.
مسيتوا بـ / الخيـر يالربع
للمشـاركة مع موكـبة الشعـر هنا .. اضع بين ايديكم هذهـ المتواضعـة ..!
[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياكود انا رجل بدوي .. مرتاح في رعي (ا)غنمه = ولاّ على مسراح نوق .. بكل صبح ٍ يبتدي
يصبح على رجوى المطر .. لو كان ماهو موسمه = يشتاق لاشاف السحب .. ويقول : حنّي وارعدي !!
لي سلوتي لاحان ليلي .. والليالي معتمه = شبّيت ناري ورمدي يخمد .. ويحييه (ا)رمدي
متحيزم بربه .. وربه كاتب ٍ له مقسمه = إن قلّ ماقال بيدي .. وان زاد ماضاع اجهدي
احد(ن) على طعنة قريبه نال عرضه ولحمه = واحد(ن) على نفع البعيد يجود لاجله ويعدي
ماعتّب دروب الردى .. ماسار فيها بقدمه = ولاّ الردي .. يحيا / يعيش / يموت / وهو باقي ردي
مرباعهم تحت السحاب الي تناشى مركمه = رحّال يتبع سقوها .. شفّي وهي شفّ (ا)بلدي
تسطي عليه الذكريات الي تطوّق محزمه = لافزّ هاجوسه / تذكّر صاحب القلب الندي
درهمت بالمظهور .. اغنّي بك حداء بالدرهمه = وازريت اونّس خاطري ياذا الجديل العسجدي
لو بَـتحمل غيبته .. ماظن ابقوى ميسمـه = الي وسـم بالقلب كيّـه .. ناظرك ياسيدي !
وراك ساكت .. غاب صوتك .. مابقى الا تمتمـه ؟ = وصاحبك في رجوى كلامك .. طال ليله سرمدي !
مدري حداك الصمت واصبح منطقك بالسلهمه !؟ = ولاّ قنعت ان الهوى غلاّب .. والصبر اجودي !
علمتني انّ الهوى / علّمك مالم تعلمـه = علمني كيف انسى هواك .. اقول لك إيه ابعدي !
لو ماحشمت الحب .. لك خل ٍ لزوم ٍ تحشمه = لاهي بـ / ليلك ..ماسهَرك الهم مع نجم الجدي
قمت اتوجّد للقمر .. واطرى عليّـه مبسمه = من غاص في بحر الهوى .. بيضيع دربه ويغـدي
حتى السراب يزول قدمه مثل حلم ٍ يحلمه = ظامي ويتبع له سراب ٍ وسط قاع ٍ جرهدي !
خاواه همّه .. قام يجري في عروقه وانسمه = من حرّ مابه ذي يدّي .. تفرك على هذي يدّي !
ايه بدوي .. والبيد داري والنوايا مسلمه = ببقى على سِـلم اولّي .. من مولدي حتى لحـدي !![/poem]
وسلمتــوا
ٍ
| 
|
03-18-2009, 07:08 PM
(ق)ـلب بـــدوي ..!
العرض العادي
