الشعر والشعراء على كيفك مع البيك

[البيك]

[frame="4 80"]*قصيدة الشاعر تركي بن حميد (طرب )


نومك طرب وأنا نومي هواجيس = ماساهرك بالليل كثر همومي
أسهر الانامت عيون الهداريس = بالليل أساهر ساهرات النجومي
أوجس بقلبي مثل دق النحاحيس = الله يلوم اللي لمثلي يلومي
أشوف عدلات الليالي مقابيس = ولاحد من الدنيا عظامه سلومي
تضحك وتخفيلك حفي الهناديس = تفطر لها يوم ويوم تصومي
أعمل وتلقى وأفهم العلم بالقيس = دنياك لو زانت تراها نقومي
قالوا جهلت وقلت جهل بلاقيس = الجاهل اللي مايعرف اليمومي
من لايدوس الراي من قبل ماديس = عليه داسوه العيال القرومي
ومن لايقلط شذرة السيف والكيس = تبدي عليه من الليالي ثلومي
ومن لاياخذ الدنيا بميز وتقييس = مثل الذي يسبحر بحر يعومي
القصر مايصلح على غير يأسيس = ومن لاتعلم ماتسر العلومي
واليا توافق مشى ورى السو وأبليس = تدر منه وستر ربك يدومي
كل القلم من كتبنا بالقراطيس = واركابنا من كثر الاذلاج تومي
ولاخير في كثر الحكا والتماليس = هرج بلافعل يجيبه وهومي
والعز فوق معسكرات السواديس = اليا قصدت اللي بالاشيا رحومي
قب تنازا بالنشاما كراديس = والطير في روجاتهن يحومي
بالليل أصالي حاميات المحاميس = والصبح أصالي كل قب قحومي
أربع سنين ودمع عيني أماريس = العين تسهر كن فيها هزومي
واليا ركبت معالجات المضاريس = يبرد على قلبي لهيبه سمومي
صوابنا بالميل عمق اليا قيس = وطريحنا في مثبره مايقومي
ان جن بنا مثل النعام الاماريس = لاخف عقل مع رقاق الحزومي
استلحق اللي يطلبون النواميس = اللي من الاقصين وادنا اللحومي
وان جن بالميدان مثل الدواويس = وتعاقبوا من فوقهن السهومي
عرج باهلهن كنهن القرانيس = على الطريح مصوبراتن كظومي
لومي على اللي ينقلون العبابيس = واهل الفرنج وكل رامي لحومي
وشلفن تركب بالعروق المناسيس = وقحص المهار وكل قب قحومي
واليا سمك عج الرمك بالملابيس = المسعد اللي حظ ربعه يقومي
الشيخ من يعطي الفقارى المفاليس = يبدل الساعة بعز يقومي
والحر ليا دبت عليه النواميس = يشهر وعن دار المذلة يشومي
واليا اكترب من بعض الاشيا نسانيس = اعزموا لابد الفرج بالعزومي
ثوب الشرف لبسه نظيف الملابيس = ينجيك باليام الكرب والزحومي
يجلي صدا قلبي ضبيح المهاريس = لي قام شراب القهاوي يعومي
والدلال فوق النار دايم مجاليس = اكرامه حق علينا لزومي
من صنعة الصبة وخمسة تخاميس = ذرية يعمل بها كل يومي
وبهارهن هيل بليا حواسيس = كيف يعدى للنشاما القرومي
عده لحماي العياد المراويس = ولا الحصان اللي بقينه وهومي
حتى يطب لنا المثل والتوانيس = والكيف طاب لمن يفك القحومي
وصلاة ربي عد رمل الطعاميس = على شفيع الخلق يوم اللمومي
عد البنات وعد ذار الطعاميس = واعداد مايمطر سحاب الغيومي
البارحه بالنوم كنّى موراّ = جا حلم ليل يوم عبّر ولاشيف
اونست هاجوس علىالصدر مراّ = منه الفواد معلّق بالمخاطيف
وابدى كنين الروح داخل وبرّا = من نقض مايفتل وفتل بتكليف
يارازق اللى فى رجاك يتحرّا = من مدّ جودك ياوسيع المحاريف
ان جت من الله ماعدويضرّا = وليا ادبرت قلت دبور المصاريف
مادون ربك واحد لك يسرّا = للرب حكمه بالمعانى وتصريف
قم يامحمد سوّ حلو ومرا = رسم الى جوك النشاما هل الكيف
مع منسف حول المناره يجرّا = واشناق حيل صفوها له ذواريف
واعمل بخير ولا تجازى بشرّا = وارجى الفرج من عند والى المصاريف
واجهد بتقوى الله لدار المقرا = العبد طرقىّ ركابه مناكيف
دنياك لو زانت تراها مغرّا = دنيا خراب ولا عليها تحاسيف
فيها لبيب العقل ما يستغرّا = لو امهلت لابد رحله وتخفيف
اخشع تواضع لا تكبّر تزرّا = ما شفت ميلات الليالى مراديف
ورفيقك الغالى منه لاتبرّا = ادمح خطاه اللى تعبّث عجاريف
يشرب معك صافى وكدر ومرّا = ويرد معك حوض المنايا الى عيف
نوب تذرّى به ونوب يتذرّا = عديل عمرك باليالى الشفاشيف
جر القلم واكتب لنا اللى تورّا = سلام احلى من حليب المشاغيف
منّى لمن تابع هوى كل غرّا = شيخ يروّى بالملاقى شبا السيف
زيزوم غلبا كل يوم تجرّا = واطرافها تاطا الغبا والمشاريف
ذولى يسرّحهن وذولى تسرّا = وذولى مغيرات وذولى مناكيف
والى عدا باللى عدا فيه غرّا = بر بع على قحص المهار المزاغيف
سلاحهم شغل العجم والمجرّا = ودهم الفرنج مفرّقات المواليف
وصلّوا على المختار والصحب طرّا = ماهبت الانسام من رايح الصيف




