ديـوان الشـاعر الكـبير/عـايض بن شـجاع الـشدادي الحــارثي(رحـمه اللـه)

[سطام الجياشي]

الشاعر الشيخ /عايض ابن شجاع سالم الشدادي رحمه الله هو علم من اعلام القبيله وشاعر كبير ومن بيت

شعر وله دواوين مسموعه وكذلك بعض القصائد المكتوبه وقد عاصر فحول الشعراء والادباء في بداية

نهضة المملكه العربيه السعوديه امثال الامير محمد الاحمد السديري والامير سعد الناصر السديري

وابن بليهد ومنديل الفهيد وعبد الله بن خميس وإبراهيم اليوسف وبدر الحويفي ومحمد الخس

وهو من أوصل أشعار القبيلة إلى هؤلاء الأدباء وقد اخذ عنه حمد الجاسر رحمه الله في انساب

بني الحارث وله بعد الله الفضل في تدوين القصص والغزوات والأشعار التي تخص

قبيلة بني الحارث وكذلك معروف بوجاهته وسمعته الطيبه عند مشايخ و ادباء الخليج في

منتصف القرن العشرون .

ولِد الشاعر/عايض بن شجاع بن سالم الشدادي الحارثي (رحمه الله) في محافظة الطائف

عام 1357 هـ ونشاء الشاعر في ظل والديه وتربا على الأخلاق العاليه والشجاعة وكان

مضرب مثل في الكرم حيث أن بيته كان من أكبر بيوت الشعر في عصره وكان من

هواياته الصقاره والصيد.



[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يأهل الونيت اللي يسج الوطـا سـج=تـوه جديـداً لابعـد البعـد سجـاج
يسرح صلاة الصبح والنور ما أنفـج=علـى وداع الليـل والصبـح منبـاج
واليا عطا مع جرهـد القـاع الابلـج=هبط عليه ورص رجلة إلى الصـاج
مايمكنـه شوفـك إليـا ثـور العـج=لمحة بصر دوبـك تشوفـه إليـا لاج
يقطع مثاني منحنى الـدرب الأعـوج=يروج روجـات النـداوي إليـا راج
ماعمر سواقـه علـى النـوم هملـج=ماهوب من خطـو الرياجيـل دلبـاج
مايسمعك لو صحتلـه كنـه أصنـج=في خاطره من نـازح البعـد وهـاج
قلبه عن أيسر مطلع الشمس ما سـج=والجدي حطه بيسره متـن وإحجـاج
وإليا قطعتـوا مطمنـن فيـه عرفـج=تظهر لكم مدنِ علـى حـد الأمـواج
تلفون بيـتٍ مـن لفـا بـه تبرهـج=بيـتٍ يقـدم فيـه خرفـان ونـعـاج
دايـم وبـابـه للمسايـيـر منـهـج=وسوالفن يطـرب لهـا كـل هـراج
ردوا سلامي عد مـن للحـرم حـج=وعـداد ماتمشـي طوابيـر وأفـواج
اللـي كتبتـه داخـل الخـط مـدرج=مكتوب في خطٍ طـوي طـي ديبـاج
عن شور مرشد ما أسمتع هرج من لج=أغديه يالقالـي عـن الهـم مخـراج
أنا بقيـت مـن الهواجيـس محـرج=الناس بارت والدهر يحـرج إحـراج
وقتٍ يخلـي طيـب النفـس مزعـج=مما يشوف ويسمعه مـن هالأزعـاج
قالوا لـي أصبـر والشدايـد تفـرج=كلن يقـول الصبـر تاليـه الأفـراج
الصبر زيـن وكـل مشكـل يعالـج=لو إن همـك كبـر أبانـات وسـواج
واللي يقاسـي بيـض الأيـام يفلـج=طول الزمان لقاسـي الـراس فـلاج
قلت أفتهم ما مقصدي هـرج وحجـج=الأمـر لله و المعرفـه لهـا تــاج
أنا ما أنصي كلمتـي خطـو الأهمـج=الاُ اللذي مـن رفقتـه ربـح وإنتـاج
هرجٍ مع الجاهل على ويـش يهـرج=وهرج مع أهل المعرفه نور وعـلاج[/poem]

ورد عليه الشاعر / مرشد بن سعد البذالي بهذه القصيده

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحـه ذهنـي بالأفكـار ملـتـج=من العشاء لين أسفر الفجـر لعـاج
أهـوم مـن زود الولـع وأتنـهـج=أونست في صدري من الهـم وهـاج
والطرس من سطوات الأقلام يحتـج=يحتج من ضغط البنانـي والأسـراج
ياللـي بذربـات المعـانـي تلـهـج=أسمع جواب اللي صعد عسر الأدراج
أبيـات مافيهـا كــلامٍ مـعـروج=ماصاب كاتبها عن الـوزن سوهـاج
قم يا نديبـي فـوق زيـن المـدرج=فـرتٍ لعسـرات المطاليـع دهـاج
يا زين مسراحه مع الحـزم الأرتـج=مع سهلةٍ فيهـا مـن المـرو رتـاج
من الكويت أسرح وممشـاك مفـرج=نفدٍ صحاصيـحٍ بهـا خـط مطنـاج
والصبح مع لغـف النفـود إيتدهـج=ظهر بعزمه ما طلع حـدره الصـاج
إليا من ويلك بأخر العـرق عجعـج=وام الجماجم عنك يسـرى بالأهبـاج
أبتل ترى ذهنك عن الوصف ما سـج=وأضـن طيـارات للويـل مدهـاج
لا شفت خشم الغاط من بعـد حجـج=إنشـد اليـا طالعـت بالـقـاع دواج
عساك تلقى الوصف من خطو الأبلج=له مع عرب عايض معرفه ومنهـاج
يقول شوف ديوان عايـض مبرهـج=مشرعـن ماصـك قفلـه بـمـزلاج
تلقاه فـي صـف الـدلال أيتزعـج=حرص على رد الرسالـه بـالأرواج
سلم عليه وقل تـرى الوفـد مـا دج=لايستوي في خاطره شـك وإحنـاج
قله تـرى صاحبـك بالحمـل دفلـج=لو إن وزنه ثقـل ضلعـان الأفـلاج[/poem]




