شمر أهل الرمح والسيف الشطير

[العتيبي نايف]

[ALIGN=CENTER]


السلام عليكم

/

للتواصل ونبذ الفواصل ..!!


للسماع اضغط على الرابط :

http://www.naif9122.com/rm/shmrahlrm7.ra


اضغط هنا .... للحفظ


[poem=font="Simplified Arabic,5,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
راكب اللي لامشى كنه أميرِ=ايتباهى ويتغنّج في فخر

أقصد الفكسار ليش إنه خطير=موترٍ بين المخاليق اشتهر

من قبل قولي تمثّل به مرير=ووصفه فرحان بأبيات وشعر

وارد اليابان صنّاعه خبير=يقطع أميال ومسافات ووعر

في مزاياته وفي شكله مثير=معجزة يابان إبداع وفكر

لمع زيكه كنه السيف الشطير=في يمين الشمري يوم الظفر

يوم يقبل مثل موسى بن نصير=وإن تقفيته عقيدٍ منتصر

أفنس الخشه تكل خشة بعير=عابسٍ وجهه تكل ضابط خفر

أبيضٍ لونه مثل سن الغرير=أو ذكر بطس على ضفّة نهر

كشنه الديباج وأسلاك الحرير=مقعدٍ طبي وتكّاية ظهر

والسيور اللي تدور وتستدير=كن توحاّبه صدى نايف صقر

لانوى الممشى وعزّم بالمسير=وش يسوّي الرنج عنده والهمر

مايدوّر به بدل شخصٍ بصير=ولاقناه إلاّ فطينٍ مقتدر

كل حاجه تستشير ابها شوير=ماعدى الفكسار لو عندك نظر

لنّه المجلوب للدرب العسير=لنّه المطلوب بدروب السفر

مايطقّه كل محتاج وفقير=ولامسح كبوّته الوجه الودر

مركب شيوخ وهوامير ووزير=والضعيّف يفرك ايدينه قهر

لاعطاه القاز سوّاقه يطير=واعتقد لوله جناحاتٍ شهر

نيزكٍ يقطع دياجير وهجير=مثل ماكوك الفضاء يرسل شرر

سايقه حرٍ من ربوعي جدير=من ضنا الهيلا طويلين العمر

انطلاقة رحلته تلعة زرير=ومدرجه حايل وشمّر يابشر

الطنايا فيهم أبياتي تحير=كيف أوصّف مفخرتهم في شطر

شمّر أهل الرمح والسيف الشطير=تقطف أرقاب العدى قطف الثمر

محتمين الدار لاصاح النذير=لابسين الطاس والجوخ الحمر

للمعادي حنظليل وزمهرير=وللموالي يوس فندي وزهر

تكرم العاني وتفزع للقصير=تنصر المضيوم وتدوس الخطر

من زبنهم ينعم ويصبح بخير=ومن تحداهم يبي ينطح صخر

كم عقيدٍ منّهم عوّد كسير=وقام ينطي ربعه دروس وعبر

وياصلاة الله عدد ماطار طير=للرسول اللي فدى الدين ونشر[/poem]


وسلامتكم


[/ALIGN]

[الملكه آم كـشه]

[poem=font="arial,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الطنايـا فيهـم أبياتـي تحيـر=كيف أوصّف مفخرتهم في شطر
شمّر أهل الرمح والسيف الشطير=تقطف أرقاب العدى قطف الثمـر[/poem]

صح لســآنك يـآلنـآيف
والنـ ع ـم بـ .. ـآلطنآيـآ وـآلهيلآ ..{
0
0
آم كشه

[إبن ثعلي]

ونعم بشمر الطنايا ولاهنت يانايف

[اصايل]

صح لسانك يالعتيبي


قصيده في غاية الجزاله


لاهنت

[فهيد مقعد الرويس]

ونعم بالطنايا

ولاهنت يانايف

صح لسانك

تقبل اطيب تحيه

[ضيف الله السميري]

النايف



صح لسانك واعتلا شانك


قصيدة رائعه



تقبل ودي

[شيخ الشيوخـ]

يستاهلون والله

من قديم وجديد قبيله عزيزه ولها محبه خاصه عند عتيبه بالذات
واشتهرو بالكرم والجود والنخوه

ونعم بالطنايا ولاهنت يانايف

[ابوسنان]

صح لسانك يانايف وستاهلون الطنايا
تقبل تحياتي

[العتيبي نايف]

[align=center]

الملكة

/

صح بدنك والله لايهينك
حضورك أسعدني وشرفني

دُمتِ بود


[/align]

[بنت شمرالطنايا]

صح لسانك ياولد الهيلا

قصيده جزله عساك على القوه

ماعليكم زود ياهيلا ونعم بحالكم

>>>انطنخت يوم سمعت القصيده وما تعرف وش تكتب

وعتيبه عزيزه على شمر وعسى الله يديم المحبه

اختك بنت شمر الطنايا