يا ما حلا ياعبيد في وقت الاسفار = جذب الفراش وشب ضو المناره
مع دلة(ن)تجذا على واهج النار = ونجر(ن) اليا حرك تزايد عباره
النجر دق وجاوبه كل مرار = مالفه الملفوف من دون جاره
وأخير منها ركعتين(ن) بالاسحار = لا طاب نوم اللي حياته خساره
تلقاه في يوم يضيعن الافكار = يوم على المخلوق مطول نهاره
وقم في قصير البيت حشمة ومقدار = لو جار فادمح له ولو به خساره
ترى النبي وصى على الجار لو جار = خذ الحذر ياعبيد عقب النذاره
رافق قوي الدين حفاظ الاسرار = ينفعك في يوم يجي به كراره
ترى الهوي والغي هن شر الاشرار = ومن داس عار الناس داسوا لعاره
جنب ردي الكار مافيه تعبار = مافيه من فعل المناعير شاره
جنب عنه خله لقصاف الاعمار = واحفظ وصاتي يارفيع المناره
واسلم ودم بالخير ياطير غيمار = وصلوا على المختار ماغار غاره
----------------------------------------------------------------------------
----------------------------------------
---------------------[/frame]

[البيك]

[frame="5 80"]يـا سابقـي صكـوا عليـك القبايـل

الحضـر والبـدوان راحـوا نحيـه

قومٍ من العارض إلى سـوق حايـل

لا قـرب جـد ولا بهـم مرحميـه

يـا قـومنـا لا تكثـرون العذايـل

أشـوف لـي شـقٍ توسـع رفيـه

العمـر بيـد الله منشـي المخـايـل

حقٍ على الراعـي صـلاح الرعيـه

نرد الخطـر والعمـر لا بـدّ زايـل

عقب الخطر نشـرب ركايـا عذيـه

إن كان ما نرخي ركـاب الأصايـل

وإلاّ منـازلنـا غـدت جـاهليــه[/frame]

[البيك]

[frame="8 80"]ومن لا يدوس الراي من قبل ما ديـس

عليـه داسـوه الرجـال القـرومـي

ومن لا يقدم شذرة السيـف والكيـس

يـازي عليـه مـن الليالـي ثلومـي

والقصر ما يصلح على غير تأسيـس

ومـن لا تعلـم مـا تفيـد العلومـي[/frame]

[البيك]

الصراحه شاعر وامير الله يرحمه

[البيك]

[frame="7 80"]يـا راكب اللـي يدانـي الصفيـري

هميلـعٍ من نقـوة الهجـن سرسـاح

امـه نعامـه واضربوهـا بعيـري

جامشبهانـيٍّ علـى خـف وجنـاح

يسرح من الطايف ويمشي البصيـري

سفايفـه مثـل الغـرابيـن طفـاح

إليـا ورد يشـرب ثمانيـن بيـري

غـرافهـن تسعيـن ودليهـن فـاح

رجليـه بالحـرّه وصـدره يسيـري

ويشرب برأسه من على جمّة رمـاح
[/frame]

[البيك]

[frame="9 80"]معركة "السويبق"

كانوا الحرث يرعون قريب من حدودهم مع قبيلة الجعدة وكان احد شجعان الجعدة وهو البطل حناش المضفري من خامس المضافرة متواجد في تلك المنطقة للصيد وبندقه معه