وهذي قصيده غزليه فشعره صورة حيه رفيعه من الغزل العذري


[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحـه نـوم الكـرى مـا قربـنـي=بـان السفـر وأنـا أتقـلـب تـقـلاب
من هاجـسٍ حـدر المناكـب نسبنـي=كنـه يـدق بداخـل الجـوف منسـاب
الأمـر لله كـيـف خـلـي نهبـنـي=نهب السـروق إلـي للأطمـاع نهـاب
جـوّد معالـيـق الـفـؤاد ورتبـنـي=رتب الشطيـر اللـي يجـره بمجـذاب
صبـرت ليـن إن الحبيـب ضربنـي=ضربة عديمٍ مـا تفيـد بـه الاطبـاب
بغيـت أخفّـي ضربتـه لـو ضربنـي=جارت علي ولا حـدٍ شـاف مضـراب
ورّد سهومـه فـي الضميـر وشذبنـي=كنـه يحـرك ثومـة القلـب مشـذاب
ودي بغلبـه مـيـر خـلـي غلبـنـي=ما أظن لك يـا ناعـم العـود غـلاب
العفـو مـن بـد القبـايـل كسبـنـي=زين الوصايف صـار للـروح كسـاب
علـى هـواه إن باعنـي وإن جلبنـي=أنا معه فـي سـوق شـاري وجـلاب
هـو شـاربٍ حبـي وحبـه شربنـي=وش لون يرضى صاحبي حكم الأرهاب
أقفيـت عـن عنـق المهـاة وطلبنـي=مـا يسلـم الجانـي وقافيـه طــلاب
غديت لـه مثـل القضيـب وقضبنـي=طاوعت به مـا عـاد يحتـاج قضـاب
عنـق الغـزال اللـي بشوفـه صلبنـي=اللـي يقـود الريـم تلعـات الارقـاب
خلي علـى شـوك الهـراس استحبنـي=سحب الحضير الهمد من فوق الاطنـاب
إن كـان مجلـي الرهايـف غصبنـي=ماني فريـر إليـا بلـت بـأم غصـاب
قعـد يعمّـر فـي ضميـري ويبـنـي=عمّـر ودمّـر واستلـم ضبـة البـاب
حسبي على اللي عن عشيري حربنـي=لو كـان مـا ينفعـك كثـر التحسّـاب
أنا أنذر الجاهـل تـرى الـود غبنـي=قدام يـدرع فـي المشاكـل والأنشـاب [/poem]




وهذه قصيده اخرى تحكي عن الرفاقه وخلان الرخا كما يقولون




[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ياعنك ما كـل الرفاقـه رفاقـه=لو كان قالوا لك ترانا بنـي عـم
ترى الرفيق إلي يشيـل الوساقـه=وإن قلت ذا درب السنع قال لك تم
رفيقي الواقف على عظـم ساقـه=اللي يصوب الصوب قبـل أتكلـم
هذا الرفيق إلي بملـك الصداقـه=لو هو من الصيعر وهمام و وهـم
وإلا الردي يظهـر رداه ونفاقـه=ماله ضميـر ولا ملازيـم تلـزم
إن زاد ماله شـال كـل الحماقـه=وإن قل مالك حملك جملـة الهـم
العفن إذا أمّنته على السـر باقـه=مار إنتبه لا عـن خفايـاك يعلـم
أدنات ما خرب مزاجـه وعاقـه=يكفيك شوف العين والخافي أعظم
أبعد عنه مـا دام تقـوى فراقـه=تراه دايـم جمـع الأنـذال يهـزم
نـاسِ يحطـون الرذالـه عشاقـه=ولا حسبوا للطيب والمدح والـذم
يا عنك ما حطيت معهـم علاقـه=واللي قنص بالبـوم والتبـع ينـدم
البيت مـا يصلـح بليـا رواقـه=والثوب ما يصلح لباسه بـلا كـم
الرجـل تنفـع قومتـه وإنطلاقـه=يعطيك أشارات الوفاء في المقـدم
شوفه عزيز وشوفتك لـه شفاقـه=وإن جاك من ظيم الزمن ظيم ساهم
رفقت وفاء ما هي برفقت ملاقـه=قرماً لحـزات الصعوبـات سلـم
أوصيبه أهل الفهم وأهل الخذاقـه=وألا القلوب العمـي مـا تنتعلـم
ولأحدٍ ومن وقته عن الاصطفاقـه=كم وأحدٍ عقب الحلا جرع السـم
وكم وأحـدِ منهـا تثالـع فلاقـه=وكم من مبانـي شامخـاتٍ تهـدم
منها يجوز العبـد يطلـب عتاقـه=من من يحل الكود ويفـرج الهـم
يا رب مـا للعبـد قـدره وطاقـه=الا بفظلـك يالعظـيـم المعـظـم[/poem]

قصيده دره من الدرر النادره لشاعرنا الكبير

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
أنــــا ســــود الـلـيـالــي عـلـمـتـنـي=عـرفـنـا الـمـيـل مـنـهـا والـعـدالــي
مـشـيـت بـدربـهــا لــيــن تبـعـتـنـي=وجـربــت الــدهــر مــــرٍ وحــالــي
أعـامـلـهــا بـطــيــب وعـاكـسـتـنــي=مبـانـيـهـا عــلــى جــــرفٍ هـيـالــي
سنت حبـل الشدايـد فـوق متنـي=مثـل سنـي الرشـا فـوق المحالـي
خـذة لـبـس الجـمـال و وافقتـنـي=تـزيـن وأكمـلـت لـبـس الجمـالـي
أنــا أحسبـهـا صــدوق و وهقـتـنـي=وأثـرهـا كــل يـــوم إلـهــا عـيـالـي
مـن المّـي المغثـرب قــد سقتـنـي=ونــــوبٍ شـربـنــا صــــافٍ زلالـــــي
أنــــا كــــان الـلـيـالـي طـاوعـتـنـي=نزلـنـا فـــي الـطـويـلات الـعـوالـي
لاشك إن كان عن رايي عصتني=صــبــرنــا وأرتــكــانــا لـلـحـمـالــي
لحّـر الشمـس بالقـيـظ إحددتـنـي=لاشـــك الله فـزعـلــي بـالـضـلالـي
تحـسـب إنــي بـخـاف وهددتـنـي=وأنــا لــي خـالـقٍ يلـطـف بحـالـي
عــن الانــذال جـمـلـه حـذرتـنـي=تقـول عـن الـردى تلقـا البـدالـي
وعلى شخـوص القبايـل ودعتنـي=تقـول أحـرص بماضيـن الفعـالـي
أنـــا قـــد بعـتـهـا مــيــر أشـتـرتـنـي=ورضيت السوم يوم السـوق غالـي
وأبا أرخصها إن كـان أرخصتنـي=عـلـى أول ســوم لــو إنــه ريـالـي
أبــــا أسـبـقـهـا ولــكـــن سـبـقـتـنـي=خــذة عنـتـر وأبــو زيــد الـهـلالـي
وردت مـن المضامـي وأطردتنـي=سقتـنـي مــن غـزيـر الـجـم تـالــي
وفعلـت بهـا الجمـايـل وأنكرتـنـي=مــبــادي قـولــهــا يـــــا هـمــلالــي
مـن أهـل الغـي والمكـر نصرتنـي=وسمحت لها وزال الغيـض زالـي [/poem]

