[poem=font="simplified arabic,5,black,bold,normal" bkcolor="transparent" bkimage="backgrounds/43.gif" border="solid,4,gray" type=2 line=1 align=center use=ex num="0,black""]
راكب اللي حول من السفينه فالرصيف=وإنطلق من بحر جده على خط الشفا
مر بالطايف وردت جماهير المصيف=مرحبا باللي لفا مرحبا باللي لفا
وش تقول من التواصيف وإلا وش تضيف=إرسم الغيمه على أربع عجلات وكفا
الهنوف اللي تردك من الدنيا إمعيف=ضايفن منها على سكبته وجه وقفا
لاوقف يعدل مزاجه من الخام الخفيف=مادرى راعيه هو يشتغل وإلا طفا
وإن تهبد فالمطبه تهباد الكفيف=مشي وضحن فآخر الذود تضلع من حفا
ماعليه إلا أمنية شاعرن قلبه نظيف=لاحقه من جور الأيام هجران وجفا
وده إن الغيم مدرار والوادي إمريف=ونصف شعب المملكه من خوال المصطفا
في نفود السر من شرق داورد وعفيف=خمسة حروفن مع خمسة حروف إحلفا
إرفعوها فالمنصه على باب المضيف=وإحفظوها وإنحتوها على الصم الصفا
تثبت أوتادك على البيد يالضلع المنيف=مابنتك عزوم قومن كسالا وإضعفا
دونك الهيلا بالأفعال والحد الرهيف=إن صفى عجاج الأيام وإلا ماصفا
شجرتن ماطير أوراقها فصل الخريف=في طرفها للخوي قوت وظلال ودفا
مايبت إحبال الأجواد رجالن شريف=وخاين الذمه من أنكر عن الحق ونفا
الظفر معهم خوي والكرم معهم وليف=طيبهم طيب ووفاهم ماهوب أية وفا
ذا وأنا مانيب الأول مكرر والوصيف=من سبيع اللي على صهوة المجد إردفا
عزوتن من صيهد رماح لا واد الغريف=بشتهم لاشمرت دقلة الحاكم ظفا
فزعة إبن سعود في نصرة الدين الحنيف=والله مافيها كنيا ولا فيها خفا
والحياه أكبر مغره وطيب العيش زيف=من عطى لله وجهه عطى الدنيا قفا[/poem]
مــــدغـــــم أبو شيبـــــه
| 
|
11-10-2009, 10:02 AM
العرض العادي
