يتيمة الدجيما

[الدجيما]

عندما تضيق الدنيا في وجه الانسان فالايجد ملجاء الا الى ذلك

الصديق الذي ادخره لمثل هذه الظروف فتكون النتيجه عكس المامول

فان القريحه تجود بمثل هذه الابيات التي تعبر عن نفسها:
[poet font="Times New Roman,5,silver,normal,normal" bkcolor="transparent" bkimage="backgrounds/21.gif" border="solid,4,gray" type=2 line=200% align=center use=ex length=0 char="" num="0,sandybrown" filter=""]
أنا بعد شفت الظروف اجبرتني = وقتي قسا في وجهي وسل سيفه
حاولت فيها مير ماطاوعتني = ظروفي و وقتي حليف وحليفه
جاملتها لكن ماجاملتني = باسبابها همي يجي واستظيفه
ماابغى مقاسمها وهي قاسمتني = في زادي ونومي معي بالنصيفه
طرت علي الديره الى ربتني = دار(ن) مناسب من سكنها شريفه
ناس(ن) قرابتهم لهم قربتني = رجالهم يفرح ليا جاه ضيفه
أعدهم لسهوم وقت(ن) رمتني = ملجاي في جور السنين المخيفه
مار البلا شفت الظنون خدعتني = في من ذخرته للظروف الكليفه
كل اتصالاتي بهم ماأوصلتني = والي لقيته بان كذبه وزيفه
راجعت نقسي لين حتى اخبرتني = قالت ترا ماني بنفس(ن) ضعيفه
ياطارق هجوسك وراها اتهمتني = قلت البلا ربعي ولا ابغى النكيفه
حتى تبين علة(ن) سامرتني = خلت طواريق القصايد عسيفه
مدري بلاهم واحد(ن) مبتهتني = ومسيل(ن) بالكذب وادي حنيفه
وألا الليالي جاتهم يوم جتني = وكل(ن) بوقته مبتلش عن وصيفه
والمعذره وأيامنا علمتني = الجرح مهما طال يبرا نزيفه

[/poet]



[ALIGN=CENTER]
الدجيما[/ALIGN]

[مرضي القيفان]

[ALIGN=CENTER]الأخ/ الدجيما

صح لسانك وبيض الله وجهك
على هذه القصيده اللتى اعتبرها
رمز من رموز الاهداف اللتي يتطلبها
الانسان في ما يمر به من احداث0

لإحتوائها على المضامين الاتيه:-

حدث واقعي لا محاله0
مار البلا شفت الضنون خدعتني
في من ذخرته للظروف الكليفه 0

درس من الدروس لامكانية خيبة الضن
في من تعتبره ملجاء لك بعد الله
عند وقوع النائبات لا قدّر الله


راجعت نفسي لين حتى اقنعتني
قالت ترى ماني بنفس ٍ ضعيفه

مجادلة النفس لصاحبها والقاء اللوم
منها على صاحبها والعكس 0
اخبار النفس لصاحبها عن عزتها
وعلو كرامته والافتخار بذلك 0


ياطارق هجوسك وراها اتهمتني
قلت البلا ربعي ولا ابغى النكيفه

تبرير الموقف والاصرار على بقاء الثقه
مهما حصل من مواقف مغايره للآمال


مدري بلاهم واحد ٍ مبتهتني
ومسيّل ٍ بالكذب وادي حنيفه

والا الليالي جاتهم يوم جتني
وكل ٍ بوقته مبتلش عن وصيفه

التماس العذر واغلاق الفرص
عن دخول الوساوس للتفكير
حتى لا تزيد الفجوّه لاي سبب من الاسباب


والمعذره وايامنا علمتني
الجرح مهما طال يبرا نزيفه

اقتناع وبقاء الامل مهما حصل
راجع للخبره في متقلبات الحياة
وتداول نوائبها بين حين وآخر
وتأكيد موثوق منه بأن ما حصل
سيتم نسيانه مع مرور الزمن
ودليل على انه لابد من صفاء القلوب
وحسن النيه !!!!!!!!!!!!!