نصيحه من النصائح الجميله لشاعرنا الكبير

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ما كل من قال لك قـولٍ علـى صـح=كم كلمةٍ تهـرج علـى غيـر روحـي
ولا كل من تبدي له النصـح ينصـح=ولا كل من جاب النصيحـه نصوحـي
ولا اكل من تبذل لـه الجهـد يسمـح=ولا كل من يطري السموحه سموحـي
ولا كل مـن حـاول طريـقٍ بينجـح=كم مـرةٍ يصعـب عليـه النجوحـي
ولا كـل فايـت بالمعاليـق يـجـرح=بعض الفوايت منه تبـرى الجروحـي
ولا كل من يعرض على النفس يصلح=ولا كـل نفـسٍ للمعالـي طمـوحـي
ولا كل من حاول على الذبـح يذبـح=بـه ساعـةٍ يذبـح خطـاة الذبوحـي
ولا كـل شـرايٍ وبـيـاع يـربـح=كـم مـرةٍ عنـه المرابـح تزوحـي
ولا كـل مـداحٍ علـى الحـق يمـدح=ولا كـل وأحـد يستحـق المدوحـي
ولا كل من يقدر على الطـرح يطـرح=لابـد يظهـر للمطـارح طـروحـي
ولا كل منهو يشتهي المـزح يمـزح=ولا كـل مـزاحٍ يعـرف المـزوحـي
ولا كـل وأحـد للقـرابـات يـدمـح=وأنـا لـزلات الرفـاقـه دمـوحـي
ولا كـل صيـاد ٍلـيـا راد يـسـرح=يمكـن يفوتنـه قنـوصٍ سـروحـي
الصيـد عـن دربـه يولـي وينـزح=ويبقـى يطـرد لـه حمـامٍ بدوحـي
يرجع تقلبـه الهواجيـس مـا أمـرح=وأما الحمام بـروس دوحـه ينوحـي
ولا يكسب الطولات والمال مـن شـح=الموت مـا جنـب خطـاة الشحوحـي
كم واحـدٍ غـره سـرابٍ بصحصـح=سـراب قيـضٍ بالمهامـه يلـوحـي
كم واحدٍ فـي غبـت المـوج يسبـح=وقت العواصف مـا يفيـد السبوحـي
كم واحدٍ فـي غمـرة الجهـل يمـرح=سـود الليالـي يطوعـن المروحـي
الطيب واجد والـردى غيـره أرجـح=من كثر خلان الـردى بـه رجوحـي
وإن مال وقتك وإنهـزع لا توحـوح=لك خالـقٍ ينظـر و يقـدر ويوحـي
أصبـر ولابـد الموازيـن تـرجـح=الخيـر يقبـل والنـدامـه تـروحـي
لا بـد كـل إنـأٍ بمـا فيـه ينضـح=كـلٍ إنـاه بحسـب رايـه نضوحـي
قلته وأنا ما أحب أطـول ولا أشـرح=لو نكمل المعنـى تطـول الشروحـي
إيضاء وأنا من عرض من شاف وأفلح=بعض المكاسب مـا تجيبـه شبوحـي[/poem]

وهذه ايضاً نصيحه جعلها على الله في ميزان اعماله

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
بــديــت بـالـخــلاق قــبــل أتـكــلــم=أشـكـي عـلـيـه مصيـبـتـي وأستعـيـنـه
عـســاه يفـرجـهـا لـنــا فـــارج الــهــم=الــلي لــه المـخـلـوق يـرفــع يـديـنـه
إلــي عــن أســرار المخالـيـق يعـلـم=رب الـعـبــاد إلــــي حـبـالــه مـتـيـنـه
سامع دبيب النمـل بالليـل الأظلـم=المـقـتـدر مـجــري بـنــوح السفـيـنـه
إلــي يـطـوف بكعـبـتـه كـــل مـسـلـم=ويـفـرح لـيـا زار الـحــرم والمـديـنـه
وإلي تكل رزقه علـى النـاس ينـدم=أخــطــاء وضــيــع مـنـتـهـاه ويـقـيـنـه
النـاس مـا تنفعـك لـو هـم بنـي عـم=وصيـحـتـك قـــدام الأراذل غـبـيـنـه
كــم مــن صبـيـاً بالـمـراجـل تـقــدم=الـيــوم كـــل إلـــي فـعــل منكـريـنـه
حزام الرقيق إذا أرتخا كـل محـزم=تـجـاهـلـو فـعـلــه وهـــــم خـابـريـنــه
نـاسٍ تجـازي فاعـل الطيـب بالـذم=الله يــجــزاهــم بــفــرقــا الـضـعـيـنــه
بحـق أيـة الكرسـي وطـاهـا ومـريـم=وجاه الذي مـا يدخـل النـوم عينـه
أرزاقــنــا عــنــد الـعـظـيـم الـمـعـظـم=مـا هـي بمـن عنـد الوجيـه المتينـه
رب السمـاء رب الوطـا لا ومــر تــم=يــوم القـيـامـه قبـضـتـه فـــي يمـيـنـه
أحصى البحر والبر و أنشاء به أمـم=والـكـل مـنـهـم لـــه كـــلام ورطـيـنـه
رب الخـلـيـل إلـــي مـقـامـه بـزمــزم=اللــي بـنــا هـــاك الـركــون الأمـيـنـه
رب الفلق رب الصمد مجري الدم=اللـي جميـع الخـلـق بـيـن أصبعيـنـه
يـا خالـقٍ المولـود مـن نطفـه و دم=يــحــس بـالـهـرجـه وهــــو بربـعـيـنـه
رب العرب رب النصارى و الأعجم=جميـع مـا يشهـى البشـر هــو وميـنـه
يــا بـاسـطٍ بـالــدار خـيــرات ونّـعــم=يــــا عــالــمٍ بـالـســر زيــنـــه وشـيــنــه
سبحـان مـن بيـديـه الأرزاق تقـسـم=يـوصــل ويـقـطــع عـالـيــاتٍ يـديـنــه
يـــا رب عـيـسـى رب هـــارون وأدم=اللـي عـصـم يعـقـوب وأكـمـل يقيـنـه
رجـعـت لــه يـوسـف سـلـيـمٍ مـسّـلـم=من بعد ما أبيضت من الحزن عينه
يا مخرجٍ يونس مـن البحـر الأظلـم=من بطن حوتِ مـا درى عنـه وينـه
يـا مهلـكٍ مـن شيـت بالريـح واليـم=ويــا مـفـرقٍ فـرعـون مــع مشركـيـنـه
جتهم عصاء موسى حنيـشٍ لهـا فـم=وقضـت عـلـى سـحـرٍ لـهـم صانعيـنـه
وخـاب العنيـد إلـي بالأوهـام يزعـم=ومـن أعتـرف بالله رجـع لـه بحيـنـه
اللــي كـتـابـه فـــي شـمـالـه يـحـاكـم=ويـفـوز مــن صــار الـكـتـاب بيمـيـنـه
يـــا لله يـــا رب المـكـلـم و الأبـكــم=أنـت الــذي تعـلـم خـفـي الضغيـنـه
يــارب تغـفـر لــي ذنـوبــي وتـرحــم=جمـيـع مجـهـد فــي صـلاتـه وديـنـه
وختـام قولـي عـد مـن زار و أحـرم=صـلـوا عـلـى المبـعـوث ومجاوريـنـه [/poem]

