السلام عليكم ورحمة الله وبركاته
شاعر هوازن
هذا الشاعر العضيم يكاد يكون من ابرز شعراء الجزيره المعاصرين على الإطلاق
لان امثاله لاتكاد ان تجدهم في هذا العصر
شاعر فخم وشاعر صعب وشاعر يراه النقاد وفحول الشعر كالجبل
شاعر الحبك والسبك شاعر الجزاله وقوة المعنى يأتي بالدر لا يأتي به احد من قبله
ويأتي بالمعاني البكار لايسبق عليها
قارع الفحول وطاولهم امثال مرشد البذال وغيره الكثير
هو شاعر هوازن وشاعر الطير وشاعر الفخر والحماسه.....ومن الالقاب حدث ولا حرج
هوالشاعر الكبير / عبدالرحمن بن سعود العطاوي العتيبي
وهو من مرافقين سمو النائب الثاني _ حفظه الله
وقد قام صاحب السمو الملكي الامير نايف بن عبدالعزيز بطبع ديوانه على نفقته الخاصه لمعرفته بقوة شعره وجزالته
وقد بلغ في وصف الطير المبلغ العضيم واخترت لكم هذه الدره النادره وهي في صاحب السمو الملكي الأمير / نايف بن عبدالعزيز آل سعود_ حفظه الله
يامير طيرك فالهدد مايجاجي=== سو ٍ على الحفال للهاربة عوق
ليا جرد كنه عقاب العواجي===وارخيت من كفك له السبق مطلوق
ماقط شفته عن مهاويه راجي===وماناش بالمخلاب ماهوب معتوق
عديت له باجوال هاك الهباجي===ارض ٍ خلا مانتب عليها بمسبوق
وادلى بروس خروبها والدجاجي===كنه عديم ٍ غايضينه هل البوق
اشقر وصافي جوهره له وهاجي===ياخذك عن غيره بالاوصاف مفروق
سواد عينه في بياض الحجاجي===فنجال صين ٍ سيق والبن محروق
سود ٍ حداد ٍ في قحوفه لحواجي===عين العديم ان غيض في وجه زاروق
كنه ليا فرع وشاف متفاجي===العاشق الهايم ليا شاف معشوق
تشوف وجهه فاتن ٍ بانبلاجي===ولو لاج والله مايغطي على الموق
ان كان مالك في هداده خراجي===وتلك يبا الملحاق والسبق ماثوق
عقد حجاجه عقب ماهوب راجي===مثل الحشيم اللي على الوجه مصفوق
وتبادلت بينك وبينه مناجي===عذر ٍ ولوم ٍ دار من غير منطوق
تقول خفت من الوعر والعجاجي===وان ضعت عني همي الطاق مطبوق
ياطير عقبك وين يلقا علاجي===القلب لو تقطع قطع منه معلوق
الله لحد مالي بغيرك مزاجي===هدات غيرك لو فعل مالها ذوق
ليا ضربنا مقفرات الفجاجي===ارض ٍ خلا فيها اول العشب مرموق
وتدارجن زرق الغلب فالزراجي===والشمس تو اضفت على القاع بشروق
وعطب الاهاوي عجل تل العناجي===موجب ٍ مع طلعة الشمس مطفوق
وغدالنا في كل روض ٍ مداجي===والريش بين العشب والشمس لاهوق
هذيك غاية فرحتي وابتهاجي===ليا اخذت انا وياك ياطير غدروق
وراع الولع ينسى الحبيب الهجاجي===يبعد به المقناص عن كل مخلوق
وليا سرق عينه لذيذ السهاجي===تعرض له اطياف المقانيص ويفوق
وان قيل طرح الطير صابه خلاجي===تراي كانه ماسجد سهو محقوق
لو هو ثقيل ٍ من وساع الجواجي===ملزوم عقب سهيل يلعب به الشوق
جاي ٍ لهمه في خفاه اعتلاجي===على اشقر ٍ صافي بلا دعج ودقوق
ماجيب مجلوب ٍ لسوق الحراجي===عن منزله منصاه نايف عن السوق
من ماكر ٍ له في علو الرتاجي===سما على كف ٍ ورى ماكره فوق
نايف كما المشعل بهضبة سواجي===يجذبك ضوحه في دجا الليل مشعوق
سوق المحامد فيه ابعرض نتاجي===وشكر ٍ من اعماقي بالاخلاص مرفوق
وهذه قصيده اخرى بصوته وهي الامير نايف ايضاً
http://www.alsh3r.com/files/3bdAlr7mn_Al3TAwy/(1).amr
| 
|
11-02-2009, 12:54 AM
العرض العادي
