تآمرني آنساك بنسى ويش يمنعنـي .!// لكن لياجيت في بالي وش الدبـره ..؟؟

[||كلَي شموخ||]

تآمرني آنساك بنسى ويش يمنعنـي ..!
لكن لياجيت في بالي وش الدبـره ..؟





خذيتنـي سالـي ودالـه ومتهـنـي
ورميتني شـاعرٍ ساهر على حبـره



الله حسيبك على الضيقـه معودني
ياكاسر الخاطر اللي شوفتك جبـره



تطلب وآنفذ وآبي قربـك وتجهلنـي
كني طلبتك تحفـر البيـر بـ الأبـره ..!



تقول :- يامكرم القيفـان تخدعنـي
وآقول :- بعدك كفنه وغيرتـه قبـره



طيفك على صدك وبعدك مصبرنـي
لو كان طيفك يشيل القلب من صبره



آمهلتني للزمـن والوقـت مهملنـي
ياحـر كبـدي على حاجـات منثبـره



واللي سرق بالي وحيّـره وآشغلنـي
طاريـك لامـر وش دخلـه بالنبـره



موج الغلا يم سيف الشوق يدفعنـي
ياقرد حظي معى شفّـي وياغبـره



إليا طلبته يقـول آسـف وفارقنـي
اللي معى مايعـل النفـس ياكبـره



ولا انت ياحزبة الضامـي معذبنـي
متى نصادف طريقٍ نلتقي عبره ..؟



آبتصل فيك لاا ..! مانيب متعنـي ..!
آخاف لاقلت ( آلوو ) تخنقني العبره


مما راق لي..

[مآتبآدلنآ آلعطآ]

كلي شمووخ .

وربك من قبل شويـآت كنت اقراها ..

قصيده بقمـة الروعه وهي للشاعر عبدالع’ـزيز السبيل

لآهنت ع هالانتقـآء الاكثر من رائع

ودي لك

*

[مواطن عتيبي]

وراق لي وبشده
يعطيك العافيه على القصيده

[تسنيم]

آبتصل فيك لاا ..! مانيب متعنـي ..!
آخاف لاقلت ( آلوو ) تخنقني العبره

روعه يا الغلا

[ابــ عــتـب ــو]

قصيده روعه يا كلي شموخ

مشكوره يا كلي شموخ

[الأدميرال]

واللي سرق بالي وحيّـره وآشغلنـي
طاريـك لامـر وش دخلـه بالنبـره
كلي شموخ لاهنتي

[||كلَي شموخ||]

الله يعافيكم
شاكره مروركم
كل الود