قصيده موجهه للشيخ/حجر بن ناحل الحربي

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحه كني على الجمـر مسـدوح=آخذ من اهـل المعرفـه مشتورهـم
والقلب من كثر الهواجيس مجـروح=والربع عندي شاركوا فـي سهرهـم
غديت مثل اللي من الحمل مفـدوح=والا مناطـح سـربـةٍ ماقـدرهـم
كني من الهاجس غريقٍ على لـوح=من عرض اهل ساجٍ طبع في بحرهم
وارسلت من هو لي نصيحٍ وناصوح=ربـعٍ تصقـر والعـدو ماصقرهـم
عسى لهم بالسير صالـح ومصلـوح=لدار الكـرام اللـي بعيـدٍ ديرهـم
يلفون شيـخٍ بيـن الذكـر ممـدوح=هو(حجر ابن ناحل)نهاية سفرهـم
حجر اللذي في مطلب الجود مشفوح=ارجي عسى حجر المسمى عذرهـم
ذخر آل ناحل قدمه الدرب مبـروح=اثنوا عليه بوردهـم مـع صدرهـم
ياطروش تلفون(السوالم ومسـروح)=ودوا مكاتيبـي وهاتـوا خبـرهـم
الدرب عنهم مايجـي فيـه سامـوح=من قـو همتهـم ورفعـة نظرهـم
لاجيتهم صدرك على الطول مشروح=كرام الوجيه اللي تناديـي سفرهـم
تلقى لضيان الوفاء عندهـم ضـوح=ويتابعـون الجيـل الاول بأثـرهـم
جيلٍ جعل درب المـودات مفتـوح=يوم الجموع اللـي تلامـع شهرهـم
جيلٍ دفع دون الخوي غالي الـروح=وحمى الخويه سيـرةٍ مـن سيرهـم
الوجه حقـه عندهـم مابـه مـزوح=افطن لربع(نويشي)اللـي دمرهـم
في واحدٍ من ساير النـاس مذبـوح=سبعة رجـالٍ غيبـوا فـي حفرهـم
وفعل (الذويبي)بالتواريـخ ملمـوح=يوم اغبرت شهب السنين وجهرهـم
وقتٍ يخلي قاسي الـرأس مطـروح=وطى زعانيـف الرجـال وقهرهـم
وقف لها(حجرف)على عالي الصوح=وخسر الحـلال ولابتـه ماخسرهـم
قدم كبيرات المثانـي علـى الفـوح=واطعم بها الشيبـان حـزة كبرهـم
لين اصبحت شداتهم عذر وامـزوح=ولان الزمان اللي من اول عسرهـم
على العدو سمٍ سقطـري وذرنـوح=وبالجود والمعـروف كـلٍ شكرهـم
للصاحب احلى من قـراحٍ بلحلـوح=ويضفي على الجمع المعادي خطرهم
مني عـدد مانـاح ورقٍ علـى دوح=بيضاء تعم شيوخهـم مـع جبرهـم[/poem]

وله من الدرر الثمينه هذه القصيده

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
قـال الـذي بالقـول يذكـر مـا طـرى=يختـار لـه معنـى مثـل لـقـط المـحـار
يقول في حسـب التجـارب مـا يـرى=الفـرق بيـن الطـايـلات عــن القـصـار
إلـي بتجـريـب الـدهـر بــاع وشــرى=التبـر مـا يوصـف علـى صـم الحجـار
النـاس مـن غيـري صيـارف وخبـرى=لا شـك أنـا بذكـر مـن الواقـع قــرار
أنـا لقـيـت الـهـون والطـيـب قـصـرى=مير إن بعض الناس ما يبغى الخيـار
يا بعد ضلع كميت عن طلعـة كـرى=الـفـرق بـيّـن مـثـل لـيـلٍ عـــن نـهــار
يــومٍ بـعـض الـنــاس حـــي ولا درى=ما يفهـم الحاضـر ولا إلـي قبـل صـار
ما يخبـرك عـن وقتـه إلـي قـد جـرى=يرجع ورى والوقت في مجراه مـار
يشبـه لـمـن بالليـلـة الظلـمـى ســرى=مـعـبـرٍ وقـتــه عــلــى عــيــش الــدبــار
أنـا أعـرف الرجـال لـو هـو مـا قـرى=أعـرف عنـه لــو كــان بـأسـمٍ مستـعـار
اللــي يخـلـي المرجـلـه قـصـده زرى=الـنـاس تقـبـل مـنــه تـقـديـم الـعــذار
أما الذي يضرب على الشين جهرى=أحـذرك عــن درب شــرواه الـحـذار
عسـى شـجـرةٍ مــا يحـصـل بــه ذرى=تقطـع ولا يبـقـاء لـهـا حـتـى الـمـدار
يـا رجـل ويـن المعرفـه ياهـل تــرى=ترضـى بعـد هـاك المراقـي بأنحـدار
أنـا أعـرف إن النـاس للنـاس نظـرى=لاشـك ضنـي فـي كثيـر النـاس حـار
يالله يــاعــلام مــــا تــحـــت الــثـــرى=وبالليل تسمع مشيت النمـل الصغـار
تفزع لمن هـو للفـزع منـك أحتـرى=فــي يــوم مــا تـفـزع يميـنـي لليـسـار
الـرجــل مـــا بـيـنـه وبـيــن الله ذرى=سـبـحـان عـلــم الـسـرايــر والأجــهــار
وحــده وهــو مـالـه شـريـكٍ و وزرى=خالـق جميـع الخلـق قبـاض العمـار [/poem]