ويوم حاصروه الحرث تحصن في احدى الهضاب واخذوا يترامون هم وياه بالبنادق وعندما عجزوا فيه طلبوا منه انه يستسلم ويمنعونه على بندقه يسلمها ويسلم وبعد اخذ ورد بينهم وبعد ما توثق منهم نزل للمنع وسلم بندقه ولكن الحرث قتلوه بعد عهدهم معه وقد عناهم الشاعر بقوله:




ولاناخذ القصره ولاناخذ الجارولا شددونا بايقين العهـودي



وهو يقصد في هذا البيت ان بني الحارث باقوا عهدهم مع حناش

ويوم صاح الصايح ودروا الجعدة بمقتل حناش وهم يلحقون بني الحارث طليعة لحقوا على الخيل والباقين لحقوا على الجيش ودارت المعركة التي انتصر فيها الجعدة وقتلوا 16 حارثي سداد في حناش والشاهد قول الشاعر:




خلو قضى حناش في الحزم مزباربين الحشاش وبين خشم العمودي



وكان عقيد بني الحارث فوق ذلول حمرا وكانت هاجة من صوت الرمي وكان هو يحاول يردها على الجعدة ووصفها الشاعر بقوله:




جونا وجيناهم على جيش ومهارجيشٍ عقيده فوق حمراً عنودي




وفي هذه الوقعة قال الشاعر الكبير/ضيف الله بن حنيشان(الملقب بـ دمغان) وهو ابن اخ حناش وهو يعد من كبار شعراء الحرب في الجعده :




قال الجعيد اللي بـدا راس مسبـارفي قنهٍ مـن عاليـات الحيـودي
بادي بخبٍ خمسه اشبـار والنـارقصعة فرنجي من شغول اليهـودي
بادي بها في شق خلفات و عشـارحم المـذاري نابيـات العضـودي
جونا وجيناهم على جيش ومهـارجيشٍ عقيده فوق حمـراً عنـودي
خلو قضى حناش في الحزم مزبـاربين الحشاش وبين خشم العمـودي
تأكل طيور الجو و ذيـاب وجعـارو تاخذ سنه خشم "السويبق" ترودي
نرعى علي الحدان حسكات الاوبارنرعى بهنه لا قسى كـل عـودي
ولاناخذ القصـره ولاناخـذ الجـارولا شددونـا بايقيـن العـهـودي
نضرب بحد السيف في كل محضارنضرب بحده والخلايـق شهـودي
في ضف شيخٍ من صواريم سنجاريوم المجابـه والمـزارق يـزودي



وكانوا المضافره يعرضون بالبنادق قبل معاركهم بهذه الردحة للشاعر ضيف الله بن حنيشان المضفري الجعيد:




حي لي قيفٍ كما ثعـل برديـهوان نهض نوه على الدار بالفاقه
لبسنا ام اصبع وميري وهنديـهوامهات احد عش للموت عشاقه
وام خمس اللي مضاريبها سيـهما شريناها ولا هيـب حرّاقـه
يا جملنا شيـل عبرتـك مثنيـهوالجمل يشتال حمله ومعلاقـه



وتقبلوا تحياتي,,,,,,,,,,,,[/frame]

[البيك]

[frame="2 80"]يقول الشاعر الكبير بديوي الوقداني:




الجعيد العريب كم لطم من حريبعادته من على الجدان ضاريبها



ويقول ابن دويس:




عزوة الاد جعيد ذربيـن الأيمـان*** أهل المـروه والسلـوم النظيفـه
للضيف ضيافـه وللجـار عـوانوللخصم ضد اليا اشهر الشر سيفه
لطامة العايـل مذاخيـر عتبـانقومٍ بتاريـخ العروبـه شريفـه
قومٍ تحوز العز فـي كـل ميـدانمن نجد للطايـف ديـارٍ مريفـه
ماجاتهم ورثٍ ولا جات صفطـانالا تحت ظل السيـوف الرهيفـه [/frame]

[البيك]

[frame="3 80"]السلام عليكم ورحمة الله وبركاته

هذه القصيدة لتركي بن حميد:

ارسل تركي هذه القصيدة لآل هندي ابناء عمه واهل زوجته ، وكانوا ما يزالون في بوادي الحجاز يخبرهم بمعاركه في نجد وانتصاراته المتتاليه ويصف كرم القبيله وشجاعتها :

