اثر الغلا باقي ولو كان ماكان

[شاعر عتيبة]

جديد سااهر


[poem=font="simplified arabic,6,black,bold,italic" bkcolor="transparent" bkimage="" border="outset,10,darkred" type=2 line=0 align=center use=ex num="0,black""]
اثر الغلا باقي ولو كان ماكان=لوطالت الايام لابد يطري
يطري علي ليا تغنو بالالحان=والا ليا غنيت ماعاد بدري
ويطري ليا من القمر فالسما بان=ويطري علي ليا بدا الليل يسري
ياصاحبي عقبك ترا خاطري شان=وانشد عن احوالي ترا الناس تدري
عليك دمعي مثل الامزان هتان= ماكف هماله على الخد يجري
وعليك مكنون الحشا هم واحزان=ويفيض دمعي كل ماضاق صدري
وعليك حالي مثل حال ابن عدوان=يبكي على ام عقاب صبحٍ وعصري
وعليك روحي كنها روح سكران= سكرة مماتٍ مير مازل عمري
قولو لمن له بين الاضلاع مسكان=يلطف بحال اللي من البعد خطري
لا والله الي عود الربح خسران=وحنا على عام الثلاثين هجري
راحت عقوبه بين مفلس وديان=بياع عشقٍ راح يامن بيشري
لوكان مبطي مرخصٍ له بالاثمان= لويطلب الثنتين مانيب مزري
لعيون من كنه سنا الصبح لابان=من لبته كنه طلع نور فجري
حالت على لاماه دورات الازمان=وانا على فرقاه ياطول صبري

[/poem]ســـــااهر

[نايف تراحيب]

وانا على فرقاه ياطول صبري


صح لسانك يا سآهر

وعز الله انك ماقصرت قصيده اعجبتني

هذا هو القصيد :)


بيض الله وجهك


احترامي وتقديري واعجابي بسموك الكريم


/



،

[ميااااح]

ساهر

صح لسانك

[حنين الروح]

اثر الغلا باقي ولـو كـان ماكـان
لوطالـت الايـام لابـد يـطـري


سااهر

صح لساانك مليوون على هذا الابدااع ..

ولااهنت

[رشة قلم]

صح لسانك ساهر ..
قلت:
ياصاحبي عقبك ترا خاطري شـان
وانشد عن احوالي ترا الناس تدري...

دام قلمك الرائع حاضرن في كل حال ...

[ضيف الله السميري]

ساهر


صح لسانك قصيده في مستوى رائع

تستطيع جذب الاحاسيس




تحياتي لك

[اصايل]

ياصاحبي عقبك ترا خاطري شـان
وانشد عن احوالي ترا الناس تدري


/


وعليك حالي مثل حال ابن عدوان
يبكي على ام عقاب صبحٍ وعصري




صح لسانك واعتلا شانك


لاهنت يالساهر

[فهيد مقعد الرويس]

صح لسانك

ياساهر

تقبل اطيب تحيه