وإليكم عقده من جواهر الحكم العديمه

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
مــا كــل مــن قـــال المـثـايـل فعـلـهـا=ولا كـل مـن شـال التفـق صـار تـفـاق
ولا تنبدي الشكـوى علـى غيـر أهلهـا=ولا ينـزرع زرعٍ عـلـى شــال مـطـراق
ولا كـــل مـــن عــمــر بــيــوتٍ نـزلـهــا=ولا كـل طـيـرٍ لأبــرق الـريـش لـحـاق
ولا كــل مــن هــام المـراجـل فتـلـهـا=ولا كـل مـن شـد الدركسـون ســواق
وجـبـالـهــا مــاهـــي بـتـشـبــه سـهـلـهــا=ولا كـــل سـيــفٍ بالمحـاظـيـر فــتــاق
ولا تـسـتـوي عقـبـانـهـا مــــع حـجـلـهـا=ولا كل رجـالٍ علـى الطيـب مشفـاق
وشخـوص القبايـل مـا تسـاوي سفلـهـا=ما بين جمـع صفوفهـم شـت وأفـراق
ولا يشـبـع الحنـضـل لـصـافـي عسـلـهـا=والرمث ما يصلح على الهجن معلاق
والـذيـب مــا يصـلـح يـخــاوي ثعـلـهـا=ولا كل من يحكي لك القيل صداق
ولأحـدٍ يمـيـت النـفـس قــدام أجلـهـا=نفس الفتى والرزق فـي كـف خـلاق
والـنــاس دايـــم مـــا تـخـلـي جـدلـهـا=والكـامـل الله والـمـراجـل بـالأوفــاق
دنـيــاك مـــا يـدريـبـهـا إلــــي جـهـلـهـا=واللـــي مـجـربـهـا لــلأمــرار قــــد ذاق
دايــم عـلـى العـربـان يــدرج عجلـهـا=مــــرٍ عــــدال ومــــر فـيـهــا تـصـلـفــاق
والـنــفــس عـالـجـهــا بــحـــزة زعـلــهــا=بصبرٍ على الشـده وتحسيـن الأخـلاق
وأطلـب مـن المعـبـود يصـلـح عملـهـا=فــي سـاعـةٍ لألتـفـت الـسـاق بـالـسـاق
وصــــلاة ربــــي عــــد مـأمــطــر هللها=عــلــى نـبـيــاً عـــــد مـــــا لاح بـــــراق [/poem]

هذه قصيده يوصي بها اخيه معيض بن شجاع الشدادي رحمهم الله جميعاً

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يا معيض ابا اهديك النصيحة واودعك=اسمـع كلامـي كـان قلبـك تكانـه
حاذور خـلان الرخـاء لا تضيعـك=والرجل يفطن في مشـورة اخوانـه
إن قلت لك هرج ٍ ترى الناس تسمعك=ترى الرجل يا معيض قفلـه لسانـه
لا تتبـع الخايـب لـو أنـه يتابعـك=يطرحك من مرقـا العـلا للطمانـه
وإليا جهلت الناس طالـع باصابعـك=والفرق بين الحـر والحـدر جانـه
انزل بمنزال عـن الهـون يرفعـك=جاك الخبر والهـرج يكفـي بيانـه
أبوك من خالك عـن الجـد ناعتـك=والعـود ينبـت فـي محلـه مكانـه
وأليا ترديت العـرب مـا تطاوعـك=ويوصفونك مثـل عشـب الدحانـه
الله على الـدرب الموافـق يسنعـك=علـى طريـق المرجلـة والديانـه [/poem]

هذه القصيده موجهه للشاعر الكبير/نمر بن صنت الحافي العتيبي رحمهم الله جميعاً

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يا نمر يـوم أنـك للأمثـال دليـت=وأخذيت من زين القصيد الحـلاوي
عـز الله أنـك مـن مبيعـه تنقيـت=أبيـات يصلـح عدهـا للمـهـاوي
سبقتنا يـا نمـر وش عـاد خليت=حنا بعيـد ولا وصلنـا الحـراوي
قدامنـا تختـار بيـت ٍ ورى بيـت=نقيتهـا نقـي الشطيـر القـصـاوي
وعالجت في وصف المحبين وأبريت=وأخذت من معنى الطبيب المـداوي
وذبحت لك ناس ٍ مشافيـق وأحييـت=وأحميت في بعض القلوي المكـاوي
يا نمر لو جت لي على الكيف سجيت=لا شـك مـا تنفـع كثيـر المنـاوي
أنا لو أنـي داخـل السـوق طبيـت=أن كان لي يا نمـر مثلـك بـراوي
يا نمر خف وأرجع لربك ليا أخطيت=خذ راي من يعطيك شـوره شفـاوي
ذكرتني شـي ٍ بعـد مـا تشاويـت=القحويـان اللـي بحـد المـطـاوي
رجعتني مع جرتي عقب ما أقفيـت=أنـا بصنعـاء والهـوى بالصـداوي
أودعتني مالي جـدى كـود ياليـت=رمح الهوى في بسرة القلب هـاوي
وأسلم ودم بالخير يا طيـب الصيـت=وأوصل سلامـي طيبيـن الهقـاوي [/poem]

