قصيدة فيها النفل والحرف كنه بسايبن

[الضاحك الباكي]

بسم الله الرحمن الرحيم

السلام عليكم ورحمة الله وبركاته

اقدم هذه القصيده من نظمي في هذه الصفحات الرائعه وهي تعبر عن نفسها


[poem=font="times new roman,6,black,normal,normal" bkcolor="transparent" bkimage="" border="none,4," type=1 line=0 align=center use=ex num="1,black""]
هات القلم واكتب من القاف بيتين = من نظم فكري يوم يطري عليه
مريت عقب العصر من عند ضلعين = وذكرت عام من قريب هنيه
شاقتي الاجواء وبكره وذا الحين = ومن تبيعه من خيال برديه
يرزم بها الرعاد والبرق بالعين = يرسم بذا الابصار لوحه جليه
وسمية تسقي جميع البساتين = تنثر مياه في فياض غنيه
فياض بها النوار والباذر يزين = يطرب لها الخاطر وراحه قويه
يالله يامولاي غيث لنا زين = يخضر عود من النفل والنصيه
الارض ممحلة لها حول عامين = والعرق مات ولا بقى منه شيه
يالله يامحيي عظام بليين = تحيي بفضلك روضة مهميه
في روضة القاع يتبين عناوين = ربيع يضفي رونق له عليه
فيها النفل والحرف كنه بساتين = تملى عيونك يوم تنظر عليه
حتى اليامن زارنا من عزيزين = يرتحاح باله ويتريض شويه
يرتاح باله كل مافتح العين = مسير غالي فرحت بمجيه
في شوفته تفرح جميع الشرايين = وفي جلسته قلبي ضلاله وفيه
لامرني مامل عنده براهين = شوف الرياض اللي يونس مجيه
يرتاح من زود العنا حد يومين = ويضيف ثالث والوعد بالف جيه
مع دلة صفرا بها الكيف كيفين = برية منقية من ايديه
اخترتها للطيبين الكريمين = بن اليمن كيف بكيفي جليه
مع حايل بالجرم تعدل قعودين = نجدية ماهيب عيب عليه
ماتاكل الا من رياض قريبين = فيها النفل والعمر والله ثنيه
انقدم الفطحه على الباديه لين = يضفي كفلها متعة العين بيه
ونقضي اللحظات في مهجة العين = اربع شهور في رياض عذيه
ريح الخزامى والنفل في البساتين = ينعش نفس ويرد روحي عليه[/poem]


وســــــــــــــــــــــــــــــلامتكم

[سلطان بن محسن]

اخوي الضاحك الباكي صح لسانك على هالقصيده وننتظر منك الأفضل

[رشة قلم]

صح لسانك أخ الظاحك الباكي ..

راقت من كل جوانبها ..

لك التقدير ولقلمك االاحترام ..

[إبن ثعلي]

صح السانك يالضاحك قصيدة رائعه ولافيها شئ سوى خطأ مطبعي اشار اليه الاخ سلطان محسن لأنك لم تضع تقطتي التاء المربوطه في كلمة ممحله
وتحياتي لك

[ثامر العنزي]

صح السانك يالضاحك ولا هنت
وننتظر منك ما تجود بة قريحتك

اخوك ثامر

[الضاحك الباكي]

المشاركة الأصلية كتبت بواسطة سلطان بن محسن اخوي الضاحك الباكي صح لسانك على هالقصيده وننتظر منك الأفضل

صح بدنك وشاكر مرورك العطر الذي اضاف للقصيده اشراقة وجمالا
والله يعطيك الف عافيه

[الضاحك الباكي]

المشاركة الأصلية كتبت بواسطة رشة قلم صح لسانك أخ الظاحك الباكي .. راقت من كل جوانبها .. لك التقدير ولقلمك االاحترام ..

صح بدنك وشاكر المرور العطر الذي اضاف للقصيدة اشراقا وروعه
والله يعطيك الف عافيه

[الضاحك الباكي]

المشاركة الأصلية كتبت بواسطة إبن ثعلي صح السانك يالضاحك قصيدة رائعه ولافيها شئ سوى خطأ مطبعي اشار اليه الاخ سلطان محسن لأنك لم تضع تقطتي التاء المربوطه في كلمة ممحله وتحياتي لك

صح بدنك والف شكر على المرورالعطر والذي اضاف للقصيدة اشراقا وروعة
والله يعطيك الف عافيه

[الضاحك الباكي]

المشاركة الأصلية كتبت بواسطة ثامر العنزي صح السانك يالضاحك ولا هنت وننتظر منك ما تجود بة قريحتك اخوك ثامر

صح بدنك والف شكرعلى المرورالعطر والذي اضاف للقصيدة اشراقا وجمالا
والله يعطيك الف عافيه

[ضيف الله السميري]

احلا ختام للقصيده


ريح الخزاما والنفل



صح لسانك وسلم بنانك


تحياتي لك