من ساهر إلى ألامير عبدالله بن ربيعان في ألمانيا

[شاعر عتيبة]

[poem=font="simplified arabic,6,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالوم سمعك لو شكا منك يا امير= من كثر مايسمع شكاوي عتيبه
[/poem]

لأميرنا عبدالله بن عمر بن ربيعان
حفظه الله ورعاه واعاده بالسلامه لقبيلته


[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا ليا لديت مالد لصغير=اشرب قراح الما واخلي سريبه
نفسي تحاقر مدح قصر الاشابير= بعض العرب ياناس مدحه معيبه
ومدحي يجي بمواصفات ومعايير= ماكل شخص فالوجود يحظي به
وفي صالة الرحلات والحزة عصير= وكلن بعينه لد يم الحقيبه
قم يانديبي ياعشير المناعير=عن لازمي ماتنقبل منك غيبه
وختم على المظروف من دون تاخير=رسالة عتيبي لقايد عتيبه
واركب على اللي تصخر البعد تصخير= الـ الف ميل بـ ربع ساعه تجيبه
احدث طراز إرباص ستة مواطير= فيها مزايا التقنيات الرهيبه
ورسالتك تحمل محبه وتقدير= يم الامير اللي غمرني بطيبه
يا امير طمني عسا حالك بخير=يامير غيبتكم علينا مصيبه
لاصرت طيب والدعاوي تياسير= نلبس عبات المجد من غير ريبه
يا اميرنا لابان فالامر تغيير=ملجا القبيلة كلها تلتجي به
يابن اللذي مثل السحاب المباكير= مافيه وادي ماتسيل شعيبه
مقدم جموع الحرب منصا هل العير= بيت الاماره من سنين مغيبه
زعامتن فالمجتمع وضعها غير= قاله وطاااله مع فخامه وهيبه
بشتن يذري عن بلا الوقت ويجير= من بعد رب البيت لو هي صعيبه
قادو مع معزي جموعن مزابير= بجيزان والساحل وجده وطيبه
وبنحورهم ضدو نحور الطوابير=وسيوفهم ماعودت فالقريبه
فكو عتيبه من سيوف الجزازير=وعطوهم رقاع الفياض الخصيبه
لين انها زانت وكل لقا خير=وكل ملا بالخير بطنه وجيبه
ذكرت لي نبذه وخليت تقرير=والصدق من قاله ترا مايعيبه
وجهي سجد يامير فالثلث الاخير= ادعي كريم مايخيب طليبه
ينجيك ويكافيك شر المعاثير= وعودتك يجعلها علينا قريبه
ويكسيك بثياب الفرح والتباشير=يالله يارب المرض ياطبيبه
قلبي محب محب من دون تبرير= وتراك ياراس الزعامه حبيبه
ومالوم سمعك لو شكا منك يامير= من كثر مايسمع شكاوي عتيبه
انت الامير وخل عنك الاوامير= من لايحل الكايده ويش ابي به !!
وانا على منهاج ماقاله شقير= فيك وفي ابوك اللي عسا الله يثيبه
[/poem]

وسلامتكم ...

[ميااااح]

يا سلااااااااااااااااااااااااااااام عليك ياساهر

مبدع ويستاهل الامير عبدالله

الله يرده سالم وغانم

ولك مني اجزل الشكر

[روقي قرم]

لله درك

جزلـه من جزل ولـ جزل

صح لسانك طال عمرك

والله يرد ابو ماجد لنا سالم وغانم

((ومالوم سمعك لو شكا منـك ياميـر
من كثر مايسمـع شكـاوي عتيبـه
انت الاميـر وخـل عنـك الاواميـر
من لايحل الكايده ويش ابـي بـه !! ))

ابيات ماعليها كلام ماشاء الله تبارك الرحمن

لكن هالبيتين عن قصيده

ويستاهل الممدوح ويستاهل أكثر

الله يحفظهم لنا ذخر

صح لسانك واعتلى شانك

تقبل مروري

[البارع]

الله يبيض وجهك يالساهر...قصيده في قمة الجزالة والحبكـ.. صح لسانك مدد بلاعدد ...

والله يرد ابوماجد بالسلامه...

[ناصر بن سعدي]

لله درك ياساهر

ذهب × ذهب ,,

ويستاهل قائد عتيبة وعسى الله يرده بالسلامة ..


ومالوم سمعك لو شكا منـك ياميـر
من كثر مايسمـع شكـاوي عتيبـه
انت الاميـر وخـل عنـك الاواميـر
من لايحل الكايده ويش ابـي بـه !!
وانا علـى منهـاج ماقالـه شقيـر
فيك وفي ابوك اللي عسا الله يثيبـه


قصيدة عصماء من شاعر متمكن ..


صح لسانك لين ترضى ,,

[ناصر بن سعدي]

وتستحق التثبيت ..


: )

[إبن ثعلي]

صح السانك ياساهر ولاهنت ويستاهل المدح والثناء شيخنا ابو ماجد الله يحفظه ويرده سالم وغانم

[ابوسـعد]

لاهنت وقصيدة جزلة وفي مكانها ويستاهل الامير ابوماجد نسل الطيبين وياهلاوغلا

[شيخ الشيوخـ]

بيض الله وجهك ياساهر والامير عبدالله مهما قلنا فيه مانوفيه حقه ومكانته الله يطول بعمره ويعجل لنا عودته وهو بأتم الصحه والعافيه
وابشرك ان عودته قريبه بإذن الله

[فهيد مقعد الرويس]

صح لسانك

ياساهر

والله يشفيه ويشفي مرضا المسلمين

تحيتي وتقديري