وهذه ايضاً نصيحه جعلها الله في ميزان اعماله

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
بغيت أنصح رفيقي للمواقف والنصيحة ذوق=يجنب واحد ٍ مالـه جمـل عنـده ولا ناقـه
ترى من يطلب الحقين للعالم عليـه حقـوق=وترى العربان لو طال المدى للحـق لحّاقـه
ردي العرف صدره ما يخليه الزعل والضوق=ولو طابت سنينه بالرخا ما طابـت أشواقـه
عجايب كيف معتق ما يبرق في خطا معتوق=تحاموا وأصبحوا قدم الملا بالشيـن سبّاقـه
لقينا بابهم مـن يـم بيبـان السنـع مغلـوق=يخلون السنع والشيـن جايينـه علـى فاقـه
تعبنا مع رجال ٍ ما تعرف العذب والمطروق=يضيع الطيب معهم والردى مرغوب وشفاقه [/poem]

هذه القصيدة للشاعر عايض بن شجاع الشدادي يوصي بها أخوه معيض بن شجاع رحمهم الله جميعاً:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يامعيض أنا بوصيـك منـي وداعـه=وصاة من خاطب زمانـه بتجـروب
أعنـز علـى ربـك بعـزم وبتاعـه=أقبل عليـه وجنـب النـاس بالنـوب
هو الطمـع كانـك تريـد الطماعـه=وهو الـذي فـرج للقمـان وأيـوب
حاذور عن درب الـرداء والقطاعـه=قبل الدهر يأخذ لـك اللبـس مقلـوب
أوصيـك لا تتبـع خطَـات التباعـه=وألا السفيه اللي من العقـل مسلـوب
المجـرم أبعـد عـن بـلاده وقاعـه=تبا المكاسب والطمع وأنت مكسـوب
من طابع الخايب كسب مـن طباعـه=وأحذر ترى النمات والكذب عـذروب
تـرى القمـر بيّـن يدلـك شعاعـه=شخوص الرجال إلها طواريق ودروب
والوقـت لا يشغلـك كثـرة نزاعـه=مالك ومال الخلق طالـب ومطلـوب
ومن طاب مفعوله يطيـب إستماعـه=ترى الذي يجري على العبد محسوب
وترى الـردى سهـلٍ تنالـه بساعـه=وألا الظفر دونه معاريـظ وصعـوب
وأحذر ترى الأنـذال عـدوان قاعـه=قربك لهم مثل الدنس يطبـع الثـوب
والرجـل يعـرف منطقـه وإندفاعـه=فعل الجميل ويحتمـي كـل ماجـوب
رجلٍ علـى البتعـه طويـلٍ ذراعـه=ما ينثني في صوب والعز في صوب
ورجلٍ معه مـالٍ سـوات الوداعـه=لو كثر ماله عايـشٍ عيشـة الـدوب
ورجلٍ بـلا ربـع ٍ شقيـن رعاعـه=لو كان يركض دايم الـدوم مغلـوب
الله يوفقـنـا الـهـداء والقـنـاعـه=الدهر له حـلال والـرزق مكتـوب
وصلوا على المختـار راع الشفاعـه=إعداد ما ذعذع مـن الريـح دالـوب [/poem]

هذه القصيدة للشاعر عايض بن شجاع بن سالم الشدادي رحمه الله

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
سمحنا منك يالصاحب سمحنا=خلصنا منك مخلاصٍ وكـادي
عن الأنذال بالعشـره طمحنـا=معلم تايـه الخبـلان غـادي
نصحنا العفن كم مره نصحنـا=ولكن لا حيـاة لمـن تنـادي
بدرب المرجله قمنـا وطحنـا=على ما قال الاول بأجتهـادي
خسرنا بالرجاجيـل وربحنـا=لقينـا النـار تاليهـا رمـادي
يضيع المزح لو إنـا مزحنـا=يزيـدون مغداهـم بالعنـادي
تعلمنـا التجاريـب ونجحنـا=أخذنا مع هل الخبره مبـادي
مشينا البر والبحـر وسبحنـا=سبحنا فالبحور بـلا عتـادي
هل التقدير والمعروف نحنـا=ليا من ضيعه خطوا الربـادي
ليا لزمة بنا اللزمـه نطحنـا=بالأنفس دون واجبنـا نفـادي
مع الطيب على طيبه صلحنـا=كما إن الطيب له طرقٍ جدادي
مسكنا درب الأمجاد وسرحنا=ودرب المجد مرقابه سنـادي
إشغلنا بالمعانـي و إتضحنـا=عرفنا فرق خطلان الايـادي [/poem]

المساجلة بين الشاعر عايض بن شجاع الشدادي رحمه الله وصديقه الشاعر ناصر بن بليهيد

يقول عايض بن شجاع:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
ياهل الونيت إللي تنـوون للجـوف=تريضـوا يـا طيبيـن الحظوظـي
وإليا كتبت مسطر الحبـر بـزروف=تيسروا جعـل النديـب محفوظـي
حقي عليكم ياهل الجـود معـروف=خطٍ خفيفٍ وصلـوه أخـو موظـي
ثم أرشدوا في جيرة الله عن الخوف=اللي تصلى لـه جميـع الفروظـي
مير الوكاد إليـا لفيتوهـم ظيـوف=لزم إنكـم تلقـون فعـلٍ عروظـي
أول يباشركـم تراحيـب وحلـوف=ومقابـلٍ عقـب المسافـه يعوظـي
في مجلسٍ دافي وبالقيـض نفنـوف=قـدم الغـداء يعدالكـم بمعروظـي
راعيه في نطح المواجيب مشعـوف=لـو كـان تثنيـه الليالـي ينوظـي
قرمٍ يساوي مشترى المجد بأولـوف=إن كان مأدرك شي ياخـذ قروظـي
كنه من الحاكم على حد مصـروف=ولاهوب من كثر الخساره جظوظي
أنا أعرف أهل المجد في رفقهم نوف=لاجو بصفـك ينهظونـك نهوظـي
والناس ماني عن بعضهـا بمكلـوف=عيني عن أنذال القبايـل غظوظـي [/poem]

فرد عليه الشاعر ناصر بن بليهيد يقول:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يا مرحبا ترحيبة البـدو بالشـوف=شوف السحاب إللي مباديه توظـي
بأهل الونيت إلي لفوني بمظـروف=في داخله تعبيـر قلـبٍ حفوظـي
الرفقه إللي مالهـا غيـر ملفـوف=رفقت وفاء ما يعترظهـا عروظـي
لأبن شجاع إللي على الطيب مألوف=ما تخلفه شهب السنيـن العظوظـي
يمنى وقلب وطيب منطق ومعروف=وين الرفيق إللي بعايـض يعوظـي [/poem]

