أبتهل يابن شميسان

[ضاوي العصيمي]

اخواني وربعي في هذا الصرح الجميل بكم
السلام عليكم ورحمة الله وبركاته

يسعدني ان اقدم لكم اخر ماكتبت وهي قصيدة مهداة
للشاعر الكبير محماس بن شميسان العضياني وابنه
الشاعر/ مشعل بن محماس بمناسبة تعيينه عمدة في
حفر الباطن واقامته حفل بهذه المناسبة ودعوتنا واتمنى
له التوفيق وللجميع تقديري



[poem=font="simplified arabic,6,black,normal,normal" bkcolor="transparent" bkimage="backgrounds/8.gif" border="double,5,darkblue" type=0 line=0 align=center use=ex num="0,black""]
من مشاعر شاعرٍ فى الشواطي مايعوم=يضرب الغبات مبحر وياخذ مايبا
مركزه قدام وان قدمت قدمه رقوم=الرقوم اللي فهقها ورى كثر الدبا
ياسلام الله سلامٍ منزّه ومحشوم=لاتمثنى السمع لج اللسان بمرحبا
عد من هلل ولبا وسبّح فى القدوم=وعد من زار المدينة وصلى في قبا
مايليق الا بربعي عزيزين السلوم=الرجال اللي مع المجد رفقه ونسبا
والسنافي منه ماهو بلاشك محروم=من جنوب المملكه للقريات وضبا
نرفع البيضا ونبدي بها روس الرجوم=للنشاما من بعيد القبايل وأقربا
أبتهل يابن شميسان لاحان اللزوم=كلنا جنبك على الطيب وابليس يهبا
وأرق يامشعل حفيد المداغيش القروم=يالذهين اللي على عهد جدانه ربا
طيب السيره قوي الأراده والعزوم=جامعٍ محمود الاخلاق مع حلو النبا
بيض الله وجه ابو مشعل القرم الجزوم=يوم عده للمهمات من عهد الصبا
علمه حب الوطن وزرعت فيه العلوم=الولا لملوكنا في البيان وفى الغبا
وأكرموه ووزعته جات من خير القسوم=الله يبارك له بماعطاه وماحبا
قاله اللي بالصراحه ليا قال محكوم=مايجمعها ملاوين زرقا وصهبا
ياسم الغفل المزايين بعراض الوسوم=كسب تفكيره ولاله بما حاش طلبا
يجمع الندّر ولن مالقى ندّر يشوم=ويترك اللي دون لمعرمشة روس الضبا
والختام ازكى تحيه تقدم للعموم=عد ماهزت غصون النباتات الصبا

مع تحيات اخوكم=ضاوي العصيمي[/poem]

[إبن ثعلي]

صح السانك ياضاوي العصيمي ولاهنت ويستاهل المدح بن شميسان وابنه

[اصايل]

والنعم في الممدوح


صح لسانك يالعصيمي لين ترضى


لاهنت

[الأدميرال]

صح لسانك ولاهنت

[فهيد مقعد الرويس]

ونعم بالمادح والممدوح

صح لسانك ياشاعرنا

ولاهنت على التواصل الجميل

وننتظر المزيد من ابداعك

تحيتي وتقديري

[عبدالله المرشدي]

الغالي الشاعر والاخ القدير




ضاوي العصيمي

صح لسانك لين ترضى

تحيتي وتقديري وكل عام وانت بخير

[سويلم الخراص]

الاخ الشاعر القدير ضاوي العصيمي صح لسانك عدد حروفها واكثر

وابن شميسان يستاهل وانت وفيت وكفيت يالغالي

تقبل اعجابي

[نادر النمر]

ياسم الغفل المزايين بعراض الوسـوم
كسب تفكيره ولاله بمـا حـاش طلبـا
يجمع الندّر ولن مالقـى نـدّر يشـوم
ويترك اللي دون لمعرمشة روس الضبا
والختام ازكـى تحيـه تقـدم للعمـوم
عد ماهزت غصون النباتـات الصبـا


الله الله الله

ضاوي العصيمي .. شاعر غني عن التعريف .. وقصيده شامخه .. ويستآهلون الشماسين هذا المدح الذي يليق بهم .


تسجيل الاعجاب .. وكل التقدير

..

[عادل العصيمي]

ضاوي العصيمي


صح لسانك وبيض الله وجهك


ويستاهل الطيب بن شميسان


تقديري


.

[الحصان]

قصيدة رائعه من شاعر علم مبدع وابن شميسان من اعيان القبيلة ويستاهل اكثرمن مايقال فيه