[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوجودي كان يبري من العله وجود= وجد من شاف المذله لجل لقمة هله
ان رضى بالذل بيموت من سم الكبود= وان تعزز حده الوقت لين يجندله
ياوجودي جعل ليل المفارق مايعود= كل مايطري علي هل دمعي بعجله
كنت اقول الحلم له مسئلة وقت وحدود= لين ضاع الوقت والحلم عييت اوصله
ويش اسوي يا هل العرف والايام سود= كل ماودعت حزني يجي واستقبله
مايهدي ضيق صدري ليامن ضاق كود= لاقريت الحمد من بعد ذكر البسمله
جعلني ماشوف ماكره ولا اخاوي جحود= وجعلني ماعالج المشكله بالمشكله
اتصبر يمكن الصبر في تاليه فود= والخطاوي مجنبه والمشاعر مشمله
اثر راع الحب مثل المكبل بالقيود= بين خلق الله وكن اليدين مكبله
بين رايات الهزيمه ورايات الصمود= وبين هقواته وعقله وطيشه واجهله
يامعودني على البعد ما فالبعد زود= جنب الدكتور رح للمجرب واسئله
يكفي اني كل ماطروك فيضت العدود= وانت لا هاللحين ماتدري ان لك منزله
لاتظاهر بالبراءه وطعناتك شهود= كل طعنه منك تاخذ مسار الاوله
كن عيونك ساحة اقتال ورموشك جنود=وكني اللي جا بكيفه يدور مقتله
من غلاك احتاج سعرات تحريك الركود= مثل تحريك المشاعر بعطر المذهله
اجمع احساسك غلا وانثره مثل الورود= ولك علي اشرع القلب حتى تدخله
لاتخاف امن التلاقي ولاتنسى الوعود=واي حاجز يمنع الوصل قدامك شله
وكان قصدك جرحي اللي مضى فرقى سنود= اذكر اني حزت الجرح قلت الك ازهله
انت فيك اشياء واجد تخليك امحسود= فوق زينك فيك شيمه وقيمه وقبله
جعلني ماذوق حزنك وجعلك فالوجود= لاتعودني على البعد ويموت الوله
الوصال الستر والبعد بياح السدود= وكل يوم يمر من دون وصلك مطوله
كل شي يهون غير التجاهل والصدود= ماقبله من غيرك اشلون منك اقبله
لاتجاهلني وانا من عريبين الجدود= كان عندك شي لاتستحي مني قله
ماتنسينا الخطايا مواثيق العهود = الوفا منا وفينا وحنا من هله[/poem]
الشاعر\ ســـالــم بن جــخــير
| 
|
07-16-2008, 01:28 PM
جعلني ماذوق حزنك وجعلك فالوجود && لاتعودني على البعد ويموت الوله
العرض العادي