والقصيده اطول من ذلك وسنجدها قريباً


هذه القصيدة للشاعر عايض بن شجاع بن سالم الشدادي رحمه الله:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
أنا مالي مع الأنـذال لا سمـعٍ ولا طاعـه=مدام إن المراجل تنوجد ماني لهـم سمـاع
أزاويلٍ يغرونك خواتمهـم علـى الضاعـه=متاهه والمتاهه من يروح مع المتاهه ضـاع
تغرك رفقة الخايـب ولا ينفعـك مفزاعـه=خساره كيف ترجي الفزعات من قصير الباع
رجالٍ ينكرون العرف والمعروف في ساعه=تبعد عن طرفهم كان عندك للمراجـل نـاع
يغرونـك ويرمونـك ببيـرٍ مالهـا قـاعـه=يحبون الطمان ولا لهم في الطيبات أسنـاع
إذا سويت طيبٍ من رداهم نقصـوا صاعـه=وهم عند الأمور الخاطيات يكملون الصـاع
إذا شان الوطن خل الدجن يبقـى لزراعـه=ولا تصبر على دار المهونه والدروب وساع
أنا أعرف الرجال إللي بهم معروف وطماعه=أنا معهم على سلم الوفاء والمرجله مطـواع
ليا منك زبنت أزبن جبال طويـق وأفراعـه=ولا تركي على جالٍ هيالٍ ينهدم فـي سـاع
عيال العاهل إللي عزهم ربي على الطاعـه=بنوا سور الجزيره والعرب صاروا لهم تباع
مقر المجد كامـل شيـدوا مبنـاه وشراعـه=يثنـون العنيـد المعتـدي بمصقـلٍ قطّـاع
كلام ٍ يوم أقوله عـارفٍ وزنـه ومطلاعـه=غشيم إللي دخل له مع طريقٍ ما معه مطلاع [/poem]

هذه القصيدة للشاعر المعروف بدر الحويفي الحربي مرسلهل لصديقه الشاعر عايض بن شجاع الشدادي

رحمه الله:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
سلام من دافع وفـاء قلـب ولسـان=ياللي كسبت الطيـب طبـع وهيبـه
ياللـي محلـك للمشاكيـل ديــوان=ما يدهلـه غيـر الرجـال الأديبـه
ولك مع رجال العرف منهج وميدان=ومن لا تبنـا المرجلـه مـا دريبـه
يا بن شجاع اللي على بدر شرهـان=تسـمـع المـعـذار وش يبتديـبـه
والله ما صديـت جفـوا وهجـران=ولاني بمن يسهج صداقـة صحيبـه
سبة غيابـي يعلمـه عالـي الشـان=عـلام مكنـون الضمايـر وغيـبـه
اللي حصلي لو بغيت اجحـده بـان=شـئ يشـاف وش مـا يندريـبـه
شفت الحليف اللي معاصر حميـدان=وابن جعيثـن شـاف منـه الغليبـه
اللي يخلـي وافـي البـاع جابـان=لو هو رجل في كـل حـال تعديبـه
لا عاكسه راحـت مساعيـه مجـان=وحده على التقصير لو مـا رضيبـه
اشوف له في بعض الأشخاص نيشان=وليا قصر شبح الفتـى بـان عيبـه
يرسل عليه من السلاطيـن سلطـان=فـض غليـض وقاسـي يندعيـبـه
يفتح على وضـع المحاويـج بيبـان=وما حل بأحوال الفتى مـن نصيبـه
ماله عن المقسـوم ملجـا ومزبـان=إلا علـى رب الخلايـق حسيـبـه
لو ضاق صدر اللي مباريه كسـلان=يرضى القدر برضـاه والا غصيبـه
يا ما ويا ما مـن طويليـن الأيمـان=اللي لهـم بالطيـب طبـع وذهيبـه
اللي ليا من الـردي خاطـره شـان=يـذري ذراهـم بالليـال الصعيبـه
ولهم على الجودا مواريـث جـدان=والرجل من طيب المجاذيـب طيبـه
والرزق عند اللي ليا قال كـن كـان=ولا خـلـقٍ الا خالـقـه معتنيـبـه
هذي ظروفي يـا سلايـل كحيـلان=اشـوم للجـال المـلاوح واهيـبـه
وانته رجل عقلـك دليلـك وميـزان=والعارفـه راع النـظـر يقتديـبـه
اشرح لك المعذار من قلـب ولهـان=ولا مقصدي تردف لخطـي نجيبـه
لو كان صدرك يدحـم فيـه بركـان=وعليك مـا فتـل المعانـي صعيبـه
ولك بالجواب الزين مقدور وامكـان=وطرايـف عنـد النشامـا عجيـبـه
وعندي مناظيمك جواهـر ومرجـان=وبحـرك سبـاح البحـور يغديبـه
غبة بحر ما انته ضحاضيح غـدران=لا خضـة السبـاح طلـع سريـبـه
ساني ومسني يـا السنافـي بليهـان=ومسن من عرض الجمـال المنيبـه
حكمي على عرفي ولانيب غلطـان=انك حملـت مـن المعرفـه حقيبـه
ولا قول ماغيرك من الناس فهمـان=كم شاعـرٍ ينقـض معانـي لعيبـه
والشعر مبني لـه قواعـد وسيسـان=ماهوب هـرج مـن بغـاه يهذيبـه
الشعر فقـد ونقـد معنـى ومليـان=مثل الهدف ماكـل رامـي يصيبـه
ماهوب كثر وقـل تلفيـق والحـان=تفـرق معانيـه العـقـول اللبيـبـه
قـد قالهـا حـام الونيـات راكـان=القيل يكفـي عـن كثيـره مصيبـه
الفرق بالمعقـول والـزود نقصـان=وغيب الضماير مطلـع بـه رقيبـه
قلتـه مثـل والا فـلانـي بـديـان=ولا ضاع حق ليـا ادعيـت ادعيبـه
مالي هدف قلت المثايل علـى شـان=اقنع صديقٍ شـاف طـول المغيبـه
حيث الثقه بيني وبينـه لهـا اركـان=على نقـا واخـلاص مافيـه ريبـه
لو لا الثقه ماصاروا الناس صدقـان=ولا صارت الـدار البعيـده قريبـه
تمت وصلى الله على نسـل عدنـان=نبيـنـا الـلـي دينـنـا يهتديـبـه [/poem]





