( من شيم العرب ) موقف العجمي مع الشمريه

[النير]

تمضي الايام وتبقى المواقف والاحداث شاهدة على نبل صاحبها أو سوءهـ وتتأكد هذه المواقف ويخلدها التاريخ اذا كان معها قصيدة تحكي روعة المواقف او فضاعته فالشاعر المنكوب أو المسدى له المعروف لن يستطيع احد ان يكتم مشاعره الفياضه في رواية قصته وسردها عبر حروف يختلط معها دموع الفرح أو دماء الحزن

ابن الرس الاستاذ علي بن حسين العواجي العجمي سجل موقفا رائعا مع فتاة حارت بنفسها مع مصيبة افسدت عليها ايامها وليا ليها وجعلت ايامها سوداء مظلمة وحارت بنفسها بمصيبة جعلت من حولها يقف موقف المتفرج اما لعجز او لأنانية في نفسه

هذه الفتاة لجأت الى الله ثم لأبن الرس الاستاذ علي بن حسين العواجي وطلبت منه المساعة وقالت هذه القصيدة

[poem=font="simplified arabic,6,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]
صاح القصيد وقال ياعلي وين أنت = وين أنت ياكساب كل الجمايل
وين أنت ياللي للصعيبات لابنت = دنت صعيبات العقود الحلايل
ياابن العواجي ماسواك أنت لاهنت = إلا أنت ياللي طايل ٍ كل طايل
عليك سقت الشعر يمك وأنا بنت = من دون كل الخلق يـ أبو الفعايل
آمنت لن الحرف لاجاك آمنت =أنك حشا لله مـا ترد سايل
للشمريه ياعلي أنت له صنت = تفزع بشيمه وانت كلك فضايل
ياعلي كان الفرح لي يوم أنا كنت = في ظل عود ٍ ماتجيه الخمايل
ياعلي شان الوقت فيني ولاشنت = ولايشين الوقت بنت الأصايل
واليوم صحت بعالي الصوت وين أنت = وين أنت يافكاك عسر الحبايل[/poem]

الشاعره / شموخ المعنقيه

ابن الرس لم يتوانى عن مساعدة هذه الفتاة فمباشرة لبى طلبها
ودفع من حر ماله عشرات الآف من الريالات وفرج عنها كربتها وانهى مأساتها
فما كان من تلك الالشاعرة الا ان هاضت قريحتها بكلمات عبرت عما نفسها لصاحب اليد البيضاء فقالت

[poem=font="simplified arabic,6,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]

سلام يافكاك كل الصعايب = يالنادر اللي ماحدن جا يحاليك
عليك سقت النادرات الغرايب =والشعر لو حبره بحر مايكفيك
لو قلت أنت أنسان مابه عجايب = لـنك ملك رحمه على قلب ناخيك
شباب لكن بالفكر فكر شايب = والله يعين اللي نوى انه يعاديك
لو يجمع لضدك أغراب وقرايب =ماحرك براسك ولو شعرة ٍ فيك
سبع ٍ وصيدك صيد من كل طايب = وتترك هزال الصيد للي حواليك
ضرغام لاكبرت عليك النشايب = ماكنها ألا تقل مسباح بيديك
كريم مد وكم تسد الطلايب =ولاضنتي يبلش من الناس ناصيك
ياغيث هتان ٍ علا بالسحايب = عالي ولا احدن طال عالي معاليك
ياحاتم الطائي بوقت اللاهايب =يالله عسى رب المخاليق ياقيك
يافزعة المضيوم لا صاح عايب = وين انت ياللي رب الأكوان معليك
وين انت يالشغموم يابو الكسايب = وين انت ياللي لااظلم الصبح ناتيك
وين انت يامرجع جميع الذهايب = وين انت ياللي وحدك الله صافيك
عن كل خلق الله غـُـرب وقرايب = يالسامي الي سامي ٍ من تساميك
ياشوق من فلة أن جيت الذوايب = لاتحسب حساب الذي جاء يماريك
كانه نهر فأنت البحر والغبايب =لـ/نك فعايل كل طيب بحسانيك
يالموج ياللي لازمى الموج طايب = قل للنهر ماهوب والله حواليك
أنت العريب أبن الرجال العرايب = والأصل ياخذ أصل من طيب جديك
كم من ضعيف ٍ ضيقته المصايب = وزم الفرح بيديه من مدة ايديك
ياعلي غاب اللي بنا ماهو بغايب = وانت العوض ياعلي ربي يخليك[/poem]

