[poem=font="Simplified Arabic,4,black,normal,normal" bkcolor="transparent" bkimage="backgrounds/11.gif" border="outset,4,silver" type=0 line=0 align=center use=ex num="0,black"]
(إمتحاني) صعْـب .. ركّـز وانتبـه=وبعـدهـا يالله عسـانـا نستـريـح
كل (سـؤال) يزيـد قـدرك مرتبـه=بـس يـا (شاطـر) تركّـد لاتطيـح
و(الجـواب) بكـف قلبـك تكتـبـه=(وحبّذا) لو كـان بالحبـر الصريـح
السؤال يقول : (مـا وجـه الشبـه)=بيـن خفّاقـي وهالكـون الفسـيـح؟
(بس / أموت / و/ فيك) ما هي مرتّبه=(رتّب الجمله على الشكل الصحيح)!
ودام (عقلـك مرجعـك) و(المكتبـه)=لومني (واستشهـد بشعـرٍ فصيـح)
وهاك (مختـار الصحـاح ) وقلّبـه=لين صفحاتـه مـن عيونـك تصيـح
وديّ اللـي تكتبـه مــا تشطـبـه=خلّـه ب(مسـودّة) القلـب الذبـيـح
و(علّل) إنكارك غـرامٍ ضعـت بـه=و(أذكر أسباب) انجراحك يا جريـح
وب(الحساب) إجمع غرامك وإضربه=و(عطني) الناتج ولـوّ أنـك شحيـح
وب(العلوم) إشرف علـى هالتجربـه=و(بخّر) أحزاني قبل دمعي (يسيـح)
(الأمل) غير (الألـم) فـي منصبـه=غلطة (إملاء) تقلب الشّيْـن لمليـح!
وللهـوى (تاريـخ) مـحـدٍ كـذّبـه=قبل الاسـلام وقبـل عهـد المسيـح
من يكـون اللـي قصيـدي يطربـه=وإن بَرَد يدفيـه عـن بـردٍ وريـح؟
ومن يكون اللـي بَنَـت لـه مُعجبـه=للوصـل قصـرٍ وللفرقـا ضريـح؟
إنتهـى وقـت امتحـانٍ تهـت بـه=والإناء بمـا حـوى جوفـه نضيـح
فوق صدمـة خافقـي .. مستغربـه=ولاْ هقيت إنّك بعلْم الحـب .. ميـح![/poem]
[align=center]
إسمحيلي يالجوري القصيده تستاهل التنسيق ..
صح لسان شاعرتها
وتسلمين أختي الجوري على هالقصيده الحلوه
لاهنتي [/align]
| 
|
11-30-2005, 05:50 AM
امتحاااااااااااااااااااااااان،،،،،،،،،،،،،
العرض العادي
