يانجمة الصبح كبدي منك مرهوقه<<رائعهـ نمر بن صنت

[برقآآآآوي]

يانجمة الصبح كبدي منك مرهوقه
ليا شع نورك علينا لا تغيبيني


ستاير القلب من فرقاك مفتوقه
اصبر من العام لين انك ذبحتيني


لبيك ياللي تتل القلب وعروقه
كله على شان يوم انك تلبيني


ياقلبي اللي من الغالي دنا عوقه
يا ناس اشيروا عليها لا تقاضيني


وان كان قلبي تليش عنه صندوقه
شدوه لين اتجود فيه بيديني


قالوا معاليق قلبك منه مسروقه
قلنا خذتها الضحى والناس واعيني


عديت عن مبسم المجمول لا ذوقه
انا بلاوي الحيا وادري على ديني


الود لو نتركه عنا وطاروقه
اظني ارتاح وانتي تستريحيني


يالله يا خالق الدنيا لمخلوقه
تقدر على الموت تذبحني وتحييني


تلم شملي لابد الروح مرفوقه
بأربع هناديس في قبري تخاويني



الشاعر

نمر بن صنت

[ريال مدريد]

مشكور اخوي على القصيده الجميله وانشاالله نشوف الكثير

[||كلَي شموخ||]

يعطيك العافيه
طرحت فأبدعت
لاخلاولاعدم
كل الود

[سعد نجد]

مشكور على النقل

وصح لسان شاعرها

لاهنت

[برقآآآآوي]

المشاركة الأصلية كتبت بواسطة ريال مدريد مشكور اخوي على القصيده الجميله وانشاالله نشوف الكثير

ان شاء الله يابعدي

مروركـ اسعدني


دمت بود

[برقآآآآوي]

المشاركة الأصلية كتبت بواسطة ||كلَي شموخ|| يعطيك العافيه طرحت فأبدعت لاخلاولاعدم كل الود

الله يعافيكـ

مشكــورهـ على المرور اللي نور الصفحهـ

دمتـ بود

[برقآآآآوي]

المشاركة الأصلية كتبت بواسطة سعد نجد مشكور على النقل وصح لسان شاعرها لاهنت

مشــكور ياغــالـي على المرور

اللي اسعدني

لاعدمتكـ