الشاعره شموخ المعنقيه الشمريه

احد الشعراء وبحكم تذوقه للشعر ومعرفته لجده وهزله قال هذه القصيدة الذي اثنى على هذا الموقف الجميل فقال هذه القصيده ثناء على الشيخ على ابن حسين العواجى وتفاعل مع موقفه مع الشاعره شموخ المعنقيه

[poem=font="simplified arabic,6,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]

بيض الله وجه من زبن شموخ المعنقيه =راعى الفزعات والوقفات كسّاب الجمايل
وجب الى حايره ما بين شمس وبين فيه =شاعرة قطرالشمال وبنت ماضين الفعايل
ماعتذر يوم نخته جعله تعداه المنيه =للرخوم الى عوايدهم يفيدون الفشايل
يوم قالت ياعلى حالى من الدنياء شقيه =والزمان يضدنى بالظلم والحمل متمايل
قام واجهد بالمقام وفك حبل الشمريه =واستراحت وارجهنت وافلحت عقب الغلايل
مايشيل الحمل غير الى بعيد عن الرديه =والعواجى يرتكى للحمل ويشيل الثقايل
والخطاء يرضابه المخطى على النفس البريه= والعداله راجح ميزانها يوم الهوايل
يركض المفتون فى دنياءالورىمع درب غيه =في مرابيع النفوس الباغيه صايل وجايل
من حضى بالطيب فابن حسين ماخطا بالحضيه =والمواقف ثابته بشهود ها والها دلايل
فزعت العجمى نهار الضيق ماهيب انكريه =تشهد الهيلاء وشمركلها وأولاد وايل
وقحطان وحرب والغلباء حمات الدوبليه =والطفير ويشهدون مطير مروين السلايل
والخوالد يشهدون وكلمة الحق محميه= من دخل بحماية العجمان عنه الخوف زايل
ياعربين المناسب يارجاجيل الحميه =ياهل الشيمات والنخوات ياعيال الحمايل
فالشمال وفالجنوب وفيك يانجد العذيه =ياهل شرق المملكه واهل الحجازاهل الفضايل
عدوا الفنجال للى يستحق الشاذ ليه= وارفعوله راية التمجيد مع كل القبايل[/poem]

الشاعر : سعدون بن فهد بن عقاب الهرس العتيبى

[ناصر بن سعدي]

صح لسان الشاعرة شموخ المعنقية الشمرية

وبيض الله وجه العواجي وعلمه غانم ويستاهل المدح

وصح لسان الشاعر والباحث والراوي المعروف / سعدون بن فهد الهرس ..



ولاهنت يالنير على هذه الدرر والموقف البطولي ,, وتخليد فعول الطيبين بالقصائد الجزلة .

[بنت شمرالطنايا]

صح لسان بنت العم الشمريه

ونعم بالعجمي

وصح لسان العتيبي

[نايف تراحيب]

النير بيض الله وجهك على هالطرح الجميل

الله لا يهينك

احترامي وتقديري


/


،

[جهز الهرس]

بيض الله وجه علي العواجي على هذا الموقف الذي لاياقافه اللا الابطال ونوادر الرجال اهل الشيم والكرم والمروه والعجمان من اطيب قبائل العرب ومن اعرقها حسباً ونسباً

[الجآآرح]

صح لسان الشمريه وبيض الله وجه العواجي

وصح لسان العتيبي



وبيض الله وجهك يالنير على النقل

[النير]

سعدون الهرس دائماً سباق لتوثيق وتخليد الأفعال الخيره المجيده بالقصيد اللي يطلق وجهه..فلولا الله ثم أبو فهد لما علمنا بهذا الفعل البطولي العظيم للعواجي ولم نعلم بكرم الضليعي المغيري صاحب الفعل الغير مسبوق .. بيض الله وجه العواجي وكتب الله اجره وجعل ماقدمه في ميزان حسناته..آمين...فلما طرح الآن مصداق من الصدوق صلى الله عليه وسلم(لايزال الخير في أمة محمد حتى تقوم الساعه)

[شيخ الشيوخـ]

لاهنت يالنير وبيض الله وجهك على العلوم الطرايف

وعز الله غنت الشمرية فالعواجي والله يبيض وجهه على فعله للجميل


وسعدون الهرس طيب وحركه فعل الطيب وبهالقصيده سجل حضور لعتيبة في هالموقف المشرف

["تفـوق ـآلوصف"]

*
صح لسان الشمريه والعتيبي ,ْ~
ونعم بالعجمي و بيض الله وجهه عوايدهم الطيب ولاهيب مستغربه ,ْ~

لاهنت على الطرح الطيب .ْ~

[ساره الشمري]

ونعم بالمادح والممدوح


جمل الله حااااااااالهم



الف شكر على النقل








تحياتي.....