العتيبي يرثي صديقه البقمي

[محمد بن دغيم السميري]

بسم الله الرحمن الرحيم

قصيدة للشاعر : ماطر بن سعيد العتيبي .
يرثي فيها صديقه فهد بن مطرالحطيم السمي البقمي
رحمه الله وقد حزن لفقده الشاعر ماطر حزناً شديداً وقال:هذه القصيده..ً

[poem=font="simplified arabic,6,black,bold,normal" bkcolor="transparent" bkimage="" border="double,10,blue" type=2 line=0 align=center use=ex num="0,black""]
بذكر الله المعبود قول الشعر نبداه=عظيم الجلال مكون الكون نبديبه
انا مؤمن بالقدر واللي كتب نرضاه=اخذ ربي اغلا شي عندي وراضيبه
ابا اصبر على ماصار لو الصبر ما اقواه=صعيبه صعيبه موتة الغالي اصعيبه
صديق العمر لو عشت طول الدهر منساه=حرامٍ علي انساه لو طالت الغيبه
ابا اعيش باق العمر عايش على ذكراه= فقيد الرجال اهل الوفاء بقوم وعتيبه
فقيد الرجال اهل الوفاء اللي رفيع الجاه=من طيبه تقدره القبيله واجانيبه
يحل المشاكل كم من مشكلٍ وانهاه=ليا قام في موضوع يدرك مطاليبه
كريم اليمين الي تحط الشحم يمناه= مع زين القبول اللي تسرك تراحيبه
يهلي بمن جاله ويفرح بمن ينصاه=ليا جاله اللافي يفز ويهلي به
من الربعه اللي كلهم في الكرم حلياه=بقوم السعد والضيف توفي مواجيبه
دليله لعكفان الشوارب ماضل وتاه= يورد عدودٍ دونها الخوف والهيبه
ليا قادها تسري الدلايل على مسراه= يقطعهم الفرجه ودارٍ عوى ذيبه
نواس الخلا اللي ياصل الصيد في مرباه=بزين السلاح اللي عطيبه مضاريبه
لو ان البحر دونه ماهمه خطورة ماه=ماب البحر في ظلمة الليل يسريبه
يحفظ العيار ولو مازان له مرماه=سريع الولام ويرمي الصيد ويصيبه
يالو لحق عصر الجاهليه ياويل اعداه=كتب عنه فالتاريخ والناس تحكيبه
حكيم وشجيع والشجاعه من ورث آباه=يقود الجموع ويكسب الكسب ويجيبه
آلآ وا وجودي ياصديقي آلآ وجداه=اخوي الصحيح وسيفي اللي أماريبه
اخذنا يجي عشرين عامٍ انا ويّاه=تقول انها يومين او اقل من طيبه
وياكثر مافيّه من الحزن من فرقاه=فراقٍ على قلبي توقّد لواهيبه
سكن في سويداء القلب قبل القبر سكناه=قبل ماتجي بقعاء مغيره وتقفيبه
ليا جات بقعاء مايفيد الطبيب إدواه=مافاد الدواء اللي كل مرضان يشفيبه
حريصه على من تضحكه تستلذ إبكاه=ولاتستريح الا بتجويد اصاويبه
ولاباقي الا وجه ربي مايبقا اسواه=سبحانك يارب الكون بأمرك مايجريبه
وبالصبر اوصي من يحبّه وكل ابناه=على اقدار ربي والله الصبر يوصيبه
ونطلب له الغفران من خالقه ورضاه=عدد من يحج البيت واللي يصليبه
عسى جنّة الفردوس من خالقه ماواه=ومن سلسبيل انهار ربي مشاريبه
ولا اغفل عن اللي فيه قدم لي مواساه=له الشكر من قلبي ولطفه غمرني به
ياكثر البشر عقبه وياقلّهم قلاه=ياقل الصحيب اللي وفيٍ مع اصحيبه
يصاحب لحاجه وان قضى حاجته خلاه=ماكنّه يعرفه لو جزالٍ مواهيبه
وختم الكلام لصاحب الرحمه المهداه=صلاةٍ على الهادي ختامه وترتيبه[/poem]

الشاعر:ماطر بن سعيد الدلبحي العتيبي.

[نايف تراحيب]

حجز ملكي للقراءه

ولي عوده بعد الأستمتاع بهذه الراقيه

/

[شيخ الشيوخـ]

اللي هذي وصوفه يرثى يابوعمر
لاهنت وبيض الله وجهك على نقل هالقصيده المؤثرة حقيقة
وصح لسان قايلها والله يرحم البقمي وجميع موتى المسلمين

[بنت شمرالطنايا]

صح لسانه وشعور طيب منه

الله يصبر قلبه

ويرحم خويه البقمي ويرحم موتى المسلمين

ويعطيك العافيه

اختك بنت شمر الطنايا

[نايف تراحيب]

هلا وغلا بمحمد بن دغيم


صح لسان الشاعر على مشاعره الجميله تجاه صديقه

من اجمل ما قراءت في قصائد الرثاء

احترامي وتقديري


نايف العتيبي


/


،

[عبـ الهيلا ـرود]

الله يرحمه ويرحم أموات المسلمين

وصح لسان الشاعر ماطر .. ولاهنت على القصيده يابو دغيم

[جهز الهرس]

صح اللسان الشاعر

وشكراً لك على النقل