لا والله ألا روّح الغرو مع ( تاج )

العبيريد · 03-16-2004, 08:47 PM

[ALIGN=CENTER]

السلام عليكم ورحمة الله وبركاته

اخواني الكرام

جار لنا في الحاره عنده سواق هندي أسمه ( تاج )

وأليكم القصيدة ...

[poet font="Simplified Arabic,5,purple,normal,normal" bkcolor="transparent" bkimage="" border="none,5,gray" type=2 line=200% align=center use=ex length=0 char="" num="0,black" filter=""]
لا والله ألا روّح الغـرو مع ( تاج )=اللي سبا قلبي وهاضه وهدّه
راحت وهي تلبس من اللبس ديباج=زينٍ طبيعي ما معه شيّ ضدّه
ما أحدٍ يحاليها , لها عين وحجاج=وردفٍ وخصر وصدر معها تشدّه
وشعرٍ حريري ينتفض مثل الأمواج=ما أدري بدَهن الزيت وألا تكدّه ؟
لا رحنبوها شافها القلب وأهتاج=مثل الحطب لا خالط النار مدّه
ويدينها لا شفتها كنها العاج=وكفوفها ياخوك مثل المخدّه
يفرق حلاها عن حلا بنت قرطاج=ويزيد عنها في تواصيف قََدّه
وجدي عليها وجد من صار محتاج=يبا المعونه في غريمٍ يسدّه
أو وجد منهو ضايعْ بساحل العاج=وأهله على ما قيل بأطراف جده
ياربعنا مانيب في السوق دوّاج=غروٍ بلاني عند بابي بودّه
[/poet]

اتمنى ان تنال رضاكم

واستروا ما واجهتوا على ما قيل

:D

العبيريد[/ALIGN]

العود الازرق · 03-16-2004, 09:35 PM

صح لسانك يالعبيريد

لا هنت وبيض الله وجهك

العبيريد · 03-16-2004, 10:19 PM

[ALIGN=CENTER]blue wood

العود الأزرق ;)

ومن قال سالم

شاكر لك مرورك يا غالي

تحياتي لك

العبيريد[/ALIGN]

الباحث و الكاتب · 03-17-2004, 05:37 AM

قصيدة رائعة جدا وليست غريبه عليكم بالعضيان فكلكم شعراء

يكفيكم ان شاعر عتيبة / عبدالمعين بن عقل العتيبي منكم

....

هذه القصيدة باسلوب غزلي رائع وفيه تصوير ابداعي مثل ساج العاج وجده ةغيرها

اخوكم

الباحث

العبيريد · 03-17-2004, 09:48 PM

[ALIGN=CENTER]اخوي الباحث والكاتب

مشكور على هذا الأطراء وعتيبة كلها فيها من الشعار اللي نفخر به

وهذا ليس بمستغرب على قبيلتي الهيلا

شاكر لك ردك الكريم ومرورك الغالي

العبيريد[/ALIGN]

مرضي القيفان · 03-18-2004, 08:57 AM

[ALIGN=CENTER] الاخ/ العبيريد
صح لسانك ولا هنت
قصيده رائعه0 بصدق المشاعر
والغيره من تاج :D

لارحنبوها شافها القلب وهتاج
مثل الحطب لاخالط النار مده0

ننتظر منك المزيد
فلا تحرمنا من روائعك

تقبل تحياتي وتقديري

اخوك مرضي القيفان[/ALIGN]

النـايــــــف · 03-19-2004, 12:24 AM

[ALIGN=CENTER]صح لسانك أخوي الغالي العبيريد

وبيض الله وجهك يا الغالي [/ALIGN]

العبيريد · 03-20-2004, 10:35 PM

[ALIGN=CENTER]مرضي القيفان

النايف

اشكر لكم مروركم الكريم

ورديكم اللطيفين

تحياتي لكما

اخوكم

العبيريد[/ALIGN]

طلال الثعلي · 03-21-2004, 02:03 PM

العبيريد

صح لسانك الف مليار....

والله انها قصيده جزله ..

وانت كتبتها من معاناه....

لكن الله يعينك على تاج....

بلشنا بين تاج وراج الله يمتحنهم.....

سجل اعجابي بهذه الرائعه .......

تحياتي

العبيريد · 03-21-2004, 10:04 PM

[ALIGN=CENTER]اخوي طلال

الله يعين المسلمين على بلوة هالسواقين

والله يعين العاشقين على ماقيل

:D[/ALIGN]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لا والله مستعجل !!ـ	فواز الشيباني	المنتدى الإسلامي	8	07-07-2006 02:21 PM
والله ما ألومك	فواز الشيباني	منتدى الشعر الشعبي المنقول	10	05-29-2006 10:12 AM
والله مااقعد في دبي	سلمان الذيابي	منتدى الشعر الشعبي المنقول	10	03-05-2006 08:45 PM
على طهر وشرف والله ثم والله ثم والله	نوف	منتدى الشعر الشعبي المنقول	8	01-08-2006 06:19 PM
والله والله والله أن مارحبتوووووا فيني لسوي ؟؟؟	أخت رجاااااااااال	منتدى الترحيب والتبريكات	5	02-14-2005 06:16 PM