الله يجمل حالكم ياهل الطيب

[محمد بن دغيم السميري]

الأخوة الكرام بينما وأنا أُتابع برامج قناة الصحراء الفضائية وإذ بمجلس آلاد ذايب اللي ينومس ويرفع الرأس <<~ (شعر وعلوم نشاما) مع مجموعةٍ من الشعراء وأهل الإبل ووجهاء في ضيافة رجل الأعمال المعروف / سليمان بن عساف الذيابي
وشدني مادار على شاشة الصحراء وعبرت عن شعوري بأبيات قليلة في حق بني عمي آلاد ذايب وأرسلتها للشاعر القدير / حميد بن رازن الذيابي ..

وهي :

[poem=font="simplified arabic,5,blue,bold,normal" bkcolor="transparent" bkimage="" border="double,5,red" type=2 line=0 align=center use=ex num="0,black""]
الله يجمل حالكم ياهل الطيب=ياللي صحيح أتنومسون القبيله
شيوخ وعمد للرجال ومناصيب=وافعالكم يالاد ذايب مهيله
منهاجكم عند العرب صعب وتعيب=يبغا زحولن مثلكم تركيله
اسمع يأبن رازن حصان الاطاليب=من لايسوي مثلكم عزتيله
تابعت جسلتكم وشفت التعاجيب=في مجلس سليمان زيزوم جيله
مجلس كريمن مايهاب المواجيب=صميدعن عسى سنينه طويله
والنعم بألضيفان هم والمعازيب=وان قلت سبع انعام فيهم قليله
واسلم يأبوبندر وسلم على الذيب=ابوطراد ابا الفعول الجزيله
شيبك على تقوى وحشمه وتوجيب=ياللي لعكفان الشوارب دليله
على الوقار تشب يالشهم وتشيب=محصله لا عد كلن حصيله[/poem]

محمد بن دغيم السميري


ورد على الشاعر / حميد بن رازن الذيابي يقول :


[poem=font="simplified arabic,5,blue,bold,normal" bkcolor="transparent" bkimage="" border="double,5,red" type=2 line=0 align=center use=ex num="0,black""]
الله يا اللي تعلم السر والغيب=يا اللي رقاب اهل التقا تنحنيله
ترفعلك الاصوات وسط المحاريب=ونفوسنا لك بالتضرع ذليله
زجرك وتأديبك لنا خير تأديب=وسهل لنا منهاج درب الفضيله
يابن دغيم قبل يطلع بنا الشيب=على الجميل انافس اهل الأصيله
واليومه انت ترتب الشعر ترتيب=مشتاق واعجابك بنا له دليله
عسى فداك مدورين العذاريب=اللي تصب الزيت فوق الفتيله
سيوفهم دايم تحش العراقيب=والسبع الادقم شاهده راس ذيله
مدحك لابن عساف قوه وتشبيب=ويستاهل اللي يمدحه كل ليله
حرن طلع في عاليات المراقيب=في هدته كل الجوارح تجيله
ومن يشرب الفنجال ينصا تراحيب=والطيب كلن مجتهد ويعديله[/poem]

الشاعر /حميد بن رازن الذيابي

[إبن ثعلي]

صح السانك يابن دغيم وصح السان ابن رازن والآد ذايب يستاهلون المدح

[ابن مسلم]

صح السانك يابن دغيم

وصح السان ابن رازن

والآد ذايب يستاهلون المدح

[عادل العصيمي]

ياسلام عليكم


فعلاً البرنامج انا تابعته وينومس ,, الله يبيض وجيههم


صح لسانك يامحمد وصح لسان ابن رازن


تحياتي


.

[ناصر بن سعدي]

صح لسانك يابو عمر ..

و

صح لسانك

يابو بندر ..

صوت رائع وصدى أروع ..

ويستاهلون الذيبة كل علمٍ غانم ويستاهلون السمرة كل علمٍ غانم ..

تقبلوا إعجابي يأساتذة ..

[اصايل]

صوت وصدى رائعيَن


صح لسانك محمد السميري



وصح لسان الذيابي


لاهنتم جميع

[فهيد مقعد الرويس]

صح والله لسانك

ياضيف الله وصح لسان

ابوبندر

ابداع لاهنتوا

تحيتي وتقديري

[خالد عائض الذيابي]

صح السانك يابوبندر والسان ابن رازن

[ضيف الله السميري]

صوت وصدى رائعين


صحة السنتكم

لاهنتو

[عبدالله المرشدي]

صح السانك ياذيب

وصح السان ابن رازن

والآد ذايب يستاهلون المدح

ابدعت لاهنت

تحيتي