يــابــــوي

[شـوآق]

يابوي أنا مشتاق لديارنا حيل
ودي تخاويني وتسمع كلامي

نبغى نسريها قبل يمسي الليل
من فوق جمس ِ صانعه مايلامي

يابوي تطرب جلستك بالتعاليل
خصن ليا اجتمعو عيال العمامي

جلسه تنومس عز ذباحه الحيل
اهل الكرم خويهم ما يضامي

ياقارين حرفي بمول مواويل
للابه اللي ساكنه بالعدامي

واللي زعل يمسح دموعه بمنديل
لاحدن يلوم القلب مابي ملامي

ثوبي مكفيني ولابي تفاصيل
كلن يشوف البدر واضح تمامي

هذي عتيبه وافيه دايم الكيل
بالفعل ماهو قول قرقا عدامي

هذي عتيبه وانشدو بالسماء سهيل
يخبركم اللي صار من كم عامي

دخيل ياعز الليال المقابيل
سج الفكر عنك يافرخ القطامي

هاك الدلال ومد فنجال بالهيل
للي عزومه ما تعرف المنامي

ثم قله اني طالبه قبل لاشيل
انه يخاويني ويسمع كلامي

قله ترا همي ببعده لي يخييل
واني بدونه عاجزن عن مقامي

دار الكلام وقلت معادبه قيل
كود الختام اللي يعانق سلامي

ماعاد باقي غير دقه وتشغيل
ثم نتوكل يم ديرة عمامي




/



وسلامة قلوبكم



سعود الدعجآني

[إبن ثعلي]

صح السانك ياسعود الدعجاني ولاهنت قصيدة رائعه جدا

[نايف تراحيب]

يالله حي سعود الدعجاني

وحي ماجاب


والله القصيده كايفه وصح لسانك عليها واعتلا شانك

وتراني من المتابعين لك ولكل جديدك

بس عندي وجهة نضر وما فيها ضرر ان شاء الله

هناء

نبغى نسريها قبل يمسي الليل


لو قلت

نبغى نسريها قبل يسري الليل

اتوقع افضل

والراي لك يا الغالي


اكرر لك اعجابي بقلمك وبقصائدك

احترامي وتقديري


/


،


نايف العتيبي

[تركي ابن خالد]

هذي عتيبه وافيه دايم الكيل
بالفعل ماهو قول قرقا عدامي

هذي عتيبه وانشدو بالسماء سهيل
يخبركم اللي صار من كم عامي

صحً السآإنكً ملآإييييينً

عودايك الجزاله والإبداع

لآهنتً

[اصايل]

هذي عتيبه وافيه دايم الكيل
بالفعل ماهو قول قرقا عدامي

هذي عتيبه وانشدو بالسماء سهيل
يخبركم اللي صار من كم عامي





تنومس :)



صح لسانك مليون


لاهنت يالدعجاني

[فهيد مقعد الرويس]

صح لسانك

ياسعود

تقبل اطيب تحيه

[شـوآق]

ابن ثعلي

صح بدنـك , ولا انــت ,
والروعه تكتمل بتواجدك الاول


منور

[شـوآق]

البقى البقى يامرحب



ياهلابك يانايف


كايفه بتواجدك طال عمرك , والله اني خابر انك متابع
وهالشي يسعدني بكل مرهـ



وبخصوص وجهه نظرك صادق يانايف
افضل بكثير ,. وانت تامر ع الروح





تحيتي لك

[شـوآق]

سحآب وبرووق



صح بدنك ملايين ولايسدون
سعدت بتواجدك

ولا انـت

[ناصر بن سعدي]

صح لسانك إخوي :: سعود الدعجاني ::

ويستاهلون الهيلا ..

والله يحفظ لك إبوك ..

ويحفظك له ..

وتقبل خالص تحياتي ..