بسم الله الرحمن الرحيم

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
البارحه ما طبـق الجفـن سهـران=وعيني غدت للنوم مثـل الحريبـه
ماهو زعل لا شك راضي ومشتـان=أفرح بمرسـول الرجـال الرتيبـه
قول الأديب اللي يطـري حميـدان=اللي لنـا جـاب الرسالـه نجيبـه
يا مرحبا ترحيب مشفـق لشفقـان=مرسـال بيطـار القوافـي طبيبـه
عداد ما يمطـر علـى القـاع ودان=ومازاف نبت بالفيـاض الخصيبـه
بمرسول من صاغ القوافي با الإتقان=اختار من زيـن الزهـور الذويبـه
عن طلعة المرقاب ماهوب عجزان=وافـي ويستافـي ويوفـي طليبـه
يرسي كما يرسي على القاع عرنان=حيث الجبـل ماكـل شـئ يجيبـه
يا بدر انا في سابق الوقت شرهـان=وعادتك تشتـال الحمـول التعيبـه
اشره على مثلك واسامح ليـا بـان=عـذر صحيـحٍ واضـحٍ نكتفيـبـه
والا الردي لو هف هفـة قهيـدان=اللـي عتابـه للـردي مـا يثيبـه
ماني من اللي يدخله شـك رغبـان=ومنحا شعيبي مقفـي عـن شعيبـه
ما نتخذ من هاك الأجناس صحبـان=ولا بيع في سوق الردى واشتريبـه
أنا مع الطيب على مـر الأزمـان=شـرواك مـن للطايـلات نغزيبـه
هذا وانا لـه كـل الايـام منـدان=راع الوفاء لـه واجـبٍ ينجزيبـه
حيث ان له في صفحة المجد عنوان=حـرٍ مربّـه نايـفـات الجذيـبـه
يا بدر منك الذنب يجـزا بغفـران=والعذر يقبـل منـك قبـل تحكيبـه
ياجب يجازى راع الإحسان بحسان=ومبنى الصداقه ما يجوز إتخريبـه
ما يختفي يا بدر عن علم الإنسـان=الله عن المنصاب يجلـى المصيبـه
هـو الـذي للعبـد حنـان مـنـان=اللي صغار النمـل يسمـع دبيبـه
سبحان رفـاع السمـوات سبحـان=منجي العباد مـن الليـال الرهيبـه
نرجي منه يا بدر رحمه وسمحـان=في وقت ساعاتٍ شـداد وعصيبـه
والا طويل الوقت لـو زان خـوان=سقي المراره عقب صافـي حليبـه
تلـون الدنيـا علـى عـدة ألـوان=وتبـدل المشـي الهويـن بهذيبـه
كفاك ربي شرها يـا بـو سلمـان=وشر المصايب والوجيه الغضيبـه
الله يكافينـا سبـب كـل شيـطـان=نستعصـم الله بالحبـال القطيـبـه
يا بدر ما انتـه للتماثيـل جوعـان=ليا جيت بالمرمى كسرت الضريبـه
لاشـك خطـك مانخليـه مـجـان=مـردود مكتـوب الوفـي نشتقيبـه
نبـي ليـا جـا للرياجيـل ديـوان=وقتٍ بـه المذهـب يـدوّر ذهيبـه
صار المجال وقالوا فـلان وفـلان=وسالوا عن امثال الرجال العجيبـه
تظهر طرايف عند ذربيـن الأيمـان=مثـل المثـل راع النظـر يقتديبـه
يا بعد فرق الفجر عن ضوح فجران=والبدر في وقت الدجـى ينسريبـه
يا بدر سامحني ترى الفكـر تعبـان=فـلاح زرع مـا يفاخـت ركيبـه
بلشت بالعمال صاحـي ومرضـان=واصبح عزيبي مقفيٍ عـن عزيبـه
الشعر عنـي راحـلٍ يـم نجـران=حتى الذي تطريـه هـو والحقيبـه
لاشك سامحني ليا صـار نقصـان=الموجب ان الشعـر كلـش يعيبـه
يوم انت من ربعٍ على الخيل ظفران=مجرب من روس حـرب الحريبـه
من لابةٍ بالكون تروي شبـا الـزان=سقم المعادي فـي نهـار الحطيبـه
هذا ومن عندي لمـا قلـت ختمـان=ما غرد القمـري بـراس العسيبـه
على نبي خصه الله بـا الإحسـان=نبينـا اللـي بالـهـدى نقتديـبـه [/poem]

هذه القصيدة من روائع الشاعر عايض بن شجاع الشدادي رحمه الله:

[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يالربع انا ما اشـوف للشـور قيمـه=لا صار ما قدمـك امقابـل وسمـاع
نـاس ٍ تحـد نفوسـهـا للهزيـمـه=ويجمعـون الهـرج بالمـد والصـاع
أن جيـت تنصـح بالسلـوم القديمـه=راحو على حد السماء وانـت بالقـاع
الشـور يصلـح للرجـال الفهيـمـه=اللي لهم بالجـود مدخـل ومطـلاع
اهـل المراجـل والوفـا والعزيمـه=شخوص الرجال اللي يعرفون الاسناع
رجال ياخـذ حقتـه مـن خصيمـه=بأحسن كلام ٍ ماحصل زجر ونـزاع
ورجـال مايفهـم سـوات البهيـمـه=واليـا هديتـه للدوالـيـل مـاطـاع
الا تـجـره بالـرسـن والشكيـمـه=(مثل الحصان اللي يقديـه مصـراع)
ياعـزتـي لـلـي ردي ٍ نـديـمـه=وهرج السنع عنده مثل ضايع ٍ ضـاع
أن طبت كنـك فاعـل ٍ بـه جريمـه=تقول له مخلـص وياصفـك خـداع
تعطيه هرجة ناصحن مـن صميمـه=ورده عليك امن الزعل طق الاصبـاع
ما ينفـع القلـب المريـض أتعليمـه=وقدوة بن آدم كلهـا بيـن الاضـلاع [/poem]

[الدَعْجَانِـيـْةِ]

يعطيك العافية أخوي



سطام الجياشي


ورحم الله الشاعر وغفر له


[overline]ينقل للقسم المناسب [/overline]


سلمت ودمت

لاهنت

.

[سطام الجياشي]

مشكوره اختي الدعجانيه ومرورك شرف