السحر الحلال............................................

[مواطن عتيبي]

^
ما انقذتك من احد فنك الشعري هو اللي انقذك
انا ماعندي اي ملاحظات واشوف ان القصيده واضحه ومكتملة الشروط الشعريه وزن وقاف و( معنى ) وعليها الفن الموسيقي الشعري واضح داخل سلاسة الابيات ...
يا حورية أكثر الشعراء يجهل الشعر النسائي او ينظر له بعين النقصان واهذا أكبر خطأ ولا يحق لأحد مثل كذا التعليق وانصحك ما يكون تهجمهم حاجز امامك ...
مع احترامي للجميع ..
انا في المره الأولى كانت مشكلتي في القرائه ما ركزت النظر في اسيره وشفتها انها صفه وهي الاسر
لكن الآن بعد ما فهمت شفت ان البيت فعلا ً اقوى بكثير مما كنت اتصور
وارجع اقول لك ايضا الاسر مذموم لكن انتي وضعتي نفسك اسيرة لشي جدا ً محمود وقلبتي الصوه والمعنى واصبحتي أكثر ابداعا مما كنت اتصور ..
لله درك وبالتوفيق

[ناصر بن سعدي]

صح لسانك يا حورية نجد ..

وكلامك عريض طويل ودخلنا في متاهات . ولكن دام الشاعر طلب النقد من حق اي شاعر يسأل عن الشي اللي ماهو مفهوم ..

ودام تبحثين عن المدح يكفي مواطن عتيبي ..بس لعلمك ولعلم أي شاعر المدح هو دمار كل شاعر .. والمعلومة الثانية أكبر شاعر مايستغني عن النقد ..

ولو مافتحتي باب النقد كان جتك الأسئلة عن طرق الخاص ..

وزبدة الكلام قصيدتك مستواها متوسط وأتمنى القادم يكون أجمل ..ولايغرك المدح والإستعجال واضح فالتركيب ..

وبالتوفيق لك ..

[مواطن عتيبي]

^
^
معك حق يا ابو تراحيب وانا ما مدحت من الباب للطاقه انا قريت نص يستحق الاشاده واعتبر كلامي كله اللي قلته عنه ذمه وان شاء الله ما كنت مخطي واولا واخيرا هذي وجهة نظري قد تكون مختلفه مع كثير من الشعراء وانت اولهم .

واتفق معك ان تطير الشاعر هو اللي يضيعه لكن ما اشوف فيها شي ان قلت الحق وشاعرة نجد فعلا ً شاعره متميزه وشاعره حقيقه ارجع بقية نصوصها وتشوف كلامي على حق ..

تقديري ومحبتي للجميع
واتمنى ما اكون زودتها

[حورية نجد]

اطلب الردود .....ياعتيبه ماهو النقد ..الحريم دايم يخيبوني
ردين فقط من العنصر النسائي .....!!!!!
يمكن مافيه الا اهل الكويت بيردون....

[شيخ الشيوخـ]

نكتفي بهذا القدر

والقصيده تحمل جماليات لاشك فيها وهذا كلامنا من البدايه

والله يوفقك الشاعره وننتظر الابداع القادم


صح لسانك ياحورية نجد ونقدنا بناء وانا اخوك فهو يصب في المصلحه
شكراً

واحب اقول لمواطن عتيبي

قطيره لاتختلف عن قطره

قطيره تصغير قطره


لغوياً صحيحه يامواطن عتيبي

[شيخ الشيوخـ]

كل عام وانت بخير يابو مقعد وعسا عيدك مبارك انت وجميع اخواني الاعضاء

وانا إلى الحين اقول ( اذا حضر الماء بطل التيمم )

واقصد اذا حضرت انت يصير مالنا دور ولا نقدنا له دور فأنت قامه شعريه
هذا قصدي يابومقعد
وتعرف نظرتي فيك

[فهيد مقعد الرويس]

المشاركة الأصلية كتبت بواسطة شيخـ الشيوخ كل عام وانت بخير يابو مقعد وعسا عيدك مبارك انت وجميع اخواني الاعضاء وانا إلى الحين اقول ( اذا حضر الماء بطل التيمم ) واقصد اذا حضرت انت يصير مالنا دور ولا نقدنا له دور فأنت قامه شعريه هذا قصدي يابومقعد وتعرف نظرتي فيك

شهادتك

وسام لاعدمتك

ياشيخ الشيوخ

وانا ماقصد مقولتك الي بين قوسين انا اقصد مقولتي (الفتوى والمفتين) في احتوائها على اكثر من معنى اما كلامك واضح ولاغبار عليه

واشكرك مره ثانيه على طيب الشعور واعجابك محل التقدير لاهنت

[مواطن عتيبي]

^
^
يقصدني انا
و ابو مقعد شاعر والمعنى بجوف الشاعر
محبتي لك يا ابو مقعد قبل تحيتي وكل عام وانت بخير
ووجودك وكلامك وتعقيبك على القصيده يثبت انها قصيده قديره وتستحق الاشاده
والقطيره والقطرات كلها واحده ياشيخ الشيوخ وما يكون خاطرك الا طيب
اهم شي لا تحولون الانتقاد علي انا مجرد مبدي وجهة نظر واعجاب با أبيات حقيقه :)
ياجماعه لحد يزعل والله اني احبكم كل ابوكم محبتي للكل

[حورية نجد]

الحمدلله فعلاً....مبسوطه جداًجداً...ماهي اول مره ولكن سبق وتكرر الموقف في منتدى آخر...
ولكن قصيده اخرى ..فهذا دليل واضح جدا انني في الطريق الصحيح ياعتيبه..فنقدكم وتوجيهاتكم
ووجهات النظربينكم والاختلافات اللي حصلت ..من كبار الشخصيات والشعار دليل واضح اني وصلت.....ولا جمع الله الرجال اللي تفرقهم مره!!


وسبحان الله طبيعة النفس البشريه تحب المدح سواء كان طفل كبير صغير....
وانا من امس ما اناظر الا نقد مواطن فقط هههه

واذا سمحولي عيال عمي اللي فيهم غيره المشاركه بشاعر المليون هالسنه..
وقدها بعد اختلافاتكم بأخذها وانا بنت عتيبه....(مهيب اطيب مني عيده)


تحياتي الخاصه لقبيلتي...

[عبدالله المرشدي]

الشاعره حورية نجد

صح لسااانك


وعلى شانك


تحيتي