اول مصافحه شعريه (الشمس قربه)

[جابر الدحابيب]

بسم الله الرحمن الرحيم

هذي اول مشاركه شعريه اتمنى ان تاصل الى ذائقتكم الشعريه

[poem=font="simplified arabic,4,black,normal,normal" bkcolor="transparent" bkimage="backgrounds/30.gif" border="solid,4,gray" type=1 line=1 align=center use=ex num="0,black""]
الشمس قربه ونور الشمس يسعدني=والليل بعده وطـاري الليـل ماحبّـه
والصد غيـم ٍ تزبـر يـوم فارقنـي=والوصل ريح ٍ يسوق الغيـم ويهبّـه
والشوق أرضي وكان الشوق يزرعني=والي حصد زرعكم ماضـن بيسبّـه
ليل الجفـى ياحبيبـي دوم لوعنـي=نهر الجفى في بحور الحـب بيصبّـه
بسم الميانه يقـول ابيـك تقطعنـي=وانا مع الـي مصـدق ربنـا ربّـه
مثل المرآيـه يلعوزنـي يعاكسنـي=ارفع يمينـي يسـاره ترتفـع حبّـه
ابيـه ينثـر خفوقـي ولا يجمعنـي=وابيه يجمـع كـلام الحـب ويكبّـه
بعد الرضى بس في ذوقه يصنعنـي=لنه شواطئ شعوري وحبـه الغبّـه
لوه بحور الشعر بسبح علـى فنـي=لوه محيـط الشقـى لعيونـه اطبّـه
هاجت بحور الشقى قامت تصافقنـي=لجل المحبـه بثابـر وانتـه السبّـه
والله مانسى وقوفـي يـوم ضمتنـي=ودموع عيني بـلاي وكفهـا طبّـه
ابغيه يذكر غلاتي ... يوم يذكرنـي=ايزيد جمر الغـلا وعروقـي تشبّـه
أخاف شمسك تغيـب ولا تساعدنـي=لين أصبح التايه اللي غـادي ِ رُبّـه [/poem]

[اصايل]

حياك اخوي جابر


صح لسانك

مصافحه اولى رائعه


لاهنت

[حنين الروح]

جاابر

اسعدناا توااجدك بكل تااكيد ..

وصح لساانك مليوون على القصيده الراائعه

[جابر الدحابيب]

اصايل وحنين صح الله ابدانكم

والله لايهينكم على مروركم الرائع

[ثامر العنزي]

عساك عالقوة يا جابر وصح السانك

مدة جزلة من يمين جزل .

[جابر الدحابيب]

ثامر العنزي صح الله بدنك

الله لايهينك على المرور

[البارع]

,,, صح لسااااانكــ يا جابر وقصيده رااااائعه....ننتظر جديدك،ـــ وحياااااك الله في منتداكــــ

[عادل العصيمي]

الشمس قربه ونور الشمس يسعدنـي
والليل بعده وطـاري الليـل ماحبّـه
والصد غيـم ٍ تزبـر يـوم فارقنـي
والوصل ريح ٍ يسوق الغيـم ويهبّـه


صح لسانك ياجابر


قصيدة عذبة ومصافحة أولى رائعة


تحياتي


.

[ضيف الله السميري]

جابر



صح لسانك


قصيده في مستوى راقي



تحياتي لك