هل هذا الموقف يسئ لقبيلة عتيبة ام اللجنه ام من المتسسب

[روقان شاعر]

[align=center]السلام عليكم ورحنة الله وبركاتة
زوارنا الكرام ...
كلن منكم يذكر مهرجان المزايين الي اقامته عتيبه الله يرعاهم من كل شر
كان الفريد من نوعه وكل الناس تمدحه بوساعة صدر ,
وانا من الناس اللي امدحه وامدح الشيوخ والشعار اللي قامو عليه
بعد هالمقدمه اخواني بقولكم موقف صار في المهرجان
الشاعر : سعد بن صايل الفحمان العنزي
اتى من حايل ليس لا جوائز ولا شرهات ولا شي اتى لحبه للقبيلة ولمهرجان
لنه من الناس اللي يحبون البل والنياق
ماعلينا
قال قصيده اعجبت الجميع بأسلوب الاقاء والابتسامات مع القصيده
اتى خبر انه ربح جيب لكزز والخبر وكاد و100% مافيه نقصان
من شيخ من شيوخ الهيلا
ويعلم الله انه من الناس اللي ماتى لجل الشرهات ومافيه احد يعاف الخير
انتضر ولا الخبر صار روايه يعني هو اكيد بس ماجاه شي
انا الحين بسرد لكم القصيده الاولى الي قالها فالمهرجان
وبذكر لكم القصيده الثانيه اللي رد على راعي الخبر والقائم على المهرجان


[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بديت بسم الله في مطلع القيل = نبدأ بذكره قبل قاصر وطايل
الخالق الرزاق مضف المعاليل = محي العظام الباليات السمايل
سلام مني للوجيه المقابيل = واللي يشاهدنا بشتى الوسايل
في حفل خطلان اليدين الحلاحيل = ستر العذارى ناقضات الجدايل
لطامة العايل وذباحت الحيل = برقا وروق اهل الفعول الجزايل
عتيبه الهيلا سباع الرجاجيل = تاريخهم في نجد مابه جهايل
من يجهل اللي يكرمون الوهاشيل = وان ركبت شهب السنين السحايل
ومن يجهل اللي يرفدون المعاميل = اهل الكرم يوم المطاعم قلايل
من غربي العارض لياشرقي السيل = حامين نجد من طمع كل عايل
صغيرهم لو هو بوسط الزهاميل = يشره على فعول الجدود الاوايل
فعولهم ماتشبة الجدي وسيهل = تشبه لضؤ الشمس وقت القوايل
وانا مشيت الفجر في تالي اليل = من دار حاتم طي باطراف حايل
ماجيتكم عاني مدور محاصيل = ولاجيت يالهيلا مدور عدايل
جينا نبارك حفلكم يارجاجيل = حب وفاء واعجاب والشك زايل
مبروك جمعاكم بوسط المداهيل = بنجد العذيه للزيان الجلايل
وضح (ن) وصفر(ن) وشعل وسودً كم اليل = زين علهين نذكر الله هوايل
خشومهن تشبه ردود المسابيل = علط الرقاب وغارب المتن طايل
انتم اهل البل وزمان المصاويل = يوم العرب في نجد صايل وجايل
حامينها بحدب والسيوف المصاقيل = وعلط الرماح بالنمش والفتايل
في ضركم ماذير وهاهل الخيل = غزايها يرجع بكبده ميلا يل
واليوم ساد العدل ماعاد به ميل = كلاً على حقه يورد دلايل
في ضل من يرهى حقوق المراميل = ماحط دون الشعب حاجب وحايل
صقر العروبه وادم الفعل بالقيل = مك قلوب الشعب صدق وصمايل
وسلطان سلطان الصخى نافل الجيل = يمناه ماتقدر تمد القلايل
وراع الحفل ريف الضعوف المهازيل = مشعل صليب الراي واف الخصايل
قلته وانا من لابة توفي الكيل = وساع الصحون ومقحمين الدبايل
قبيله منها ملوك ومشاكيل = من عصر ابن كلثوم وكليب وايل
زمل التخوت ان برك الزمل بالشيل = اصغرهم اللي لاثقل الحمل شايل
خويهم ماشتكي زايد الميل = ولايتشكي برد الشتاء والقوايل
وقصيرهم يلقى معزه وتدليل = من حشمته عن لابته مايسايل
لبسوا لباس المجد تاج وسرابيل = من دون نقصً في حقوق القبايل
والناس مثل الناس مافيه تفضيل = الا بيدين الله وطيب الفعايل
وصلاة ربي عد وبل الهماليل = على محمد عد نبت المسايل[/poem]



وهذي القصيده الثانيه حبايبي

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابدر يابدر الدجاء في تمامه = اللي بنوره يتهدون السراتي
ياللي بوجهك للمكارم علامه = للجود والحكمه وحسن الصفاتي
لبست ثوب المجد فوق العمامه = من عالي الهامه لحد الحذاتي
الجود يالشغار نلتم وسامه = وتاج الفخر نلتوه علماً ثباتي
يابن الشيوخ اللي رفيعاً مقامه = بك الكرم من حاتم وباس الزناتي
شاركتكم بالحفل حب وكرامه = لامقصدي عونه ولا جايزاتي
في ملتقى الهيلا بذيك العدامه = الملتقى اللي ماش مثله بتاتي
وجاني خبر فوزي من اقصى تهامه = علماً يردونه رجالاً ثقاتي
سلمان ولد حمود جتني علامه = علماً عليه شهود وبنص الوصاتي
علمه وصلني كاملاً في تمامه = الجايزه لكزز مخصص لذاتي
ولاهو كثيراً من رجال الشهامه = اهل الكرم والجود والواجباتي
واليوم ضاع العلم مدري علامه = اصبح روايه من كلام الرواتي
نشرح لك الموضوع ماهي ملامه = مايلحق الاجواد منا شماتي
اللي لهم في قمة المجد قامه = في ذبحة الحايل ولطم العداتي
والرجل تظهر قيمته من كلامه = واخير من بعض الكلام السكاتي
والصقر ريشه مثل ريش الحمامه = لاشك بين الثنين افتخاتي
وبالكذب عيب وبالتخضع رخامه = الالمن يحي العظام الفتاتي
ومن سأل غير الله يلقى الندامه = نفسه فقيره لو حصله غناتي
وشلون يسئل وآخر العمر خامه = يلف فيها لف وقت المماتي
يبقى بها يما تحلل عظامه = ويذوب جسمه لين يصبح رفاتي
وصلو على اللي ظللته الغمامه = عداد ماب الكون من كائناتي[/poem]


اتمنى التفاعل من كبار الشخصيات والاعضاء

ملاحظه : يعلم الله ان الشاعر لم يتفوه لاحد ولم يطالب احد
انما اخذتها ونشرته دون علمه
وهي للشاعر
سعد بن صايل الفحمان العنزي

الإيميلات ممنوعه
[/align]