قــصيدة الــثوري

[القوبع العضياني]

يـسعدني أن اقدم لكم هذه القصيده الرائعه للشاعر عبدالرحمن بن حمود بن محمد بن شريان الثوري السبيعي التي القاها وقام بحداه امام شيخ مزحم الشيخ بدر بن نايف الظيط في مخيم العضيان على هامش ملتقى الهيلا

[poem=font="Simplified Arabic,5,black,bold,normal" bkcolor="transparent" bkimage="" border="solid,4,darkblue" type=0 line=0 align=center use=ex num="0,black"]
لمزاين البل واهلها جيت طرباني = واشارك عتيبه الهيلا تلاقيها
في ملتقى روقٍ وبرقا جمع عتباني = وشيوخ برقا وروق ونعم اساميها
دامو بصف القبيله باول وثاني = بالعزم والدعم الاقصى من مخابيها
يضرب بالامثال مبنى كل صيواني = وتفاهم اعضاء القبيله في تراضيها
مابه حزازات بين فلان وفلاني = قبيلة العز والرحمان هاديها
واخص بمشاركة في حفل عضياني = يانعم بالاد عاضي وبعزاويها
العزوه اللي ترجح كل ميزاني = قوم الوفا والشجاعه في مغازيها
معروفةٍ باسمها في ماضي الازماني = بقيادة الضيط فاولها وتاليها
في مجتمعهم بديت بنظم الالحاني = يامن يشارك لصوتي يوم اغنيها
والقاف مبداه زين وتو ما زاني = في حفلة شيوخ مافي نجد غاويها
في حفلة الضيط مع بدر وصنيتاني = والسيف عمهوج ورثه بين اياديها
ورث السعد في يدين طيور حوراني = وافعاليه مسجله مافيه ناسيها
معروف بالفعل مع دربين الايماني = في غزوة الترك ضربه في علابيها
والجمع قدام شالح فالهم شاني = والباقي الاد روق الشلف ترويها
لين انهزم جمعهم من دمه الحاني = والجيش دم العجم يغرف مواطيها
ومن الجثايا تعشى الذيب سرحاني = ونسور حسله والاخرى مع حناديها
مابين واد الجرير وشعب عضياني = مواقع المعركه باقوال راويها
هجادها مبتدي والنور ماباني = وصباحها ليل من عجة سماريها
من عجة الخيل قدم سهاف الارساني = اللي على كورها واللي يباريها
من دون الادباش والاعراض شجعاني = في سوق مابين بايعها وشاريها
افعالهم تجعل الشبان شيباني = الاد مزحم عريباتن مجانيها
افعال وضح النقى في كل ميداني = اعد موجز والاخرى مقدر احصيها
واليوم حكم السعودي عم الاوطاني = بالامن للحضر والبدو بتساويها
والحكم بيدين عبدالله وسلطاني = اعيال من وحد التوله ومرسيها
في ظلهم شعب واحد ربع واخواني = والزعزعه تبت ايدي من سعى فيها
منبوذ في المجتمع مامعه برهاني = شرذمة الشر والشيطان مغويها
يقولها شاعرن من صلب سبعاني = من عزوة ماتروخر دون عانيها
واشارك اغلى العواني والعمر فاني = ومع العنوه صميم القلب يغليها
لخاوةٍ بين جدانه وجداني = وسلوم الاجداد والله مانخليها
اخاوت الضيط ما تعطى بالاثماني = نعم الاخاوه ونعم براس راعيها
وانا لحسب العنوه جيتكم عاني = وامثل سبيع قاصيها ودانيها
والاصل ثوري واعد الصدق بلساني = واشارك اخواني الفرحه واهنيها
والمعذره كان جاء في القول نقصاني = واختامها بالسلام اختم مباديها
على رسول الهدى من نسل عدناني = صلو على المصطفى يامستمع فيها[/poem]

[عبدالله السبيعي]

بيض الله وجهك على ابراز القصيده الرائعه

[ناصر بن سعدي]

سلمت يمينك يالقوبع ..

والله يعيد أيام ملتقى الهيلا ,,

ويستاهلون عتيبة والعضيان والضيط ..

وصح لسان الشاعر / عبدالرحمن بن حمود بن محمد بن شريان الثوري السبيعي

ونعم بـ سبيع مدلة الغريب ..

[مرشدي]

مسااااا الخير جميعااااا
تكفون ياعتيبه عامه ويالعضيان خاصه ابي قصيدة السبيعي في الضيط فيديو تكفون ترى تكفى تهز الرياجل لولا امي تبيها ماقلت تكفون الفزززززززززززعه الفززززززززززعه

[سداوية قطر]

صح لسان الشاعر

تقبل مروري

[مرشدي]

ياعتيبه وينكم مافزعتو وتبيها تكفوووووووووووووووون تكفووووووووووون ياخوالي العضيان
وخااااااااااصه يالقوبع انا طالبكيها ابي احقق حلم امي

[برقآآآآوي]

مشـــــكور على النقل يابعدي

لاهنت عليها

اما بالنسبهـ لكـ يالمرشدي
لو انهـا عندي مابخلــتـ عليكـ


رآآآآقت لي \برقآآآآآوي