لاعاد يوماً فيه مريت لاعاد

[العـضـيـانـي]

بسم الله الرحمن الرحيم

[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لاعـاد يومـاً فيـه مريـت لاعـاد=شفت المكان اللي بكتنـي ارسومـه
فهمت منطوقه وهو ضلـع وجمـاد=اعطيتـه الذكـرى وبانـت علومـه
واقول يارجم العنـى جيـت نشـاد=احذر تجي بينـي وبينـك خصومـه
من جا حجا ضلعـك تعنـا ولافـاد=يجـي ويرجـع مايحصـل لزومـه
مابيـن مسيـود الاوادم والاسيـاد=يبقـا مـع الواقـع عبـورٍ قدومـه
من سيـرة الاول للتاريـخ الاحفـاد=يرجي مـن الحاضـر بقايااحلومـه
قال انت من جملة هل القاف والضاد=لاتشتكـي مثلـك عرفنـا اهمومـه
حصلـت بالايـام ضيقـات وجهـاد=والحر يلعب فيـك لاهـب سمومـه
حياتنـا بنعـام وافـراح واعـيـاد=تبي الصراحه عيش عـز ونعومـه
ولوزعزعت لاوضاع ياهيه ويش عاد=يرسل لها مثلـك وحـن مخدومـه
قلت الرجا باللي لـه النـاس عبـاد=له يصرف المسلم صلاته وصومـه
لاصـار بـالايـام صــادر ووراد=وغطا السما الصافي عجاج وعسومه
كن المصايـب عندنـا بـن وقنـاد=تجلي عمس راسه وتقوى عزومـه
حنا هـل التاريـخ الاول والامجـاد=مجـدٍ تعـلا بالكـواكـب نـرومـه
والله لو جيتـو اجماعـات وافـراد=لاروعـت مثلـك سمايـل اهدومـه
اثر البشر صنفين مؤمـن وحسـاد=وجو السماصافي وبانـت انجومـه
وانا لقيت الحلـم مـن دون ميعـاد=وعشته وعايشتـه بمدحـه ولومـه[/poem]

[وجودك يكفي]

صح لسانك يالعضياني


احترامي

[الجـآدل]

صح السانك

ولاهنت

تحيتي لك

الجـــآدل

[فهيد مقعد الرويس]

صح لسانك

يالعضياني

ننتظر المزيد لاهنت

تحيتي وتقديري

[MOHAMED*E]

صح لسانك وعسااك القووه

[اصايل]

صح لسانك


لاهنت

[عبدالرحمن الحمد]

ياسلام عليك

صح لسانك عزيزي

احترامي وتقديري

[بنت شمرالطنايا]

قصيده رائعه

عجبتني حيل

يعطيك العافيه

اختك بنت شمر الطنايا

[العـضـيـانـي]

حياكم الله نورتو صفحتي

مشكورين علي المرور

لكم مني اطيب الاماني

[رشة قلم]

صح لسانك
العضياني
رائعه ككل لكن راق لي أكثر

كن المصايـب عندنـا بـن وقنـاد .. تجلي عمس راسه وتقوى عزومـه

دمت على الخير