ياراكبن من عندنا نابية شط
تشدي ظليمن بالخلا طايعه ذور

وقم الرباع ونابها ما بعد نط
تكسر عصى الكور لو كان ماسور

تشدي لكدري القطا حين قرط
إنصف ريشه عقب ماهو بـ منشور

تلفى بني عمي ورا نجد بهبط
أهل بيوت كنها شمخ القور

اهل صحون بالمجاعه تقلط
ذباحة مازاد نيه من الخور

إن جيتهم ملزوم بالصوت تصعط
وعطهم مكاتيبي قبل تجدع الكور

واخبر بني عمي ترى الشيل بي غط
والنفس ماتصبر على الضيم والجور

عطوا كما عطت حصانن إليا عط
خطو الاصيل اللي من الزاد مبرور

لعينيك يا اللي بالعويدي تمشط
دقيق رمش العين كنه من الحور

ليته حضرنا يوم سو البلا شط
نار الذليل وردَها كل مسطور

شمالنا من مس الارسان تنفط
وايماننا تطلق من السو مقدور

وارخصت عمري عند جيش المخلط
ماهمني ناسن يقولون حاذور

الغوج رديته على غير يصفط
على شنق كنه من القين مكسور

كم فارسن من راس رمحي تفرشط
مدح راسه حط في الحزم جافور

عليه خفرات بالاسلاب تشعط
خلَي عشا لمرهفل الذيب وطيور

المعاني :
تشدي : تشبه
صايعه ذور : اصابه الذعر
وقم : حوالي
الرباع : من مراحل نمو الجمل
تقلط : تقدم للضيوف
الخور : الابل
تصعط : تصيح
تجدع الكور : تنزل شداد الجمل
الارسان : جمع رسن
خفرات : فتيات الخفر المستترات
الاسلاب : الثياب
================================================== ==[/frame]

[البيك]

]القصيدةهذي موجهة من تركي الى مسلط بن ربيعان امير الروقة من عتيبه بعد معركة تخلى عن تركي فيها الصعارين من مطير بعد ان وعدوه بالمناصرة ولم يحضرها ابن ربيعان الى جانبه اذ كان معتمدا على مساعدة الصعارين لتركي وظل في موقعه عن جبل شعر ، ويذكر الظاهري رواية عن سعد بن جنيدل ان المعركة المقصودة هي معركة البديعة الشهيرة ضد ابن هادي والتي استطاع تركي وعتيبه ان يوجع ابن هادي بقتله بعض فرسانه المشهورين ورجعوا ولم يحققوا شيئا او يهزموا عتيبه وبعد انجلاء المعركة توجه الشيخ تركي وألحق الهزيمة بالصعارين وأدبهم على فعلتهم المشينه وانشد يقول بهذه المناسبة :

ياراكب اللي بقلهن توَثنا
فج العضود مدمثات المحاصير

لاهنَ لا قعس ولا هن بـ دنَا
متيهات في ليالي المخاضير

الصبح من وادي الرشا ينشرنا
من بيت ابو خالد(يقصد نفسه) زبون المقاصير

يلفن ابو تركي(سلطان بن ربيعان) زبون المجنى
هوشيخنا لاجت ليالي المعاسير

الشيخ مثلك مانزل شعر عنا
وادنى عتيبه حايلن دونه النير

جانا الصعيري قال صولوا وصلنا
صلنا نحسب انه على راي تدبير

أثر الصعيري فزعته ماج عنا
واقفن ظعونه عقب ما هن مناحير

وجينا على ركب الحريب ونزلنا
صرنا دواوير وصاروا دواوير

ياكبر زبر جموعهم يوم جنا
أرواحنا ترخص وهي للمقادير

بإيماننا صوارمن يقطعنا
سقى القنيدة من حقوق الشخاتير

من عقب هذا لا مطير وحنا
لا صلب جدَ ولا بهم نية الخير

لكنهم يوم انجلى السو عنا
هذا طريح وذاك ذبَ المعابير

لي لابتن تشلع مع السن سنا
ان كان بالغارات والا الطوابير

ناسن إليا حلوا على القحص جنا
في منتهاه ننزح النمر والزير

المعاني :
بقلهن: بقل الناب اذا طلع عند نضوج الناقة ، فج العضود : متباعد مابين العضدين ، مدمثات : لينات ، المحاصير : مجلس الراكب
قعس: بروز الصدر وضمور الظهر ، دنَا : قصيرة العنق ، المخاضير : الربيع
وادي الرشا: الموقع الذي كان فيه تركي وقت كتابة القصيدة ، ينشرنا : يخرجن صباحا ، زبون : ملجأ ، المقاصير : الجيران
ريف الهشالى : مطعم الجائعين
الصعيري : فخذ من قبيلة مطير
زبر : تزبر الشيء وتكدس
القنيدة : الغيمه الممطرة ، الشخاتير : انهمال المطر
ذب : رمى

الطوابير : الجيوش المنظمة
القحص : الخيل التي تعدو براكبيها ، الزير : الاسد
================================================== ====

[البيك]

شباب الصراحه وش رايكم في الموضوع بكل ثقه الصراحه ودي اعرف كيف الموضوع لاني متحمس جداً