قصيدة الشاعرعبدالله بن نايف بن عون و مجاراة كلا ً من الشعراء برجس بن عصاي ومطربن صالح ومعضد بن نشار

[الخال]

هذه الأبيات جادت بها قريحة الشاعر الكبير عبدالله بن نايف بن عون عندما قام الموظف في الخطوط السعودية ( برجس بن سعود بن صويلح الدلبحي ) بعمل مايلزم بعد ان تأخر الشاعر ابن عون عن الطائرة المغادر على متنها من مطار جده الى الرياض واقلعت بدونه وقام برجس بن سعود بألحاقه الى الرحله الآخرى وإيجاد مقعد له رغم الزحام الكثيف ثمّ سافر بحفظ الله ورعايته

يقول عبدالله ابن عون

[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]
يا حزام انا عقب ما فاتتْني الرحله=جاني سميّن لبو نايف ومشاني

سموه برجس وقام الطيب يرجحله=ما دلّبح الدلبحي عنّي وخلاني

ادلا على شنطتي قدام لـ / شرحله=وفالمركب الزين ركدها وناداني

برجس عسى باب سور الخير يفتحله=والشرّ بابه يسكر عن كحيلاني

اللي يبى ام العيون السود تطمحله=يفعل مثل فعل برجس طير حوراني

شيروا على اللي تحط الروج والكحله=تختار برجس وتطمح له على شاني

واللي يبي يمدح الممدوح يسمحله=هو يستحقه وانا مانيب خسراني

واللي يبي حامض العلم ايتوضّحله=في مدح برجس يدورني ويلقاني

والاّ الردي يوم يمدح ويش يمدحله=ما يثمر المدح في طير ابن برماني

اللي تنكّس بعد راعيه لوّحله=مشتالن الحيّه الرقطاء ام نيباني[/poem]

(

ابو نايف هو الشيخ الشاعر برجس بن عصاي الدلبحي

)

وعندما سمعها الشاعر مطر بن صالح الدلبحي جاراها بهذه الأبيات

[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]

يا صقر ابن عون لو ما تعْرفه رح له=سلم عليه وعطه علمي وقيفاني

ثنّ الثنا له على ما قال واصدح له=قلّه هذا سلم جدانك وجداني

عدودنا جمّها يروي ماهي ضحّله=وفعولنا ما تبي شاهد وبرهاني

والدلبحي حزّة الواجب ما نسمح له=يعيش برجس وله شكري وعرفاني

يستاهل المدح ابن عمّي وانا افرحله=زهاه مدح ابن عون وهاضت اشجاني

يا طيب جزل القصيد ان جاك من فحله=بيطاره اللي يغني عذب الالحاني

اللي يعد الصحيح ولا يصححله=الاّ بصحّ الله لسانه من لساني

طرايفه مثل طعم الشهد من نحله=وباقي فعوله ترجّح كل ميزاني

والطيّب اللي سنام المجد يطمحله=ابفتخر به واعده خيرة اخواني

ابوه سماه برجس كيف ندمحله=لا صار ماهو مثل برجس بليهاني[/poem]

وعندما سمعهاالشاعرالكبيرالشيخ برجس بن مقحم بن عصاي

جادت قريحته بهذه الابيات

[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]

مطر يعرف المواقف قبل تشرحله=واللي يرد الثنا ماهوب غلطاني

والناجح اللي صبيّ الجود صرّحله=شاعر عتيبه ما غيره شاعرٍ ثاني

هو راعي الكلمه الجزله وتصلحله=عبدالله اللي لكل الطيب عنواني

حاون جميع المعارف ما يلمحله=واعلى من المدح في تكوين الانساني

مفروضن اللي جنح للطيب نجنحله=والاّ الصويتي يفوز بكل ميداني

يآرد عدود الرهى لو طرقها وحله=وافي خصايل وله فالمجتمع شاني

لعلّ بنت ارجحيّن ما تمرجحله=تروح مرواح معصيرن بدخاني

لا عاد ابوها فحل واوصافها رحله=مفروض ما ترتخي لفلان وفلاني

سوات مخط الضريبه يوم تسنحله=قد قالوا اهل المثل للعلم نيشاني[/poem]

اما الشاعرمعـضد بن فيحان بن نشارالدلبحي فكان رده يختلف حيث يقول

[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]

يستاهل المدح ابن عمي ويفرحله=وقبله هله هم لفعل الطيب عنواني

ولو أن ابن عون غير بيته اريحله=الدلبحي مايدلبح يابليهاني

حبيت ابين له الصوره واوضحله=دون المواجيب نرخص غال الا ثماني

والسم مانقبله في مبتغى النحله=لوظاهريه يداوي كل مرظاني

وبيروت لوفكه الله من غجر زحله=كان اسفهلت وعين خيرلبناني

بعض البشرفاهيه وافكارهاظحله=ماتفتهم ويش اغسطس من حزيراني

يحفرلهاحافرالحفره وتردحله=وهي تحسب ان الغبار يهل وداني[/poem]

[الحصان]

قصائد رائعه وشعراء مبدعين لاهنت يالخال

[اصايل]

الله الله


مساجلات جزله


استمتعت بقراءتها


لاهنت يالذيب

[ميااااح]

ماتفوت على الشاعر الفحل مثل معضد بن نشار لكن كيف فاتت على برجس ومطر
وهم شعار فحول ويستاهل الطيب من حصله ,,

[شيخ الشيوخـ]

ابداع من شعراء فطاحله والقصائد تستحق الاشاده

مشكور يا الخال

[وجودك يكفي]

قصايد ممتعه ورائعه استمتعت بقراءتها

الله يعطيك العافيه ولا هنت يالغالي

[النير]

صح لسان معضد
وبيض الله وجه برجس
فاعل الخير


مايتحسف ألافاعل الردى