيته وكان في مكان بعيد

ولم يكن قريباً منه أحد لإسعافه ..

لذلك أقدم لكم قصيدة الشاعر / بندر بن محمد في رثاء زميله من خلاله طرحها لكم حسب ماوصلتني بالجوال من أحد الزملاء ( نصية وصوتيه ).

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياطير أنا بنشدك بالله ياطير = وش صاب ابو فرحان وانته يمينه

ليتك فزعت وطرت لو تقطع السير = وعلمت من حولك ولو بالرطينه

الطيب اللي هدك الصبح وعصير = وليا قنص شالك برفق وسكينه

دمه على الطبلون والكشن والقير = تشوف دمانه وتسمع ونينه

ماغيرك اللي صوّر الوضع تصوير = وانا ترى ما لوم غيرك وادينه

ياطير راح ابو النوايا المغاتير = أقفى وحال القبر بينك وبينه

لاوالله ألا مات ريف المسايير = ومن الخبر ياطير نفسي حزينه

وانا أعرف أنك ماترد المقادير = لكن ألومك يوم شفت الغبينه[/poem]


-----------------


ولسماع القصيدة صوتيه الرجاء الضغط على الرابط التالي ثم تحميل المقطع

http://www.mlfnt.com/download.php?id=292763

رحم الله المتوفي / مساعد بن عجلان وأسكنه فسيح جناته

ولايفوتني أن أشكر الشاعر / بندر بن محمد النفيعي على وفائه لصديقه بهذه القصيدة المؤثرة.

هذا ماأردت أن أطرحه لكم ...

ولكم خالص التحايا

[شيخ الشيوخـ]

صح لسان بندر النفيعي

ونسئل الله ان يرحم مساعد بن مانع آل عجلان
وجميع موتى المسلمين

لاهنت يابوفارس على نقل هذه القصيدة الرائعة

[أبو فارس]

المشاركة الأصلية كتبت بواسطة شيخ الشيوخـ صح لسان بندر النفيعي ونسئل الله ان يرحم مساعد بن مانع آل عجلان وجميع موتى المسلمين لاهنت يابوفارس على نقل هذه القصيدة الرائعة

هلا وغلا شيخ الشيوخ

حضرت هنا فتشرفت بتواجدك بهذا الرد من خلال هذا الطرح

اللهم تقبل منك ومن الجميع صالح دعائكم ورحم الله المتوفي وصح لسان شاعر القصيدة .

حياك الله