لله درك لا فض فوك ولا انثلم قلمك
وعسى ان لا تكون هذه القصيده فعلا
كما اسميتها ( يتيمه )

فلا تحرمنا من نزف قلمك ورجاحة عقلك
واتزان سيرك
لك مني كل تقدير واحترام
وتقبل تحياتي ومصافحتى لك 0

وسجل اعجابي



اخوك / مرضي القيفان
ك 0 ف 0 السيحاني[/ALIGN]

[همسات الليل]

وش اقوى من ان الانسان يواسي نفسه؟؟؟؟؟؟؟؟؟

وش اقوى من انه يموت واااااااااااقف......ناااااااايف......عاااااااالي وشامخ

مثل الشجر والراس مرفوعه


كنت دايم اقول لاي واحد يضعف قدام ظروف زمانه
(اضحك على الزمن ولا تخليه يضحك عليك)

خلك يا الدجيما على نفس المسيره

وكل جرحك تبي تبرى مثل انت ماقلت
والمعذره وايامنا علمتني....الجرح مهما طال يبرى نزيفه

صح لسانك ولا عدمناك

اختك
همسات الليل

[العبيريد]

[ALIGN=CENTER]اخوي الدجيما


صح لسانك


مـدري بلاهـم واحـد(ن) مبتهتنـي
ومسيـل(ن) بالكـذب وادي حنيفـه



ولا هنت على هذي القصيده الرائعة


والتي وصفها اخوي مرضي القبفان وأحسن الوصف


فلك مني كل تحية وتقدير



اخوك العبيريد[/ALIGN]

[الشبلان]

[ALIGN=CENTER][TABLE=width:70%;][CELL=filter:;][ALIGN=center] صح لسانك اخوي الدجيما على هذه القصيدة الرائعة والتي تحمل الكثير من الحكمة والعبر والله لا يهينك ويعطيك العافية [/ALIGN][/CELL][/TABLE][/ALIGN]

[الدجيما]

[ALIGN=CENTER] اخوي مرضي القيفان مشكور على المرور وعلى هذا الاطراء

والقصيده جاءت لتعبر عن مشاعر في ظروفها اما انا فلست بمستوى

ذلك الشاعر الذي ذكرت انما هي محاوله ولن باذن الله اكررها.

اختي همسات الليل مشكوره على مرورك والله يعطيكي العافيه

ولانسان ليس له في هذه الدنيا الا كرامته وعزة نفسه.

الله يسلمك اخوي العبيريد والله يعطيك العافيه.

صح بدنك اخوي الشبلان وسلمت ومشكور على المرور.



الدجيما[/ALIGN]

[ابـو سعـود]

صح لسانك يالدجيما ولا أزيد عن مرضي القيفان اللي حلل القصيده تحليل منطقي


بانتظار اختها ;)


وعساكم ماتشووفون باس

[@ عتيـبـي نجــد @]

[ALIGN=CENTER][TABLE=width:70%;background-color:transparent;background-image:url();border:1 solid green;][CELL=filter:;][ALIGN=center]

الاخ / الدجيما
صح لسااااااااانك
قصيده رائعه اجزم انها
لم تاتي من فراغ فالها موضوعها
وكذلك لها فارسها الذي اطلق لها
عنان الوجد وفازت برضاه اولاً
ثم رضا من يقراها
الله لايهينك اللي بعدها
[/ALIGN][/CELL][/TABLE][/ALIGN]

[طلال الثعلي]

الدجيما

صح لسانك مليون.....

ابداع وقصيدة لها وزنها..


تحياتي

[الدجيما]

اخوي ابو سعود صح بدنك ولاترى باس ومشكور على مرورك.


عتيبي نجد صح بدنك والمهم رضى القارئ ومشكور على المرور.


طلال الثعلي تسلم مليون ونص ومشكور على مرورك.




الدجيما